राणीबागेतील ‘त्या’ विस्तारीत प्राणिसंग्रहालयात फुलणार परदेशी प्राण्यांचं नंदनवन – eNavakal
News मुंबई

राणीबागेतील ‘त्या’ विस्तारीत प्राणिसंग्रहालयात फुलणार परदेशी प्राण्यांचं नंदनवन

मुंबई- ‘वीरमाता जिजाबाई भोसले उद्यान व प्राणिसंग्रहालय’ अर्थात राणीबाग परिसरालगतचा मफतलालच्या जागेवरील भूखंड महापालिकेला हस्तांतरीत करण्याचे निर्देश न्यायालयाने दिल्यानंतर शुक्रवारी ही जागा अधिकृतपणे ताब्यात घेण्यात आली. गणेशोत्सवाच्या शुभमुहूर्तावर महापालिकेने या जागेचा प्रत्यक्ष ताबा घेऊन त्याच्या वापराला सुरुवात केली. आता या जागेवर परदेशी प्राण्यांचं नंदनवन फुललं जाणार असून येत्या दोन वर्षांमध्ये या जागेत आफ्रिकन, ऑस्ट्रेलियन तसेच आशियायी प्राण्यांना पाहण्याचा आनंद लुटता येणार आहे.

भायखळा येथील वीरमाता जिजाबाई भोसले उद्यान व प्राणिसंग्रहालय (राणीचा बाग) आहे. या उद्यानालगत सुमारे 54 हजार 568.72 चौरस मीटर आकाराचा भूखंड आहे. माझगाव विभागातील सीएस 593 क्रमांकाचा हा भूखंड मे. मफतलाल इंडस्ट्रीज लिमिटेड यांना भाडेपट्ट्याने देण्यात आला होता. याबाबत महाराष्ट्र शासनाद्वारे वर्ष 2004 मध्ये काढलेल्या अधिसूचनेआधारे व सदर भाडेपट्ट्याचा कालावधी वर्ष 2017 मध्ये संपल्यानंतर मुंबई शहर जिल्ह्याच्या जिल्हाधिकार्‍यांद्वारे या भूखंडाच्या निम्मा अर्थात 27 हजार 284.36 चौरस मीटर एवढ्या आकाराचा भूभाग महापालिकेकडे वर्ग करण्याचे निर्देश ‘मे. मफतलाल इंडस्ट्रीज लिमिटेड’ ला देण्यात आले होते. प्रत्यक्षात ही जागा महापालिकेच्या ताब्यात कागदोपत्री असूनही मफतलालने तो देण्यास नकार दिला होता. त्यावरून पुन्हा न्यायालयात वाद सुरू होता आणि हा निकाल महापालिकेच्याबाजूनं लागला.न्यायालयाच्या आदेशानंतर मागील दोन दिवसांपूर्वी येथील मफतलालमधील रस्ता बंद करून राणीबागेतूनच रस्ता खुला करण्यात आला. शुक्रवारी येथील सुरक्षा रक्षकांची झोपडी तोडून याठिकाणी विस्तारीत प्राणिसंग्रहालय बनवण्याची प्रक्रिया जोरात हाती घेण्यात आली आहे.
अतिरिक्त आयुक्त आबासाहेब जर्‍हाड यांनी शुक्रवारी राणीबागेतील या विस्तारीत प्राणिसंग्रहालयासंदर्भात अधिकार्‍यांशी बैठक घेऊन पुढील प्रक्रिया जलदगतीनं राबवण्याच्या सूचना सर्वांना दिल्या आहेत. या विस्तारीत प्राणिसंग्रहालयाच्या जागेवर आफ्रिकन सवाना, ऑस्ट्रेलियन, साऊथ आफ्रिकन आदी भागातील परदेशी प्राण्यांचे संग्रहालय बनवण्यात येणार असल्याची माहिती अतिरिक्त आयुक्त आबासाहेब जर्‍हाड यांनी दिली आहे.

सध्या जिराफ, झेब्रा, चिता, हिप्पोपॉटोमस, ऑस्ट्रीच, कांगारु, इमू, जग्वार आदी प्राणी या प्राणिसंग्रहालयात आणले जाणार असल्याचे त्यांनी सांगितले. परदेशी प्राणि याठिकाणी आणतानाच ते येथील नैसर्गिक वातावरणाशी समरस होतील,असेच प्राणी याठिकाणी आणले जातील,असेही त्यांनी सांगितले.

Sharing is caring!

You may also like

Read More

post-image
न्युज बुलेटिन व्हिडीओ

नवाकाळचे सायंकाळी ७ वाजताचे न्यूज बुलेटिन (२०-०३-२०१९)

Sharing is caring!FacebookPinterestTwitterGoogle+ Related posts: नवाकाळचे सायंकाळी ७ वाजताचे न्यूज बुलेटीन (०१-०६-२०१८) नवाकाळचे सायंकाळी ७ वाजताचे न्यूज बुलेटिन (०७-०७-२०१८) नवाकाळचे सायंकाळी ७ वाजताचे न्यूज...
Read More
post-image
आघाडीच्या बातम्या देश

समझौता एक्स्प्रेस स्फोट प्रकरण : सर्व आरोपींची मुक्तता

नवी दिल्ली – 12 वर्षांपूर्वी झालेल्या समझौता एक्स्प्रेस बॉम्बस्फोटप्रकरणी मुख्य आरोपी असीमानंद यांच्यासह सर्व आरोपींची मुक्तता करण्याचा निर्णय पंचकुलामधील विशेष एनआयएच्या न्यायालयाने दिला आहे. या...
Read More
post-image
महाराष्ट्र राजकीय

टीव्हीवर ‘हे’ भाषण ऐकण्यासाठी पवारांनी बैठक थांबवली

मुंबई – राष्ट्रवादीचे अध्यक्ष शरद पवार यांनी आज मुंबईत विरोधी पक्षनेते धनंजय मुंडे यांच्या निवासस्थानी बैठक बोलावली होती. या बैठकीदरम्यान टीव्हीवर एक भाषण लागलं आणि पवारांनी चक्क...
Read More
post-image
आघाडीच्या बातम्या क्रीडा

शमीला वर्ल्ड कपसाठी पुरेशी विश्रांती मिळणार

मुंबई – इंडियन प्रीमिअर लीगमध्ये भारतीय संघातील खेळाडूंवर पडणाऱ्या अतिरिक्त तणावावर सध्या जोरदार चर्चा सुरू आहे. या पार्श्वभूमीवर आगामी वर्ल्ड कपचं महत्त्व लक्षात घेता किंग्स इलेव्हन पंजाब...
Read More
post-image
आघाडीच्या बातम्या देश विदेश

आता इंस्टग्रामवरून शॉपिंग करता येणार

नवी दिल्ली – इंस्टग्राम या सध्याच्या लोकप्रिय अॅपने निवडक ब्रँडच्या उत्पादनाची खरेदी करण्याची सुविधा आणली आहे. इन्स्टाग्राम अॅपमध्ये नवीन फीचर आणले आहे. या फीचरच्या...
Read More