विखेंच्या जागी बाळासाहेब थोरात विधीमंडळ नेतेपदी निवड – eNavakal
News महाराष्ट्र मुंबई

विखेंच्या जागी बाळासाहेब थोरात विधीमंडळ नेतेपदी निवड

मुंबई – महाराष्ट्राचे विरोधी पक्षनेते राधाकृष्ण विखे-पाटील यांनी आमदारकीचा राजीनामा देऊन भाजपाची वाट धरल्याने रिक्त झालेल्या काँग्रेसच्या विधीमंडळ नेतेपदी बाळासाहेब थोरात यांची निवड करण्यात आली आहे. मात्र विधानसभेतील राज्याचे विरोधी पक्षनेते बनण्यात बाळासाहेब थोरातांना अनेक अडचणी आहेत. कारण राष्ट्रवादी काँग्रेसही या पदावर दावा करण्याची शक्यता आहे.
काँग्रेसचे सरचिटणीस के.सी.वेणूगोपाळ यांनी महाराष्ट्रातील काँग्रेस पक्षाच्या विधीमंडळाच्या पदाधिकार्‍यांच्या नियुक्त्या जाहीर केल्या आहेत. विजय वडेट्टीवार यांची काँग्रेसच्या विधानसभेच्या गटनेतेपदी निवड करण्यात आली आहे. तर उपनेतेपदी आमदार नसीम खान यांची निवड करण्यात आली आहे.
काँग्रेसच्या विधान परिषदेवरील गटनेतेपदी शरद रणपिसे यांची नियुक्ती करण्यात आली असून, उपनेतेपदी रामहरी रुपनवार हे असतील. विधानसभेच्या मुख्य प्रतोदपदी बसवराज पाटील यांची नियुक्ती करण्यात आली असून, के.सी.पाडवी, सुनील केदार, जयकुमार गोरे, यशोमती ठाकूर आणि प्रणिती शिंदे यांची विधानसभेच्या प्रतोदपदी नियुक्ती करण्यात आली आहे. भाई जगताप यांना विधानपरिषदेचे प्रतोद बनविण्यात आले आहे.
राधाकृष्ण विखे-पाटील, अब्दुल सत्तार, कालिदास कोळंबकर, नितेश राणे यांच्या पाठोपाठ आणखी आमदार काँग्रेस सोडून जाऊ नयेत म्हणून काँग्रेसने जवळजवळ बहुतेक आमदारांना नेतेपद व प्रवक्तेपद वाटण्यात आल्याचे बोलले जात आहे.

Sharing is caring!

You may also like

Read More

post-image
आघाडीच्या बातम्या मुंबई

शेअर बाजारात मोठी उसळी, सेन्सेक्स १३०० अंकांनी वधारला

मुंबई – मोदी सरकारकडून शुक्रवारी कंपनी करात करण्यात आलेल्या कपातीनंतर आज शेअर बाजारात मोठी उसळी पाहायला मिळत आहे. आज शेअर बाजार उघडताच सेन्सेक्सने जवळपास...
Read More
post-image
आघाडीच्या बातम्या मनोरंजन

अनुष्का शर्माचा देशातील सामर्थ्यवान व्यक्तींच्या यादीत समावेश

नवी दिल्ली – मिसेस कोहली अर्थात बॉलिवूड अभिनेत्री अनुष्का शर्मा हिला भारतातील सामर्थ्यशाली स्री म्हणून घोषित करण्यात आले आहे. फॉर्च्यून इंडियाने भारतातील ५० सामर्थ्यवान...
Read More
post-image
लेख

वृत्तविहार – द्रूतगतीवरची कासवगती

केंद्रीय वाणिज्य आणि रेल्वे मंत्री यांना मुंबईतल्या वाहतूक कोंडीचा फटका बसला आणि त्यांनी मुंबईकर कसे संयमी आहेत, असा पलटवार करून वेळ मारून नेली. परंतु...
Read More
post-image
मुंबई

घाटकोपरमध्ये कोचिंग क्लास चालकाची भर वर्गात हत्या

मुंबई – घाटकोपर येथे कोचिंग क्लास चालकाची भर वर्गात हत्या केल्याची धक्कादायक घटना घडली आहे. रविवारी संध्याकाळी साडेसहा वाजताच्या दरम्यान घाटकोपर येथे मयांक ट्युटोरियल...
Read More
post-image
आघाडीच्या बातम्या महाराष्ट्र राजकीय

अमित शहा २६ सप्टेंबरला पुन्हा मुंबईत

मुंबई – महाराष्ट्राचे पुढील मुख्यमंत्री देवेंद्र फडणवीस हेच असणार असल्याची घोषणा करत भाजपा राष्ट्राध्यक्ष अमित शहा यांनी रविवारी मुंबईतील गोरेगाव येथील सभेत विधानसभेच्या प्रचाराचा...
Read More