#RahulAakroshRally राहुलजींचे जोशपूर्ण भाषण; कर्नाटकसह २०१९ जिंकणार – eNavakal
देश राजकीय

#RahulAakroshRally राहुलजींचे जोशपूर्ण भाषण; कर्नाटकसह २०१९ जिंकणार

नवी दिल्ली – कॉंग्रेस पक्षाच्या ‘जनआक्रोश रॅली’मध्ये रामलीला मैदानावर राहुल गांधी यांनी अतिशय आत्मविश्वासाने जोशपूर्ण भाषण केले आणि राहुल गांधीना ‘पप्पु’ म्हणून हिणविणाऱ्यांना जोरदार थप्पड मारली. राहुल गांधी कार्यकर्त्यांना म्हणाले की, मोदीजी खोटे बोलत होते ते आता उघड होत आहे. आता कॉंग्रेस कार्यकर्त्यांची जिद्द आणि पाठींब्याने कॉंग्रेसचा कर्नाटक, राजस्थान, मध्य प्रदेश, छत्तीसगड या राज्यांत विजय होईलच, पण २०१९ ची लोकसभा निवडणूकही कॉंग्रेसच जिंकणार आहे.

कॉंग्रेसच्या सभेसाठी रामलीला मैदान गच्च भरले होते. राहुल गांधी कॉंग्रेस अध्यक्ष झाल्यानंतर त्यांच्या पक्षाची ही पहिलीच जाहीर सभा होती, यामुळे राहुल गांधी मैदान जिंकतात की नाही याकडे सर्वांचे लक्ष होते. राहुलजींनी अत्यंत जोशपूर्ण भाषण केले, भाजप, संघ आणि पंतप्रधान मोदींवर घणाघाती टीका करीत सर्व विषयांना स्पर्श करीत कार्यकर्त्यांमध्ये चेतना निर्माण केली. आजच्या भाषणामुळे ‘पप्पू’ची प्रतिमा नष्ट होऊन नेत्याची शबी जनतेसमोर उभी राहिली.

राहील गांधींनी अर्धा तास भाषण केले, आपल्या भाषणात ते म्हणाले की, सामान्य माणूस न्याय मागण्यासाठी न्यायालयात जातात. पण प्रथमच सर्वोच्च न्यायालयाचे ४ न्यायमूर्ती जनतेपुढे येऊन न्याय मागतात. मोदीजी चूप. प्रत्येक ठिकाणी संघाची माणसे बसवली जात आहेत. भारतातील व्यवस्था तोडून टाकत आहेत. तरी मोदीजी चूप. पंतप्रधान रोजगार देणार होते. पण आज रोजगार तर नाहीच, बेरोजगारीने उच्चांक गाठला आहे. युवकांपुढे समस्या आहे, शेतकऱ्यांपुढे समस्या आहे. शेतकरी रोज घाम गळतात, पण त्यांचे एक रुपयाचे कर्ज हे सरकार माफ करीत नाही. मोदीजी हमीभावही देत नाही. अरुण जेटली म्हणतात की, कर्जमाफी हे आमचे धोरण नाही. जर कॉंग्रेस पक्ष नसेल तर शेतकरी या देशात जगू शकणार नाही.

रोहित वेमुला अभ्यास करतो तर त्याला चिरडून टाकले. मध्यप्रदेशात दलित, आदिवासींवर अत्याचार होतात, पण मोदी गप्प. इथे महिलांवर अत्याचार होतात. जम्मू काश्मीर, मध्य प्रदेशात महिलेवर अत्याचार होतात. पंतप्रधानांना पदेशात प्रश्न विचारला. ७० वर्षांत हे प्रथमच घडले. चीनमध्ये पंतप्रधान विनाअजेंडा चर्चा करीत बसले आहेत. पंतप्रधानांनी डोकलामचा विषयही काढला नाही. गेल्या ७० वर्षांत कोणत्याही पंतप्रधानाने असे काम केले नाही.

भाजपा, संघवाले जिथे जातात तिथे वितुष्ट निर्माण करतात. भारत हा प्रेमाचा देश आहे. पंतप्रधान म्हणाले होते की, कॉंग्रेसने ६० वर्षांत काही केले नाही  मला ६० महिने द्या. या ६० महिन्यात पंतप्रधानांनी गब्बर सिंग कर लावला, नोटबंदी केली, शेतकऱ्याला आत्महत्या करायला लावली, दलित आदिवासींवर अत्याचार केले. इमारतीचा पाया पाणी मारून मजबूत होतो. कॉंग्रेस म्हणजे पाणी आहे. या पाण्यामुळेच इमारत भक्कम होते. पाणी हे प्रेमाचे प्रतिक आहे. कॉंग्रेसने प्रेम वाढवून महिला, दलित, आदिवासी, मागासवर्गिय सर्वांना एकजूटीत ठेऊन न्याय दिला.

