वंचित व दुर्बल घटकातील विद्यार्थ्यांना मिळणार आर टी ई अंतर्गत आॅनलाईन प्रवेश – eNavakal
अन्य मुंबई शिक्षण

वंचित व दुर्बल घटकातील विद्यार्थ्यांना मिळणार आर टी ई अंतर्गत आॅनलाईन प्रवेश

कल्याण – वंचित व दुर्बल घटकातील विद्यार्थ्यांना शिक्षणाच्या प्रवाहात आणण्या बरोबर दर्जेदार खाजगी शाळेत प्रवेश देण्यासाठी शासनाने ठोस पावले उचलली आहेत .ठाणे जिल्हा परिषदेच्या शिक्षण विभागामार्फत आॅनलाईन प्रवेश प्रक्रिया सुरू करण्यात आली असून कल्याण ग्रामीण भागातील सुमारे 46 शाळेत विद्यार्थ्यांना प्रवेश देण्यात येणार आहे. त्यामुळे गरीब विद्यार्थ्यांनाही आता  खाजगी शिक्षण संस्थेच्या शाळा मध्ये प्रवेश मिळणार असल्याने त्यांच्या शैक्षणिक पात्रतेला वाव मिळणार असल्याचे दिसून येत आहे .
 कल्याण तालुक्यात जिल्हा परिषदेच्या 125 शाळा आहेत. 101 गाव खेड्यातील गोरगरिबांसाठी या शाळा विद्येचे माहेरघर बनल्या आहेत. परंतु आज प्रत्येक गावात इंग्रजी माध्यमाच्या शाळेचे आक्रमण झाले आहे. पालकांच्या बदलेल्या रुची मुळे या शाळांनकडे त्यांचा कल वाढतो आहे. भरमसाठ फी व डोनेशन यामुळे इंग्रजी शिक्षण ही श्रीमंताची मिरासदारी बनली आहे. यावर अंकुश लावण्यासाठी शिक्षण विभागाने 25% प्रवेश निश्चित केला. यामध्ये बालकांचा मोफत व सक्तीचे शिक्षणाचा हक्क अधिकार कायद्यानुसार समाजातील गरीब व गरजू तसेच दुर्बल घटकांना त्यांच्या मुलांना खाजगी शाळेत प्रवेश मिळावा म्हणून आर टी ई आॅनलाईन प्रवेश प्रक्रिया सुरू करण्यात आली आहे. यामध्ये कल्याण ग्रामीण भागातील 46 शाळांची नोंदणी /रजिस्ट्रेशन केले आहे. 1162 रिक्त जागा असून पालकांच्या मदतीसाठी होली क्रॅास इंग्लिश स्कूल, जी आर पाटिल विद्यामंदिर, मारथोमा विद्यापीठ, आर पी एस इंग्लिश स्कूल पिसवली या शाळेत मदतकें उभारण्यात आली आहेत.
या साठी पालकांना 10/2/2018ते 28/2/2018 या कालावधीत आर टी ई अंतर्गत 25%प्रवेशासाठी आॅनलाईन अर्ज भरता येणार आहे. विशेष म्हणजे यावेळी या प्रक्रियेत सगळ्या प्रमाणे घटस्फोटित, महिला विधवा, अनाथ आणि दिव्याग यांच्या बालकांना ही प्रवेश दिला जाणार आहे. या संदर्भात अथवा आॅनलाईन अर्ज भरताना काही अडचण निर्माण झाल्यास 022/33494333 या क्रमांकावर मिस कॉल द्यावा यावर त्या पालकांना तात्काळ मार्गदर्शन मिळेल असे शिक्षण विभागाच्या वतीने सांगण्यात आले आहे.आॅनलाईन प्रवेश अर्ज भरताना आधारकार्ड, लाईट बील, निवडणूक ओळखपत्र, टेलिफोन बील, वाहन चालविण्याचा परवाना, यापैकी कोणताही पुरावा ग्राह्य धरला जाणार आहे. शिवाय एक लाखापेक्षा कमी उत्पन्न असलेला दाखला जन्माचा दाखला, आणि रंगीत फोटो द्यावे लागणार आहे. त्यामुळे गोरगरिब विद्यार्थीकरीता खाजगी शाळेत शिक्षण घेणे सोपे जाईल व या 25%आर, टी, ई आॅनलाईन प्रवेशाचा जास्तीत जास्त लाभ घ्यावा असे आवाहन कल्याण पंचायत समितीच्या गटशिक्षणाधिकारी  ललिता दहीतुले यांनी केले आहे.

Sharing is caring!

You may also like

Read More

post-image
आघाडीच्या बातम्या देश संपादकीय

(संपादकीय) लोकसभा निवडणुकीचे भवितव्य ‘ईव्हीएम मशीन’च्या हाती

लोकसभा निवडणुकीचे निकाल लागत असताना देशभरातील तब्बल 21 विरोधी पक्षांनी ईव्हीएम मशिनविरोधात दाखल केलेली याचिका सर्वोच्च न्यायालयाने फेटाळून लावली त्याची कारणे काहीही असतील. तरीसुध्दा...
Read More
post-image
News महाराष्ट्र

बदलापूरजवळ बिबट्या मृतावस्थेत आढळला

बदलापूर – बदलापूरपासून आठ किलोमीटर लांब असलेल्या ढवळे गावाच्या मागील वनविभागाच्या हद्दीत एक बिबट्या झुडपात मृतावस्थेत आढळल्याचा प्रकार आज समोर आला आहे. या बिबट्याचा...
Read More
post-image
News महाराष्ट्र

चार्‍याच्या भाववाढीमुळे पशुपालक शेतकर्‍यांचे आर्थिक गणित कोलमडले

येवला – बळीराजाचे आयुष्यच शेतीशी निगडित असल्याने पावसाच्या कृपेवर आर्थिक गणित अवलंबून असते दुष्काळी परिस्थितीमुळे तालुक्यात पिण्याचा पाण्यासोबतच चार्‍याचा प्रश्नही गंभीर झाला आहे हिरव्या...
Read More
post-image
News महाराष्ट्र

रायगड जिल्ह्यात कर्नाटक हापुसचे आक्रमण! स्थानिक बागायतदारांचे नुकसान

मुरुड-जंजिरा – कोकणातील हापुस आंबा आणि त्याची चव प्रसिद्ध आहे. त्या नावाखाली रायगड जिल्ह्यात काही मंडळींनी कर्नाटक हापुस आंबे टनावारी आणले आहेत. यामध्ये रायगडातील...
Read More
post-image
News मुंबई

कांदिवलीत गाडी पार्किंगचा रॅम्प कोसळल्याने 6 वर्षांच्या मुलाचा मृत्यू

मुंबई- गाडी पार्किंगचा रॅम्प अचानक कोसळल्याने त्याखाली चिरडून सहा वर्षांच्या मुलाचा मृत्यू झाल्याचा धक्कादायक प्रकार आज कांदिवली परिसरात घडला असून त्यामुळे सर्वत्र खळबळ उडाली...
Read More