लाच प्रकरणातील फिर्यादीची मुळ तक्रारप्रत न्यायालयातून गायब  – eNavakal
News आघाडीच्या बातम्या गुन्हे न्यायालय महाराष्ट्र

लाच प्रकरणातील फिर्यादीची मुळ तक्रारप्रत न्यायालयातून गायब 

नाशिक –  जिल्हयातच नव्हे तर राज्यभर खळबळ उडवून देणाऱ्या कार्यकारी अभियंता सतीश चिखलीकर लाच प्रकरणाच्या खटल्यातील दोषारोपाची मुळ तक्रार तसेच पंचांच्या निशाण्याचा दस्ताऐवज न्यायालयातून गायब झाल्याचा गंभीर प्रकार उघडकीस आला आहे. जिल्हा न्यायालयाने या घटनेची गंभीर दखल घेत सदर खटला संबधीत न्यायालयाकडून काढून घेत दुसऱ्या न्यायालयाकडे वर्ग केला आहे. या प्रकरणी सरकारवाडा पोलिसात अज्ञाताच्या विरोधात फसवणूकीचा गुन्हा दाखल करण्यात आला आहे. या धक्कादायक प्रकारामुळे न्यायालयातील शिपायापासून ते वरिष्ठ लिपिका पर्यतचे सर्वच जण संशयाच्या भोवऱ्यात सापडले आहे.

चार वर्षांपूर्वी सार्वजनिक बांधकाम खात्याचे कार्यकारी अधिकारी सतीश चिखललीकर, शाखा अभियंता जगदीश वाघ यांना लाचलुचपत प्रतिबंधक विभागाच्या पथकाने देयके मंजूर करण्याच्या मोबदल्यात ठेकेदाराकडून वीस लाखांची लाच घेतांना रंगेहाथ पकडले होते. त्यानंतर एसीबीच्या पथकाने सतीश चिखलीकर यांच्या निवासस्थानाची तसेच बॅक लॉकरची झडती घेतली असता सुमारे सतरा कोटीची मालमत्ता मिळून आली होती. चिखलीकर आणि त्यांच्या कुंटूबियांनी बेहिशोबी मालमता जमावल्याने पोलिसांनी चिखलीकरांसह त्यांची पत्नी, वडिलांवर गुन्हा दाखल केला होता. त्यानंतर या खटल्याची सुनावणी न्यायालयात सुरू होती.

न्यायालयात या खटल्याची सुनवणी सुरू असतांनाच दोषारोपपत्रात एसीबीने दाखल केलेली मुळ तक्रारदार इरफान शेख यांची फिर्याद तसेच पंचांच्या निशाण्यांचा दस्तावज गहाळ झाल्याचा धक्कादायक प्रकार उघडकीस आला आहे. गहाळ झालेल्या दस्तावजाच्या ठिकाणी कोणतीही स्वाक्षरी वा शिक्का नसलेला बनावट तक्रारी अर्ज लावल्याची गंभीर बाबही समोर आली आहे. जिल्हा न्यायालयाने या घटनेची गंभीर दखल घेत गुन्हा दाखल करण्याचे पोलिसांना आदेश देत संबधीत न्यायालयाकडून खटला तडकाफडकी दूसऱ्या न्यायालयाकडे वर्ग केला आहे.या घटनेमुळे न्यायालयाच्या कर्मचाऱ्यांभोवती संशयाचे वातावरण
निर्माण झाले आहे. या प्रकरणी सरकारवाडा पोलिसांनी अज्ञात व्यक्तीच्या विरोधात फसवणूकीचा गुन्हा दाखल करण्यात आला आहे.

Sharing is caring!

You may also like

Read More

post-image
News मुंबई

रासायनीक रंगामुळे सात जणांना बाधा

मुंबई- घाटकोपरमध्ये विषारी रासायनीक रंगामुळे सात जणांना बाधा झाल्याची घटना घडली. या सर्वांना महापालिकेच्या राजावाडी रुग्णालयात उपचारार्थ दाखल करण्यात आले आहे. विषारी रासायनिक रंगाचा...
Read More
post-image
News अपघात मुंबई

गोरेगावमध्ये कारच्या धडकेत 4 वर्षांच्या मुलाचा मृत्यू

मुंबई – गोरेगाव येथे एका कारच्या धडकेने अरहान रमजान खान या चार वर्षांच्या मुलाचा मृत्यू झाला. याप्रकरणी आरे पोलिसांनी हलगर्जीपणाने कार चालवून एका चार...
Read More
post-image
News महाराष्ट्र

बिबट्याच्या तीन बछड्यांचा मृत्यू

दिंडोरी – नाशिक जिल्ह्यातील दिंडोरी तालुक्यातील परमोरी शिवारात बिबट्याच्या तीन बछड्यांचा मृत्यू झाल्याची धक्कादायक घटना समोर आली आहे. यामध्ये दोन मादी आणि एका नर...
Read More
post-image
News महाराष्ट्र

वसईच्या कळंब समुद्रात 5 जणांना जलसमाधी

वसई – वसई तालुक्याच्या कळंब समुद्रकिनारीवर होळी- रंगपंचमी साजरी करण्यासाठी आलेल्या पाच जणांचा समुद्रात बुडून मृत्यू झाला आहे. ही घटना आज दुपारी घडली. एकाचा मृतदेह...
Read More
post-image
News महाराष्ट्र

बांदिवडेकरांची उमेदवारी वादाच्या भोवर्‍यात

रत्नागिरी – ररत्नागिरी-सिंधुदुर्ग लोकसभा मतदारसंघातून काँग्रेसच्या तिकीटावर निवडणूक लढवणार्‍या नविनचंद्र बांदिवडेकर यांच्या उमेदवारीवर प्रश्नचिन्ह निर्माण झाले आहे. नालासोपारा शस्त्रसाठा प्रकरणातील आरोपी असलेल्या वैभव राऊतला...
Read More