नरेंद्र मोदींनी आतापर्यंत असत्य पसरवले. पण आता त्यांचा खोटेपणा उघड होत आहे. कॉंग्रेसची सच्चाई दिसत आहे. गुजरामध्ये नरेंद्र मोदींनी पोलिसांपासून सर्वांना हाताशी धरले, पण कॉंग्रेसचा कार्यकर्ता ताठ उभा राहिला आणि मोदींना सी प्लेनमध्ये बसायला लावले. हाच कॉंग्रेसचा कार्यकर्ता हा वाघाचा बच्चा आहे. तो कर्नाटकाच्या प्रत्येक बुथवर उभा आहे. या कार्यकर्त्यांमुळे कॉंग्रेस कर्नाटकात जिंकेल, राजस्थानात जिंकेल, छत्तीसगढ जिंकेल, मध्यप्रदेश जिंकेल, आणि जिंकत जाऊन २०१९ची निवडणूक जिंकेल, कॉंग्रेसच्या कार्यकर्त्यांनी सत्तेसाठी प्राण दिले नाहीत, सत्यासाठी प्राण अर्पण केलेत. ही कॉंग्रेस पार्टी कार्यकर्त्यांची पार्टी आहे. इथे युवा आहेत. अनुभवी जेष्ठ आहेत, तुम्हा सर्वांना आदर मिळेल, स्थान मिळेल, इथे नेत्यांची कमतरता नाही, प्रत्येकात काही ना काही गुण आहेत. आमच्यात वेगवेगळ्या विचारांचे नेते आहेत, मी स्वतंत्र विचारांचा सन्मान करतो. पण जेव्हा संघाशी लढायचे आहे, तेव्हा एकजूट राहिली पाहिजे.

भाजपात हे चालत नाही. तिथे फक्त मोदी आणि शहांचे विचार चालतात. त्यांचाच आदर होतो. जेटलींचा आदर होत नाही, हे ठीक नाही. कॉंग्रेस विविधता मानते, वेगवेगळे विचार मानते. या गोष्टीला आम्ही शक्ती देणार आहोत.

 

Sharing is caring!

You may also like

Read More

post-image
आघाडीच्या बातम्या क्रीडा

#CWC19 भारताच्या 200 धावा पूर्ण

मँचेस्टर (लंडन) – भारताने 34.2 षटकांत आपल्या 200 धावा पूर्ण केल्या. रोहित शर्मा 113, कर्णधार विराट कोहली 24 धावांवर खेळत आहेत.  रोहित शर्माने विश्‍वचषक स्पर्धेतील...
Read More
post-image
दिनविशेष

दिनविशेष : बॉलिवूडचे ‘डान्सिंग स्टार’ मिथुन चक्रवर्ती

आज बॉलिवूडचे ‘डान्सिंग स्टार’ मिथुन चक्रवर्ती यांचा वाढदिवस. त्यांचा जन्म १६ जून १९५० साली  झाला. मिथुन चक्रवर्ती यांनी बी. एस. सी.ची पदवी घेतल्यानंतर पुण्यातील फिल्म इंस्टिटय़ूटमधून...
Read More
post-image
आघाडीच्या बातम्या मनोरंजन

बिग बॉस २ : ‘फादर्स डे’निमित्त सदस्यांना मिळणार सरप्राईझ

मुंबई – बिग बॉस मराठी सिझन २ मध्ये आजदेखील दोन तासांचा विशेष भाग रंगणार आहे. बिग बॉस मराठीच्या घरातील सदस्य खूप दिवसांपासून त्यांच्या मुलांपासून,...
Read More
post-image
विदेश

हाँगकाँगचे प्रत्यार्पण विधेयक अखेर स्थगित

हाँगकाँग – मागील आठवड्यापासून वादग्रस्त ठरलेले प्रत्यार्पण विधेयक अखेर सरकारने स्थगित केले. या विधेयकाला हाँगकाँगच्या नागरिकांनी जोरदार विरोध केला होता. या मुद्यावर काढण्यात आलेल्या मोर्चात...
Read More
post-image
देश

…तर प्रेयसीला पोटगी देणे अनिवार्य – हायकोर्ट

नवी दिल्ली – एखादे प्रियकर-प्रेयसी अनेक वर्षांपासून नवरा बायकोसारखे एकत्र राहत असतील तर कलम १२५ नुसार प्रेयसीला उदारनिर्वाह करण्यासाठी (पोटगी) पैसे मागण्याचा अधिकार देण्यात...
Read More