वसईजवळील ‘पाणजू बेट’ अभिनव पर्यटनस्थळ होणार – eNavakal
मुंबई

वसईजवळील ‘पाणजू बेट’ अभिनव पर्यटनस्थळ होणार

वसई – पूर्वीचा ठाणे जिल्हा आणि आताचा पालघर जिल्हा म्हणजेच वसई तालुक्याच्या खाडीच्या सुरुवातीलाच बेटांच्या वेशीवर स्थिरावलेला वसई खाडीमधील एक सुंदर पाणजू गाव नव्हे तर पाणजू बेटाचा पर्यटनस्थळ म्हणून आता केंद्र व राज्य सरकारकडून विकास केला जाणार आहे. या संदर्भात नुकतीच पालघर जिल्हाधिकाऱ्यांनी पर्यटन म्हणून गावचा नेमका आराखडा तयार करण्यासाठी या बेटाची आपल्या शिष्टमंडळासोबत पाहणी केली.

त्यामुळे आता सरकारच्या इच्छशक्तीने हे पाणजू बेट पर्यटनस्थळ म्हणून विकसित होण्यास चालना मिळाली असून पुढे हेच पाणजू बेट जिल्ह्यातील एकमेव असे अभिनव पर्यटनस्थळ होईलच यात अजिबात शंका नाही, परंतु स्वातंत्र्यापासून उपेक्षित राहिलेल्या गावातील अनेक समस्या मात्र दूर होण्यास मदत मिळेल किंबहुना त्या होतील आणि त्यामुळे विकासकाबरोबर रोजगाराची संधी देखील निर्माण होणार आहे.

दरम्यान या बेटाचा विकास कशा प्रकारे करण्यात येईल हे आराखडा तयार झाल्यानंतर स्पष्ट होणार आहे. त्यातच पर्यटकांना आकर्षित करणाऱ्या सोयी सुविधांवर अधिक भर देण्यात येणार असून पाणजू गावाच्या विकासाच्या व सोयीसुविधा याच्या दृष्टीने तशा प्रकारचा आराखडाही तयार करून जिल्हाधिकारी यांच्याकडे पाठवण्यात येणार असल्याचे यावेळी गावचे सरपंच आशीष भोईर यांनी सांगितले. एकूणच पाणजू बेट पर्यटनस्थळ झाल्यास येथील नागरिकांना रोजगाराचे साधन उपलब्ध होणार आहे. त्याशिवाय या बेटावर विकासात्मक कामे मार्गी लागतील, असेदेखील येथील पाणजू ग्रामस्थांनी म्हटले आहे .

गावात जायला रस्ता नाही; फेरीबोटशिवाय पर्याय नाही

वसई खाडीतील भाईंदर आणि नायगाव यांच्यामध्ये पाणजू नावाचे बेट असून मागील अनेक वर्षांपासून पाणजू बेटाचा विकास झाला नव्हता. मुळातच हे गाव दुर्लक्षित राहिले, या बेटावर जाण्यासाठी कुठलाही पक्का रस्ता अथवा पायवाट नाही, कारण आजूबाजूला केवळ पाणीच पाणी आहे, त्यामुळे फेरी बोटीतून जावे लागते. त्यामुळे गावकरी असो अथवा प्रशासन असो सर्वचीच गैरसोय होत होती.

नीती आयोगाचा महत्वपूर्ण निर्णय

पर्यटनस्थळ नीती आयोगाने देशामधील बेटांचा विकास करण्याचा निर्णय घेतला आणि देशात एकूण १ हजार ३८२ बेटे आहेत. त्यापैकी अगदी पहिल्याच टप्प्यात २६ बेटांचा विकास केला जाणार असल्याने या २६ बेटांच्या यादीत पालघर जिल्हा आणि त्यात वसई तालुक्यातील पाणजू बेटाची निवड करण्यात आलेली आहे.

बेट समग्र विकास अंतर्गत निधी मिळणार !

