राहुलजींच्या आकलनशक्तीची कीव येते- पात्रा – eNavakal
News देश

राहुलजींच्या आकलनशक्तीची कीव येते- पात्रा

नवी दिल्ली – पंतप्रधान होण्याची मनिषा बाळगणारे काँग्रेस अध्यक्ष राहुल गांधी यांच्या आकलनशक्तीची मला कीव येते, असे विधान भाजपचे प्रवक्ते सांबित पात्रा यांनी केले. त्यांनी आपल्या ट्विटर अकाऊंटवर यासंदर्भातील पोस्ट शेअर केली आहे. या पोस्टमध्ये सांबित पात्रा यांनी राहुल गांधी यांच्या भाषणाचा एक व्हिडिओ जोडला आहे.

या भाषणात राहुल गांधी यांनी मोदी सरकारवर घोटाळ्याचा आरोप केला आहे. त्यांच्या या आरोपामागे छत्तीसगढमधील सेलफोन घोटाळ्याचा संदर्भ आहे. हे मोबाईल सरकारने सार्वजनिक क्षेत्रातील कंपनीकडून का विकत घेतले नाहीत, असे राहुल गांधींना बोलायचे होते. मात्र, भाषणाच्या ओघात त्यांनी भारत हेवी इलेक्ट्रिकल्स लिमिटेड (भेल) आणि भारत इलेक्ट्रॉनिक्स लिमिटेड (बीईएल) या दोन कंपन्यांच्या नावात चुक केली. बीईएल ही कंपनी भारतीय दूरसंचार नियामक प्राधिकरणाची (ट्राय) सदस्य आहे. मात्र, राहुल गांधी यांनी भाषणात बीईएलऐवजी भेल असा उल्लेख केला. नरेंद्र मोदी यांनी भारत हेवी इलेक्ट्रिकल्स लिमिटेड (भेल) या कंपनीकडून मोबाईल फोन खरेदी का केला नाही? असा सवाल त्यांनी विचारला होता. यावरून भाजपचे प्रवक्ते सांबित पात्रा यांनी राहुल गांधींना कोंडीत पकडण्याचा प्रयत्न केला. पंतप्रधान होण्याची मनिषा बाळगणार्‍या व्यक्तीची समज या स्तरावर आहे. हे खरंच एका परिपक्व राजकारण्याचे लक्षण असल्याची उपरोधिक टीका सांबित पात्रा यांनी केली.

Sharing is caring!

You may also like

Read More

post-image
आघाडीच्या बातम्या क्रीडा विदेश

मॅच फिक्सिंगप्रकरणी ‘या’ पाकिस्तानी क्रिकेटरची कबुली

लाहोर – पाकिस्तानी डावखुरा गोलंदाज दानिश कनेरियाने मॅच फिक्सिंगचे आरोप स्विकारले आहेत. मॅच फिक्सिंग प्रकरणात त्याचा सहखेळाडू मर्वेन वेस्टफील्डला तुरुंगवास भोगाावा लागला. कनेरियाने तब्बल...
Read More
post-image
आघाडीच्या बातम्या देश

तब्बल ५० कोटी मोबाईल नंबर बंद होणार?

नवी दिल्ली – देशातील जवळपास ५० कोटी मोबाईलधारकांचे सिम ‘डिस्कनेक्ट’ होण्याची शक्यता आहे. खासगी कंपन्या मोबाइल सिम कार्ड पडताळणीसाठी आधारचा वापर करू शकत नाहीत, असा निर्णय...
Read More
post-image
आघाडीच्या बातम्या देश

…अन्यथा दिल्लीत पेट्रोल पंप बंद राहणार

नवी दिल्ली – पेट्रोल-डीझेलच्या व्हॅटमध्ये कपात न केल्यास दिल्लीतील पेट्रोल पंप संचालकांनी २२ ऑक्टोबर रोजी आंदोलन करण्याची घोषणा केली आहे. या आंदोलनात दिल्लीतील चारशेहून...
Read More
post-image
आघाडीच्या बातम्या देश

शबरीमाला मंदिराचा वाद चिघळला; जमावबंदी लागू

तिरुअनंतपूरम – केरळमधील प्रसिध्द शबरीमला मंदिरात कालपासून सर्व वयोगटातील महिलांना प्रवेश देण्यात येणार हेता, पण तेथील काही धार्मिक संघटनांनी सुप्रीम कोर्टाच्या निर्णयाला कडाडुन विरोध...
Read More
post-image
देश

पुलवामात एका दहशतवाद्याला कंठस्नान

श्रीनगर – काश्मीरच्या दक्षिण भागातील पुलवामात जवान आणि दहशतवाद्यांमध्ये झालेल्या चकमकीत जवानांनी एका दहशतवाद्याला कंठस्नान घातले आहे. पुलवामामध्ये दहशतवादी लपल्याची माहिती मिळताच भारतीय जवानांनी...
Read More