रामदास बोट दुर्घटनेचे साक्षीदार बारक्याशेठ मुकादम काळाच्या पडद्याआड – eNavakal
News महाराष्ट्र

रामदास बोट दुर्घटनेचे साक्षीदार बारक्याशेठ मुकादम काळाच्या पडद्याआड

अलिबाग – 1947 मध्ये झालेल्या रामदास बोट दुर्घटनेचे अखेरचे साक्षीदार बारक्याशेठ मुकादम यांचे आज सकाळी वयाच्या 91 वर्षी त्यांच्या राहत्या घरी निधन झाले.
देशभरात गाजलेल्या रामदास बोट जलसमाधी दुर्घटनेतून वयाच्या 10 व्या वर्षी समुद्राच्या खळाळत्या लाटांवर स्वार होत किनारा गाठून मोठ्या धाडसाने ते वाचले होते. त्यावेळी ब्रिटीश अधिकार्‍यांनी मुकादम यांच्या धाडसाचे कौतुक केले होते. 15 ऑगस्ट या भारतीय स्वातंत्र्य प्राप्तीदिनाच्या केवळ 29 दिवस आधी 17 जुलै 1947 रोजी गटारी अमावास्येच्या दिवशी रामदास बोट दुर्घटनाग्रस्त झाली होती. सकाळी आठ वाजता भाऊचा धक्का (मुंबई) येथून निघून रेवस(अलिबाग) बंदरात तब्बल 700 प्रवाशांना घेवून येणारी रामदास बोट काशाच्या खडकाजवळ वातावरणात अचानक बदल होऊन निर्माण झालेल्या समुद्र लाटांच्या मार्‍याने बुडाली होती. त्या बोटीत असलेल्या 700 प्रवाशांपैकी केवळ 60 प्रवासी वाचू शकले होते. तर तब्बल 640 प्रवाशांचा बुडून मृत्यू झाला होता. याच भीषण परिस्थितीला मोठ्या जिद्दीसह धाडसाने सामोरे जावून त्यावेळी केवळ 10 वर्षाचे असणारे बारक्याशेठ मुकादम चमत्कारिकरीत्या वाचले होते. बारक्याशेट यांनी तब्बल 22 तास खवळलेल्या समुद्रात पोहत किनारा गाठून आपला जीव वाचवला होता. त्यांच्या निधनाने रामदास बोट दुर्घटनेतील अखेरची साक्ष मिटली आहे. आता रामदास बोट दुर्घटनेचा इतिहास कोणीही सांगू शकणार नाही. त्यांच्या मागे पत्नी, दोन मुले, दोन मुली, सुना-जावई व नातवंडे असा मोठा परिवार आहे. अलिबाग कोळीवाडयातील मेटपाडा स्मशानभूमीत त्याच्यावर दूपारी एक वाजता अंत्यसंस्कार करण्यात आले.

Sharing is caring!

You may also like

Read More

post-image
News महाराष्ट्र मुंबई

‘त्या’ तीन मंत्र्यांना हायकोर्टाचा दिलासा

मुंबई – ना. राधाकृष्ण विखे पाटील, जयदत्त क्षीरसागर आणि अविनाश महातेकर यांना मुंबई हायकोर्टाने तूर्तास दिलासा मिळाला असून त्यांच्या मंत्रिपदाला आव्हान देण्यार्‍या याचिकेवर तातडीने...
Read More
post-image
News महाराष्ट्र

…तर मिशा ठेवणार नाही! उदयनराजेंचे आयोगाला आव्हान

मुंबई – लोकसभा निवडणुकीच्यावेळी सदोष ईव्हीएम यंत्रांमुळे सातारा मतदारसंघात प्रत्यक्षात झालेले मतदान आणि प्रत्यक्ष मतमोजणी यामध्ये तफावत आढळून आली होती. त्यामुळे निवडणूक आयोगाने माझ्या...
Read More
post-image
News महाराष्ट्र

शरद कळसकरला 8 जुलैपर्यंत कोठडी

कोल्हापूर – कॉ. गोविंद पानसरे हत्या प्रकरणातील संशयित आरोपी शरद कळसकरला कोल्हापूर जिल्हा सत्र न्यायालयाने आज 8 जुलैपर्यंत न्यायालयीन कोठडी सुनावली आहे. कळसकरला 8...
Read More
post-image
News मुंबई

सरकारी कर्मचार्‍यांचा 27 जूनला ‘लक्षवेध’ दिन

मुंबई – पाच दिवसांचा आठवडा, सेवानिवृत्तीचे वय 60 करावे आणि अन्य मागण्यांसाठी 27 जूनला सरकारी कर्मचारी लक्षवेध दिन पाळणार आहे आणि तरीही मागण्या मान्य...
Read More
post-image
News महाराष्ट्र मुंबई

जलयुक्त शिवार योजनेत गैरव्यवहार! सरकारनेच दिली कबुली

मुंबई – एकीकडे महाराष्ट्र सरकार दुष्काळग्रस्त शेतकर्‍यांनी सरसकट कर्जमाफी, चारा छावण्या आणि पाण्याच्या टँकरसह जलयुक्त शिवार योजनेसाठी लाखो कोटी रुपये दिल्याची फुशारकी मारत असतानाच...
Read More