पाणजू बेटाच्या विकासासाठीचा आरखडा तयार करण्यासाठी जिल्हाधिकारी पालघर व कोकण विभागीय आयुक्त यांनी पाणजू गावाला मंगळवारी भेट देऊन पाहणी केली असता बेट समग्र विकास म्हणजेच (हॉलिस्टिक डेव्हलपमेंट ऑफ आयलँडस प्रोग्राम) या कार्यक्रमांतर्गत या बेटाचा पर्यटन विकास करण्यात येणार आहे. यासाठी राज्यस्तरीय व जिल्हास्तरीय योजनेमधून निधी उपलब्ध केला जाणार आहे.

पाणजू बेटावर पर्यटनाच्या दृष्टीने विविध संधी उपलब्ध असून अधिक चांगल्या प्रकारच्या जागाही या गावात उपलब्ध असल्याने पर्यटनासाठी विकास आराखडा तयार करण्यात आला आहे. त्यासाठी केंद्र , राज्य शासन आणि डी पी सीच्या माध्यमातून निधीही चांगल्या प्रकारे येईल, तसेच या गावाला चांगल्या सोयी सुविधाही उपलब्ध होऊन रोजगार वाढण्यास मदत होणार असल्याचे  पालघर जिल्हाधिकारी डॉ.प्रशांत नारनवरे यांनी सांगितले आहे.

Sharing is caring!

You may also like

Read More

post-image
देश

२ ऑक्टोबरपासून प्लास्टिक बंद – केंद्राची सूचना

नवी दिल्ली – पंतप्रधान नरेंद्र मोदींनी २५ ऑगस्ट रोजी आकाशवाणीवरील ‘मन की बात’ या कार्क्रमातून ‘प्लास्टिकमुक्त अभियान’ सुरू करण्याची घोषणा केली होती. महात्मा गांधी...
Read More
post-image
आघाडीच्या बातम्या महाराष्ट्र राजकीय

राष्ट्रवादीची पहिली यादी जाहीर; शरद पवारांनी केली घोषणा

बीड – विधानसभा निवडणुकीसाठी राष्ट्रवादी कॉंग्रेसने पहिली यादी जाहीर करण्यात आली आहे. राष्ट्रवादी काँग्रेसचे अध्यक्ष शरद पवार यांनी बीड दौऱ्यात बीडचे उमेदवार जाहीर केले...
Read More
post-image
आघाडीच्या बातम्या मनोरंजन मुंबई

अमिताभ बच्चन यांच्या जलसाबाहेर मुंबईकरांची निदर्शने

मुंबई – ‘मेट्रो-३’ प्रकल्पाच्या कारशेडसाठी आरे कॉलनीतील वृक्षतोडीला मुंबईकरांचा तीव्र विरोध होत असताना बॉलिवूडचे महानायक अमिताभ बच्चन यांनी मुंबई मेट्रोला पाठिंबा देत या सेवेचे...
Read More
post-image
महाराष्ट्र

गणपतीपुळे समुद्रात बुडणार्‍या ३ पर्यटकांपैकी दोघांना वाचविले, १ जण बेपत्ता

रत्नागिरी – रत्नागिरीच्या गणपतीपुळे समुद्रात तिघेजण बुडाल्याची घटना आज (बुधवार) सकाळी घडली आहे. यातील दोघांना वाचवण्यात स्थानिकांना यश आले आहे, तर एक जण अद्यापही बेपत्ता...
Read More
post-image
महाराष्ट्र

अपना सहकारी बँकेमध्ये दत्ताराम चाळके पॅनल विजयी

मुंबई – राज्याच्या बँकिंग क्षेत्रातील एका नावाजलेली बँक समजल्या जाणार्‍या अपना सहकारी बँकेच्या संचालक मंडळाच्या पंचवार्षिक निवडणुकीत बँकेचे विद्यमान अध्यक्ष दत्ताराम चाळके यांच्या अपना...
Read More