लाखोंच्या खर्चानंतर तरणतलावाचे फिल्टर प्लांट नादुरुस्तच – eNavakal
News महाराष्ट्र

लाखोंच्या खर्चानंतर तरणतलावाचे फिल्टर प्लांट नादुरुस्तच

ठाणे,- ठाणे पालिकेचे भूषण असलेले सर्वात मोठे तरणतलाव कळवा येथे आहे. यशवंत रामा साळवी या नावाने असलेला पालिकेचा तरणतलाव विविध समस्यांच्या गर्तेत अडकला आहे. तरणतलावाच्या दुरुस्तीसाठी कोट्यवधीचा खर्च केल्यानंतरही तरणतलाव दुरवस्थेत आहे. अनेक तक्रारी पालिका प्रशासनाला केल्यानंतरही केवळ आश्वासनावर तक्रारदाराची बोळवण करण्यात येत आहे. फिल्टरप्लांट नादुरुस्त असल्याने तलावातील दूषित पाण्यामुळे पोहायला येणार्‍या मुलांना पोटाचे आणि त्वचेचे विकार जडल्याचा आरोप पालकांनी केला आहे.

कळव्याच्या यशवंत रामा साळवी तरणतलाव हा जुना आणि मोठा पालिकेचा तरणतलाव आहे. त्यामुळे या तलावात येणार्‍या सभासदांची संख्याही हजारोच्या घरात आहे. लाखो रुपये खर्च केल्यानंतरही या तलावाचे तीनतेरा वाजले आहेत. मान्यवर तलावाची दुरवस्था आणि दूषित पाण्याने पुन्हा एकदा कळवा तरणतलाव चर्चेत आला. शुक्रवारी पालकांच्या असंख्य तक्रारीनंतर पालिका विरोधी पक्ष नेते मिलिंद पाटील यांनी भेट दिल्यानंतर पालकांनी तरणतलावात पोहण्यासाठी येणारी मुले आजारी पडल्याने त्यांना त्वचेचे आणि पोटाचे विकार जडल्याचा प्रकार उघडकीस आला आहे. तरणतलावाच्या फिल्टरेशन प्लांटच्या दुरुस्तीसाठी लाखो रुपये खर्च केले. तरीही 15 दिवसांपासून पुन्हा तरणतलावातील फिल्टरप्लान्ट बंद पडल्याने दूषित पाण्याने मुलांना ताप, अंगाला खाज येणे, अंगावर बारीक फोड्या आल्याचे जाणवले. त्यामुळे पालकांनी मुलांना स्विमिंगसाठी पाठविणे बंद केले. यापूर्वी मार्चमध्ये तरणतलाव दुरुस्तीसाठी बंद करण्यात आला होता. पूर्णतः दुरुस्ती झाल्याशिवाय तरणतलाव सुरू करण्यात येऊ नये, असे पालकांचे म्हणणे होते. तरीही पुन्हा तरणतलाव सुरू करण्यात आला का? असा प्रश्न विरोधी पक्षनेते मिलिंद पाटील यांनी उपस्थित केला.

Sharing is caring!

You may also like

Read More

post-image
News मुंबई

शक्ती मिल बलात्कार प्रकरण! हत्या आणि हत्येचा प्रयत्न अशा गुन्ह्यात फाशी नाही, तर बलात्कारात का?

मुंबई- एखाद्याची हत्या करणे अथवा शरीराचा एखादा भाग धडापासुन वेगळा करणे अशा अमानवी स्वरूपाच्या गुन्ह्यात फाशीची शिक्षेची तरतूद नाही . त्या मुळे हत्ये पेक्षा...
Read More
post-image
News महाराष्ट्र

वसईत बीएसएनएलची इंटरनेट सेवा ठप्प

वसई – बीएसएनएलच्या इंटरनेटचे सर्व्हर वारंवार डाऊन होत असल्यामुळे वसईतील दस्त नोंदणी रखडत चालली असून त्याचा फटका मात्र दररोज नोंदणी कार्यालये व त्याच्या लाखो...
Read More
post-image
News मुंबई

पालिकेचा केंद्र शासनाच्या ‘डिजिटल इंडिया’ पुरस्काराने सन्मान

मुंबई – पालिकेद्वारे नागरिकांना देण्यात येणार्‍या विविध सेवा सुविधा नागरिकांना ऑनलाईन पद्धतीने सहजपणे उपलब्ध व्हाव्यात, विविध परवानग्या, दाखले, अनुज्ञप्ती पत्रे यासारख्या सेवा सुविधा माहिती...
Read More
post-image
News महाराष्ट्र

पालिकेच्या रुग्णालयातील एक्स-रे मशीन कोमात

वसई- वसई-विरार महापालिकेच्या नालासोपार्‍यातील रुग्णालयाची एक्स-रे मशीन महिनाभरापासून नादुरुस्त असून आरोग्य विभागाच्या हलगर्जीपणामुळे गोरगरीब रुग्णांना हजारो रुपयांचा भुर्दंड हकनाक सोसावा लागत आहे. नालासोपारा पुर्वेकडील...
Read More
post-image
News विदेश

‘जैश’चे मुख्यालय पाकिस्तानने घेतले ताब्यात

इस्लामाबाद – भारताच्या कारवाईच्या भीतीने पाकिस्तानने जैश-ए-मोहम्मदचे मुख्यालय ताब्यात घेतले आहे. मौलाना मसूद अजहरच्या जैश-ए-मोहम्मदचे मुख्यालय बहावलपूरमध्ये आहे. पंजाब सरकारने हे मुख्यालय ताब्यात घेतल्याची...
Read More