लवकरच शेतक-यांचे कर्ज माफ करणार – राहुल गांधी – eNavakal
आघाडीच्या बातम्या देश

लवकरच शेतक-यांचे कर्ज माफ करणार – राहुल गांधी

नवी दिल्ली – राजस्थान, छत्तीसगढ आणि मध्य प्रदेश येथे सत्तेवर आल्यानंतर काँग्रेस अध्यक्ष राहुल गांधी यांनी आज भरगच्च पत्रकार परिषद घेतली. त्यांनी काँग्रेसला निवडून देणार्‍या जनतेचे आणि विजयासाठी अथक मेहनत करणार्‍या कार्यकर्त्यांचे आभार मानले. यावेळी राहुल गांधी यांनी शेतकर्‍यांची कर्जे माफ करण्याची घोषणा केली. तसेच आज भाजपाचा झालेला पराभव हा त्यांच्या भ्रष्टाचारी कारभाराचा पराभव असल्याचे सांगितले. नोटबंदी, जीएसटी आणि राफेल विमान खरेदी करार  हे घोटाळे असल्याचेही त्यांनी ठणकावून सांगितले. आम्ही आज तीन राज्यांत जिंकलो असून यापुढे संपुर्ण देशभर जिंकू अशी घोषणा केली.

राहुल गांधी यांनी सांगितले की, भ्रष्टाचाराचा बिमोड, लाखो बेरोजगारांना रोजगार, शेतकर्‍यांच्या पिकाला हमीभाव आणि आर्थिक उन्नती ही आश्वासने देऊन भाजपाचे नरेंद्र मोदी सरकार सत्तेवर आले. मात्र त्यांनी या आश्वासनांना हरताळ फासला. भ्रष्टाचार, बेरोजगारी व शेतकरी आत्महत्यांचे प्रमाण वाढले. भ्रष्टाचारी सरकार म्हणून नरेंद्र मोदींच्या विरोधात पाच राज्यांत जनतेने मतदान केले. नरेंद्र मोदी यांच्याकडून मी खुप काही शिकलो आहे. यापुढे शेतकर्‍यांच्या उन्नतीसाठी ‘हरित क्रांती’ सारख्या योजना आम्हाला आखाव्या लागतील. श्वेत क्रांती व हरित क्रांती यासारख्या मोठ्या योजना काँग्रेसने भुतकाळात यशस्वी केल्या. यापुढेही शेतकर्‍यांना सुस्थिती व तरुणांना रोजगार हा आमचा मुख्य अजेंडा राहिल.  बसपा व सपा यांच्या विचारधारेत व आमच्या विचारधारेत काहीही फरक नाही. आता ते आमच्या सोबत आहेत आणि मध्य प्रदेशचा मुख्यमंत्री आमचाच होणार, अशी खात्री त्यांनी दिली.
ईव्हीएम मशिन नकोच
राहुल गांधी यांना अत्यंत खोचक प्रश्न विचारण्यात आला की, काँग्रेसला तीन राज्यांत विजय मिळाल्यामुळे आता ‘ईव्हीएम’ मध्ये गडबड होते, असे तुम्ही म्हणाल का? त्यावर राहुल गांधी म्हणाले की ईव्हीएम बाबतचा मुख्य मुद्दा आजही आहे. ईव्हीएम मशिन मधील चिपला ‘मॅन्यूप्युलेट’ केले जाऊ शकते. म्हणूनच अमेरिका व इतर देशांनी ईव्हीएम मशिनला विरोध करत चिठ्ठ्या टाकून मते देण्याच्या पध्दतीला स्विकारले आहे.

Sharing is caring!

You may also like

Read More

post-image
दिनविशेष

दिनविशेष : भारताची सुवर्णकन्या पी. टी. उषा

भारताची सुवर्णकन्या धावपटू पी. टी. उषा यांचा आज वाढदिवस. त्यांचा जन्म. २७ जून १९६४ रोजी केरळ मधील कुथ्थाली या गावी झाला. पी.टी. उषा हे भारतीय...
Read More
post-image
मनोरंजन

अर्जुनच्या वाढदिवसानिमित्त मलायकाने शेअर केला रोमॅण्टिक फोटो

मुंबई – बॉलिवूड अभिनेता अर्जुन कपूरने काल आपला ३४ वा वाढदिवस साजरा केला. या खास दिनी बॉलिवूडकडून तंच्यावर शुभेच्छांचा वर्षाव झाला. तर याच खास...
Read More
post-image
आघाडीच्या बातम्या देश विदेश

पंतप्रधान मोदी जी-20 परिषदेसाठी जपान दौऱ्यावर

ओसाका – जपानच्या ओसाकामध्ये आजपासून जी-२० परिषदेस सुरुवात होत आहे. पंतप्रधान नरेंद्र मोदी जी-२० परिषदेत सामील होण्यासाठी ओसाकाला पोहोचले आहेत. मोदी ओसाका विमानतळावर पोहोचताच त्यांचे...
Read More
post-image
आघाडीच्या बातम्या देश

कैलास मानसरोवर यात्रेतील २०० भारतीय भाविक नेपाळमध्ये अडकले

काठमांडू – तिबेटमध्ये कैलास मानसरोवरची यात्रा करून घरी परतणारे जवळपास २०० भारतीय भाविक हवामान बदलामुळे नेपाळच्या हुमला जिल्ह्यात अडकले आहेत.यापैकी बहुतांश तेलंगणाचे रहिवासी आहेत. या...
Read More
post-image
आघाडीच्या बातम्या महाराष्ट्र

आज पुणे शहरातील पाणीपुरवठा बंद

पिंपरी – पिंपरी चिंचवड महापालिकेच्या रावेत येथील अशुद्ध जलउपसा केंद्रातील आणि निगडी सेक्टर क्रमांक 23 येथील जलशुद्धीकरण केंद्रातील विद्युत पुरवठाविषयक कामे आज गुरुवारी केली...
Read More