‘लोकांचे दोस्त’तर्फे स्वातंत्र्यदिनी ‘तिरंगा उठाव, भाजप हटाव’ रॅली – eNavakal
देश

‘लोकांचे दोस्त’तर्फे स्वातंत्र्यदिनी ‘तिरंगा उठाव, भाजप हटाव’ रॅली

मुंबई – ‘लोकांचे दोस्त’ आणि समविचारी लोकशाहीवादी, परिवर्तनवादी सामाजिक, राजकीय संस्था संघटनांच्या वतीने 15 ऑगस्टच्या स्वातंत्र्यदिनी केंद्र आणि राज्यातील भाजप सरकारच्या विरोधात ‘तिरंगा उठाव, भाजप हटाव’ रॅलीचे आयोजन करण्यात आले आहे. या रॅलीत गुजरातमधील लढाऊ आमदार जिग्नेश मेवानी यांच्यासह विविध संस्था संघटनांचे प्रमुख नेते, कार्यकर्ते, पत्रकार, साहित्यिक, कलावंत आणि उपेक्षित वंचित समूहातील भारतीय जनता मोठ्या संख्येने उपस्थित राहणार असल्याची माहिती संघटनेच्या वतीने एका पत्रकार परिषदेत देण्यात आली.

यावेळी लोकांचे दोस्त रंजना आठवले, सुनंदा नेवसे, संजीवनी नांगरे, दैवशाला गिरी, बाळासाहेब उमप, समीर अंतुले यांनी रॅलीची सविस्तर माहिती दिली. 15 ऑगस्ट रोजी दादर पश्चिम येथील वीर कोतवाल उद्यानातून दुपारी 2 वाजता ही रॅली सुरू होईल. त्यानंतर शिवाजी पार्क येथे छत्रपती शिवाजी महाराजांना अभिवादन करून चैत्यभूमी येथे डॉ. बाबासाहेब आंबेडकरांना अभिवादन करून रॅली संपन्न होईल. यावेळी महिला नेत्यांनी कटुआ आणि उनाव येथील बलात्काराच्या संघटनांचा संदर्भ देताना सांगितले की, बलात्कार करणार्‍या भाजपा नेत्यांवर कारवाई करण्यासाठी टाळाटाळ केली जाते, त्यांना वाचवण्यासाठी तिरंगा हातात घेऊन मोर्चे काढले जातात. हा तिरंगा आणि देशाचा अपमान आहे.

आज देशभरातील स्त्रिया भयभीत आहेत. अशा या बलात्कारी सत्तेविरोधात तिरंगा हातात घेऊनच आम्ही मैदानात उतरलो आहोत. तसेच प्रसारमाध्यमांची मुस्कटदाबी, पोलिसी बळावर लोकांच्या आंदोलनाचा आवाज दाबण्याचा भाजपाचा प्रयत्न याविरोधात ही रॅली असून भारतीय जनतेने मोठ्या संख्येने या रॅलीत सामील व्हावे असे आवाहन लोकांचे दोस्तचे अध्यक्ष रवी भिलाणे, रॅलीचे संयोजक फिरोज मिठीबोरवाला, विनायक साळुंखे, भानुदास धुरी, काशिनाथ निकाळजे, बाळासाहेब उपम, समीर अंतुले आदींनी केले आहे.

Sharing is caring!

You may also like

Read More

post-image
दिनविशेष

दिनविशेष : बॉलिवूडचे ‘डान्सिंग स्टार’ मिथुन चक्रवर्ती

आज बॉलिवूडचे ‘डान्सिंग स्टार’ मिथुन चक्रवर्ती यांचा वाढदिवस. त्यांचा जन्म १६ जून १९५० साली  झाला. मिथुन चक्रवर्ती यांनी बी. एस. सी.ची पदवी घेतल्यानंतर पुण्यातील फिल्म इंस्टिटय़ूटमधून...
Read More
post-image
आघाडीच्या बातम्या मनोरंजन

बिग बॉस २ : ‘फादर्स डे’निमित्त सदस्यांना मिळणार सरप्राईझ

मुंबई – बिग बॉस मराठी सिझन २ मध्ये आजदेखील दोन तासांचा विशेष भाग रंगणार आहे. बिग बॉस मराठीच्या घरातील सदस्य खूप दिवसांपासून त्यांच्या मुलांपासून,...
Read More
post-image
विदेश

हाँगकाँगचे प्रत्यार्पण विधेयक अखेर स्थगित

हाँगकाँग – मागील आठवड्यापासून वादग्रस्त ठरलेले प्रत्यार्पण विधेयक अखेर सरकारने स्थगित केले. या विधेयकाला हाँगकाँगच्या नागरिकांनी जोरदार विरोध केला होता. या मुद्यावर काढण्यात आलेल्या मोर्चात...
Read More
post-image
देश

…तर प्रेयसीला पोटगी देणे अनिवार्य – हायकोर्ट

नवी दिल्ली – एखादे प्रियकर-प्रेयसी अनेक वर्षांपासून नवरा बायकोसारखे एकत्र राहत असतील तर कलम १२५ नुसार प्रेयसीला उदारनिर्वाह करण्यासाठी (पोटगी) पैसे मागण्याचा अधिकार देण्यात...
Read More
post-image
देश

पश्चिम बंगालचे डॉक्टर ममता बॅनर्जींसोबत सशर्त चर्चेस तयार

कोलकाता – पश्चिम बंगालच्या मुख्यमंत्री ममता बॅनर्जी यांच्या मागणीनंतर संपावर असलेले शिकाऊ डॉक्टर चर्चेसाठी तयार झाले आहेत. मात्र ‘आम्ही मुख्यमंत्र्यांशी चर्चा करायला तयार आहोत...
Read More