राष्ट्रवादीच्या नगरसेविका गिता मंचरकर यांचा मुलींसह आत्महत्या करण्याचा इशारा – eNavakal
महाराष्ट्र

राष्ट्रवादीच्या नगरसेविका गिता मंचरकर यांचा मुलींसह आत्महत्या करण्याचा इशारा

पिंपरी – राजकीय व्देशातून माझे पती अँड. सुशिल मंचरकर यांना खोट्या प्रकरणात अडकवले जात आहे. 2014 पासून वारंवार त्यांच्यावर खोटे गुन्हे दाखल केले जात आहेत. आता पुन्हा महिलेवर गोळीबार केल्याप्रकरणी त्यांना या प्रकरणात गोवले जात आहे. वारंवार होणार्या या प्रकारामुळे आमची सहनशिलता संपली आहे. जर याबाबतीत काही निर्णय घेतला गेला नाही तर, मी माझ्या दोन मुलींसह आत्महत्या करेल असा इशारा राष्ट्रवादीच्या नगरसेविका गिता मंचरकर यांनी पत्रकार परिषदेत दिला आहे.
अँड. सुशील मंचरकर हे राष्ट्रवादीच्या नगरसेविका गीता मंचरकर यांचे पती आहेत. तुरूंगातील आरोपी पळवून लावणे, कामगार नेते कैलास कदम यांच्या हत्येचा कट रचणे, असे गुन्हे त्यांच्यावर दाखल आहेत. या गुन्ह्यांमध्ये त्यांना मोक्का लावण्यात आला आहे. तसेच गेल्या आठवड्यात पिंपरीत एका महिलेवर गोळीबार झाला होता. त्या महिलेने 2014 मध्ये मंचरकर यांच्या विरोधात विनयभंगाची फिर्याद दिली होती. त्या गोळीबारप्रकरणी खूनी हल्ल्याचा गुन्हा दाखल झाला होता. या गुन्ह्यात मंचरकर यांना अटक करण्यात आली आहे.
सुशिल मंचरकर यांना वारंवार खोट्या गुन्ह्यात अडकवले जात असल्याचे सांगत नगरसेविका गिता मंचरकर यांनी आज पत्रकार परिषद घेतली. यात त्यांनी माजी नगरसेवक कैलास कदम यांच्यावर आरोप केलेत. कदम हे राजकीय व्देषापोटी माझ्या पतींना खोट्या गुन्ह्यामध्ये अडकवत असल्याचा आरोप त्यांनी केलाय. तसेच मला व माझ्या कुटुुंबियांच्या जीवाला कदम यांच्यापासून धोका असल्याचेही त्यांनी म्हटले आहे.
याप्रकरणी कैलास कदम यांनी सर्व आरोप फेटाळले आहेत. कदम म्हणाले की, मंचरकर यांनी माझ्यावर केले सर्व आरोप बिनबुडाचे आहेत. पहिल्यापासून त्यांच्याकडून असे खोटे आरोप माझ्यावर केले जात आहेत. त्यांच्यावर काय गुन्हे दाखल होतात त्याच्याशी माझा काहीच संबंध नाही. उलट मंचरकर यांनीच माझी सुपारी दिली असल्याचे पोलीसांनीच उघड केले होते. त्यांच्याकडूनच माझ्या जीवास धोका आहे.

Sharing is caring!

You may also like

Read More

post-image
आघाडीच्या बातम्या मनोरंजन

#MeToo भूषण कुमारांविरुद्ध लैंगिक शोषणाची तक्रार दाखल

मुंबई – ‘मीटू’ मोहिमेअंतर्गत देशात अनेक प्रतिष्ठित व्यक्तींची नावे समोर आली. यात टी-सीरीजचे मालक भूषण कुमार यांचाही समावेश आहे. त्यांच्याविरोधात आता मुंबईच्या ओशिवारा पोलीस...
Read More
post-image
महाराष्ट्र

मीरारोड येथे ३ सफाई कामगारांचा गुदमरून मृत्यू

मीरारोड – मीरा-भाईंदर महापालिकेच्या मलनि:सारण व शुद्धीकरण केंद्रातील सेप्टिक टँकची सफाई करत असताना मीरारोड येथील तीन मजुरांचा गुदमरून मृत्यू झाल्याची घटना घडली. मुजफ्फर मोहलिक...
Read More
post-image
आघाडीच्या बातम्या देश

जेट एअरवेज बचावाची आशा, मात्र एतिहादच्या कठोर अटी

मुंबई – आर्थिक अडचणींमुळे डबघाईला येऊन बंद पडण्याच्या वाटेवर असलेल्या जेट एअरवेजला एतिहाद एअरलाईनच्या नव्या प्रस्तावामुळे जिवंत राहण्याची आशा निर्माण झाली आहे. एतिहाद एअरलाईन ही...
Read More
post-image
आघाडीच्या बातम्या देश न्यायालय

राज्यात डान्सबार पुन्हा सुरू होणार

मुंबई – राज्यभरात डान्सबार पुन्हा सुरू करावे, असा निकाल सर्वोच्च न्यायालयाने दिला आहे. न्यायालयाने साडेपाच तास डान्सबार सुरू ठेवण्याची परवानगी दिली आहे. तसेच डान्सबारमध्ये...
Read More
post-image
गुन्हे देश

नवापूरच्या अल्पवयीन मुलीवर गुजरातमध्ये अत्याचार

नंदुरबार – नवापूर येथील अल्पवयीन मुलीवर तिघांकडून अत्याचार झाल्याची संतापजनक घटना घडली आहे. या तीन आरोपींवर नवापूर पोलीस ठाण्यात गुन्हा दाखल करण्यात आला आहे. पीडित...
Read More