रेल्वेची साडेसोळा लाखांची कॅश चोरट्यांनी पळविली – eNavakal
News गुन्हे मुंबई

रेल्वेची साडेसोळा लाखांची कॅश चोरट्यांनी पळविली

मुंबई  – मानखुर्द रेल्वे स्थानकातील तिकिट काऊंटरची जमा झालेली कॅश घेऊन जाणार्‍या एका रेल्वे कर्मचार्‍याला घातक शस्त्रांचा धाक दाखवून चारजणांच्या टोळीने साडेसोळा लाख रुपयांची कॅश पळवून नेल्याची घटना बुधवारी दुपारी मानखुर्द परिसरात घडली. याप्रकरणी मानखुर्द पोलिसांनी चारही आरोपींविरुद्ध चोरीच्या गुन्ह्यांची नोंद करुन पळून गेलेल्या आरोपींचा शोध सुरु केला आहे. या गुन्ह्यांचा मानखुर्द पोलिसांसह स्थानिक गुन्हे शाखेचे अधिकारी करीत आहेत. दिवसाढवळ्या घडलेल्या या रॉबरीच्या घटनेने परिसरात प्रचंड खळबळ उडाली होती. वैभव भवन चव्हाण हे रेल्वेमध्ये कामाला आहेत. सध्या त्यांची नेमणूक मानखुर्द रेल्वे स्थानकातील तिकिट काऊंटर होती. बुधवारी दुपारी पावणेचार वाजता ते मानखुर्द रेल्वे स्थानकातील तिकिट काऊंटरची 16 लाख 58 हजार 212 रुपयांची कॅश घेऊन त्यांच्या कार्यालयात घेऊन जात होते. वैभव चव्हाण हे त्यांच्या सहकार्‍यासोबत त्यांच्या वाहनाने जात असताना मानखुर्द येथील सर्व्हिस रोडवरील धोबीघाट परिसरात येताच एका कारने त्यांच्या वाहनाला ओव्हरटेक केले. काही कळण्यापूर्वीच कारमधून चारजण उतरले आणि त्यांनी चाकू आणि पिस्तूलचा धाक दाखवून त्यांच्याकडील कॅश घेऊन कारमधून पळून गेले. या प्रकाराने त्यांना धक्काच बसला होता. त्यानंतर वैभव चव्हाण यांनी मुख्य नियंत्रण कक्षाला ही माहिती दिली होती. या माहितीनंतर मानखुर्द पोलिसांसह स्थानिक गुन्हे शाखेच्या अधिकार्‍यांनी तिथे धाव घेतली होती. याप्रकरणी वैभवच्या जबानीवरुन मानखुर्द पोलिसांनी पळून गेलेल्या चारही आरोपीविरुद्ध रॉबरीच्या गुन्ह्यांची नोंद करुन त्यांचा शोध सुरु केला आहे. आरोपींच्या अटकेसाठी गुन्हे शाखा आणि मानखुर्द पोलिसांचे सात ते आठ पथकाची नियुक्ती करण्यात आल्याचे पोलिसांनी सांगितले.

Sharing is caring!

You may also like

Read More

post-image
न्युज बुलेटिन व्हिडीओ

लोकसभा निवडणूक विशेष बुलेटीन (23-05-2019)

Sharing is caring!FacebookPinterestTwitterGoogle+ Related posts: नवाकाळचे सायंकाळी ७ वाजताचे न्यूज बुलेटीन ! ई नवाकाळचे सायंकाळी ७ वाजताचे न्यूज बुलेटिन नवाकाळचे सायंकाळी ७ वाजताचे न्यूज...
Read More
post-image
आघाडीच्या बातम्या महाराष्ट्र राजकीय

वंचित आघाडीने अशोक चव्हाण व सुशीलकुमार शिंदेंना हरविले

मुंबई – महाराष्ट्राचे दोन माजी मुख्यमंत्री अशोक चव्हाण आणि सुशीलकुमार शिंदे यांचा पराभव वंचित बहुजन आघाडीच्या उमेदवारांनी केला. अशोक चव्हाण यांचा पराभव ‘वंचित’च्या यशपाल...
Read More
post-image
आघाडीच्या बातम्या महाराष्ट्र राजकीय

बंद कर रे टीव्ही!

मुंबई – मनसे अध्यक्ष राज ठाकरे यांनी कोल्हापूर, सातारा, सांगली, औरंगाबाद, नांदेड, सोलापूर, मुंबई अशी जिथे जिथे भाषणे घेतली तेथील काँग्रेस-राष्ट्रवादीचे उमेदवार पडले. याचा...
Read More
post-image
क्रीडा विदेश

#FrenchOpen फ्रेंच स्पर्धेत जोकोविचला नादाल, फेडररकडून धोका

पॅरिस – येत्या रविवारपासून सुरू होत असलेल्या यंदाच्या वर्षातील दुसर्‍या फ्रेंच ग्रँडस्लॅम अजिंक्यपद स्पर्धेत माजी विजेत्या नोवाक जोकोविचला नादाल-फेडररकडून धोका संभवतो. ही स्पर्धा दुसर्‍यांदा...
Read More
post-image
लेख

वृत्तविहार : जनतेचे ‘अभिनंदन’ करा  

पुढचा किमान महिनाभर लोकसभा निवडणुकीचे कवित्व चालू राहील. भारतीय जनता पार्टीचे कार्यकर्ते आणि नेते हा विजय एकट्या मोदींमुळे कसा मिळाला आणि काँग्रेसचे नेतृत्व कसे...
Read More