वर्कशॉप वाचविण्यासाठी गोदी कामगारांची उत्स्फुर्तपणे निदर्शने – eNavakal
News मुंबई

वर्कशॉप वाचविण्यासाठी गोदी कामगारांची उत्स्फुर्तपणे निदर्शने

मुंबई – मुंबई पोर्ट ट्रस्ट प्रशासन वर्कशॉप्स कामगारांसह माझगाव डॉकला देऊन टाकणार असल्याची चर्चा असल्यामुळे वर्कशॉप्समधील विविध शॉप्सच्या कामगारांनी आज एकत्र येऊन वर्कशॉप्सच्या प्रवेशद्वाराजवळ उत्स्फुर्तपणे निदर्शने केली. प्रमुख जुन्या बंदरांना आर्थिकदृष्ट्या आजारी करून नवीन लहान बंदरांना जन्म द्यायचा तसेच खाजगी बंदरांकडे मालाच्या बोटी वळवून त्यांना उतेजन द्यायचे, या धोरणामुळे जुन्या बंदरातील कामगारांच्या हितसंबधावर गदा आली आहे. हजारो निवृत्त कर्मचार्‍यांना द्यायला पेन्शन फंड सक्षम नाही. त्यामुळे उत्पन्नाचे नवे स्रोत शोधण्याचे प्रशासनाचे प्रयत्न चालू आहेत. वर्कशॉप्स शेजारच्याच माझगाव डॉकला देण्याचा पोर्ट ट्रस्ट प्रशासनाचा प्रस्ताव असल्यामुळे कामगारांमध्ये प्रचंड नाराजी असल्यामुळे कामगारांनी आज निदर्शने केली. निदर्शकांनी वर्कशॉप्स वाचवा, पोर्ट ट्रस्ट वाचवा, कामगार वाचवा, हम सब एक है, अशा जोरदार घोषणा दिल्या आणि कामगार आपल्या कामावर रुजू झाले.
ज्येष्ठ कामगार नेते अ‍ॅड. एस. के. शेट्ये यांनी निदर्शकांसमोर भाषण करताना सांगितले की, केंद्र सरकारच्या कामगारविरोधी धोरणामुळे सर्वच उद्योगात ही परिस्थिती आहे. सर्व मालकवर्ग एक झाले मात्र कामगारवर्ग एकत्र नाही. मात्र यापुढे सर्व कामगार संघटनांना एकत्र घेऊन आपली युनियन कामगारांच्या पाठीशी खंबीरपणे राहिल याची ग्वाही दिली आणि कामगारांनी एकजुटीने व सजगतेने राहण्याचे सांगितले. मुंबई पोर्ट ट्रस्ट डॉक अँड जनरल एम्प्लॉईज युनियनचे जनरल सेक्रेटरी सुधाकर अपराज यांनी आपल्या भाषणात सांगितले की, वर्कशॉप्स माझगाव डॉकला देणे, ड्राय डॉक कोचिन शिपयार्डला देणे, हे प्रश्न महत्वाचे असून कामगाराना विश्वासात घेऊन कामगार हिताचे निर्णय घेतले जातील. वर्कशॉपबाबत कोणताही लेखी प्रस्ताव पोर्ट ट्रस्ट विश्वस्तांच्या मीटिंगमध्ये आला नाही. याप्रसंगी युनियनचे सेक्रेटरी विद्याधर राणे, मारुती विश्वासराव यांची मार्गदर्शनपर भाषणे झाली. सभेचे सूत्रसंचालन युनियनचे उपाध्यक्ष विजय पंदिरकर यांनी केले.

Sharing is caring!

You may also like

Read More

post-image
न्युज बुलेटिन व्हिडीओ

नवाकाळचे सायंकाळी ७ वाजताचे न्यूज बुलेटिन (२०-०३-२०१९)

Sharing is caring!FacebookPinterestTwitterGoogle+ Related posts: नवाकाळचे सायंकाळी ७ वाजताचे न्यूज बुलेटीन (०१-०६-२०१८) नवाकाळचे सायंकाळी ७ वाजताचे न्यूज बुलेटिन (०७-०७-२०१८) नवाकाळचे सायंकाळी ७ वाजताचे न्यूज...
Read More
post-image
आघाडीच्या बातम्या देश

समझौता एक्स्प्रेस स्फोट प्रकरण : सर्व आरोपींची मुक्तता

नवी दिल्ली – 12 वर्षांपूर्वी झालेल्या समझौता एक्स्प्रेस बॉम्बस्फोटप्रकरणी मुख्य आरोपी असीमानंद यांच्यासह सर्व आरोपींची मुक्तता करण्याचा निर्णय पंचकुलामधील विशेष एनआयएच्या न्यायालयाने दिला आहे. या...
Read More
post-image
महाराष्ट्र राजकीय

टीव्हीवर ‘हे’ भाषण ऐकण्यासाठी पवारांनी बैठक थांबवली

मुंबई – राष्ट्रवादीचे अध्यक्ष शरद पवार यांनी आज मुंबईत विरोधी पक्षनेते धनंजय मुंडे यांच्या निवासस्थानी बैठक बोलावली होती. या बैठकीदरम्यान टीव्हीवर एक भाषण लागलं आणि पवारांनी चक्क...
Read More
post-image
आघाडीच्या बातम्या क्रीडा

शमीला वर्ल्ड कपसाठी पुरेशी विश्रांती मिळणार

मुंबई – इंडियन प्रीमिअर लीगमध्ये भारतीय संघातील खेळाडूंवर पडणाऱ्या अतिरिक्त तणावावर सध्या जोरदार चर्चा सुरू आहे. या पार्श्वभूमीवर आगामी वर्ल्ड कपचं महत्त्व लक्षात घेता किंग्स इलेव्हन पंजाब...
Read More
post-image
आघाडीच्या बातम्या देश विदेश

आता इंस्टग्रामवरून शॉपिंग करता येणार

नवी दिल्ली – इंस्टग्राम या सध्याच्या लोकप्रिय अॅपने निवडक ब्रँडच्या उत्पादनाची खरेदी करण्याची सुविधा आणली आहे. इन्स्टाग्राम अॅपमध्ये नवीन फीचर आणले आहे. या फीचरच्या...
Read More