राफेलची संख्या, किंमतीचा संबंध कोर्टाशी नाही-कोर्टाने याचिका फेटाळली – eNavakal
आघाडीच्या बातम्या देश महत्वाच्या बातम्या

राफेलची संख्या, किंमतीचा संबंध कोर्टाशी नाही-कोर्टाने याचिका फेटाळली

नवी दिल्ली –  आज सर्वोच्च न्यायालयाचे मुख्य न्यायाधीश रंजन गोगोई, न्या.के.एस.जोसेफ आणि न्या.एस.के. कौल यांच्या खंडपीठाने कागदोपत्री पुरावे नसल्याचे सांगत राफेल लढाऊ विमानाच्या खरेदी व्यवहाराच्या विरोधात दाखल करण्यात आलेल्या सर्व याचिका फेटाळून लावल्या. यामुळे भाजपाचा आनंद उफाळून आला. सर्वोच्च न्यायालयाचा हा निर्णय ‘पुराव्याअभावी’ झाला आहे ही बाब अधिक प्रकाशात न आणता भाजपाने लगेच काँग्रेसला धारेवर धरण्यास सुरुवात केली. राहुल गांधींनी केलेले आरोप खोटे होते हे आज सिद्ध झाले, असे गृहमंत्री राजनाथ सिंग लोकसभेत म्हणाले आणि भाजपा खासदारांनी बाके वाजवली. भाजपा अध्यक्ष अमित शहा यांनीही ताबडतोब पत्रकार परिषद घेऊन राहुल गांधींवर तोफ डागली. काँग्रेसच भ्रष्ट असून राहुल गांधींनी माफी मागावी अशी मागणी त्यांनी केली.

आज सकाळी 11 वाजता सर्वोच्च न्यायालयाने राफेलबाबत निर्णय दिला. कोर्टाच्या नियंत्रणात राफेल व्यवहाराची चौकशी करण्यासाठी विशेष कृतीदल नियुक्त करावे ही यशवंत सिन्हा व अरुण शौरी यांची याचिका न्यायालयाने फेटाळली. हा निकाल देताना न्यायालयाने म्हटले की, राफेल विमानाची किंमत आणि खरेदी प्रक्रिया तपासणे हे न्यायालयाचे काम नाही. अनिल अंबानी यांना दसॉल्ट कंपनीने उपकंत्राट दिले आहे. त्यामुळे सरकारचा या उपकंत्राटाशी संबंध नाही हा युक्तीवाद आम्ही मान्य करतो आणि चौकशी समितीची मागणी फेटाळतो.

यशवंत सिन्हा आणि अरुण शौरी यांच्या वतीने न्यायालयात बाजू मांडणारे अ‍ॅड.प्रशांत भूषण या निकालावर प्रतिक्रिया देताना म्हणाले की, हा निकाल चुकीचा असून आम्ही याविरोधात फेरविचार याचिका दाखल करण्याचा विचार करीत आहोत. न्यायालयाने म्हटले आहे की, हा करार करून कुणाला लाभ मिळवून दिल्याचे आढळत नाही.फ्रान्सच्या माजी राष्ट्रपतींच्या मुलाखतीवर आधारून चौकशीची मागणी केली जाऊ शकत नाही. अर्जदाराने एकही पुरावा सादर केलेला नाही. यावर अ‍ॅड.प्रशांत भूषण म्हणाले की, हवाई दलाने समितीची बैठक घेऊन 126 विमानांची मागणी केली होती. पंतप्रधान मोदी फ्रान्सला गेले आणि त्यांनी सरळ 126 ऐवजी फक्त 36 विमानांचा करार केला.

हवाई दलाने या विमानांची किंमत ठरवली होती तर पंतप्रधान फ्रान्सला गेले आणि त्यांनी किंमत दुप्पट केली. राफेल विमानाची किंमत हा राष्ट्रीय सुरक्षेचा मुद्दा करून सरकारने किमतीबाबत गुप्तता राखण्याची विनंती कोर्टाला केल्याने त्यावर चर्चाच झाली नाही. खरेदी प्रक्रियेबाबत सरकारने बंद पाकिटात उत्तर दिले. त्यामुळे त्यावर युक्तीवादच झाला नाही. त्यात काय लिहिले आहे ते अद्याप आम्हाला माहीत नाही. दसॉल्ट कंपनीने डावलून दोन महिन्यांपूर्वी जन्माला आलेल्या अनिल अंबानींच्या रिलायन्स डिफेन्स कंपनीला कंत्राट दिले. याचा शोध आवश्यक होता. मात्र दसॉल्ट कंपनीने कुणाला कंत्राट द्यायचे तो कंपनीचा प्रश्न आहे, असे म्हणून न्यायालयाने हाही मुद्दा फेटाळला. या सर्व बाबींची विशेष कृती दलाने चौकशी केलीअसती तर सत्य बाहेर आले असते. पण चौकशी केली नाही, असा निर्णय न्यायालयाने दिला. चौकशी न करता पुरावे कुठून मिळणार? हा प्रश्नच आहे.

Sharing is caring!

You may also like

Read More

post-image
आघाडीच्या बातम्या मुंबई

शेअर बाजारात मोठी उसळी, सेन्सेक्स १३०० अंकांनी वधारला

मुंबई – मोदी सरकारकडून शुक्रवारी कंपनी करात करण्यात आलेल्या कपातीनंतर आज शेअर बाजारात मोठी उसळी पाहायला मिळत आहे. आज शेअर बाजार उघडताच सेन्सेक्सने जवळपास...
Read More
post-image
आघाडीच्या बातम्या मनोरंजन

अनुष्का शर्माचा देशातील सामर्थ्यवान व्यक्तींच्या यादीत समावेश

नवी दिल्ली – मिसेस कोहली अर्थात बॉलिवूड अभिनेत्री अनुष्का शर्मा हिला भारतातील सामर्थ्यशाली स्री म्हणून घोषित करण्यात आले आहे. फॉर्च्यून इंडियाने भारतातील ५० सामर्थ्यवान...
Read More
post-image
लेख

वृत्तविहार – द्रूतगतीवरची कासवगती

केंद्रीय वाणिज्य आणि रेल्वे मंत्री यांना मुंबईतल्या वाहतूक कोंडीचा फटका बसला आणि त्यांनी मुंबईकर कसे संयमी आहेत, असा पलटवार करून वेळ मारून नेली. परंतु...
Read More
post-image
मुंबई

घाटकोपरमध्ये कोचिंग क्लास चालकाची भर वर्गात हत्या

मुंबई – घाटकोपर येथे कोचिंग क्लास चालकाची भर वर्गात हत्या केल्याची धक्कादायक घटना घडली आहे. रविवारी संध्याकाळी साडेसहा वाजताच्या दरम्यान घाटकोपर येथे मयांक ट्युटोरियल...
Read More
post-image
आघाडीच्या बातम्या महाराष्ट्र राजकीय

अमित शहा २६ सप्टेंबरला पुन्हा मुंबईत

मुंबई – महाराष्ट्राचे पुढील मुख्यमंत्री देवेंद्र फडणवीस हेच असणार असल्याची घोषणा करत भाजपा राष्ट्राध्यक्ष अमित शहा यांनी रविवारी मुंबईतील गोरेगाव येथील सभेत विधानसभेच्या प्रचाराचा...
Read More