तुम्हाला कोणीही धक्का लावणार नाही! राज ठाकरे – eNavakal
News आघाडीच्या बातम्या महाराष्ट्र मुंबई राजकीय

तुम्हाला कोणीही धक्का लावणार नाही! राज ठाकरे

मुंबई- मनसे अध्यक्ष राज ठाकरे यांनी आज वांद्रे येथील शासकीय वसाहतीतील रहिवाशांशी संवाद साधला. यावेळी राज यांनी राज्य सरकारवर कडाडून टीका केली. तसेच शासकीय वसाहतीत राहणारा मराठी माणूस आहे तो याच जागेवर घर बांधून राहिल. तुम्ही निश्चिंत रहा, बिथरू नका, तुम्हाला कोणीही धक्का लावणार नाही, असे सांगत राज यांनी रहिवाशांना दिलासा दिला.

वांद्रे पूर्व येथील शासकीय वसाहतीतील रहिवाशांच्या पुनर्वसनाचा प्रश्न सोडवण्यासाठी, संवाद साधण्यासाठी कम्युनिटी हॉल येथे राज ठाकरे यांच्या बैठकीचे आयोजन करण्यात आले होते. यावेळी बोलताना राज ठाकरे म्हणाले की, जसे मला शिवाजी पार्क तसेच वांद्रे पूर्व आहे. आपल्याच मी तुमच्या घरांसाठी आणि खासकरून मराठीचे अस्तित्व टिकवण्यासाठी या ठिकाणी आलो आहे. जसा तुमचा प्रश्न आहे तसाच पोलिसांचा प्रश्न देखील आहे. 30-30 वर्ष काढल्यानंतर त्यालोकांनी जायचे कुठे. हे तुम्हाला बाजुला करण्यासाठी नाही तर बाहेरून येणार्‍या लोकांसाठी जागा रिकाम्या करण्याचा घाट घातला गेला आहे. झोपडपट्ट्या येत नाहीत त्या वसवल्या जातात. अमराठी आणि मराठी बिल्डर लॉबी झोपडपट्ट्या वसवते आहे. बांद्रे कुर्ला कॉम्प्लेक्स येथे ऑफिसेस आहेत आता त्याठिकाणी मोठाल्या इमारती उभारण्याचा घाट सरकारचा सुरू आहे. या ठिकाणी मराठी टक्का अजिबात नसणार. येथून बुलेट ट्रेन चालली आहे. स्टेशनच इकडे आहे म्हटल्यावर त्या इमारतींमध्ये कोण राहायला येणार हे सांगण्याइतपत तुम्ही काही दुधखुळे नाही. मुंबई-अहमदाबाद बुलेट ट्रेन हा पंतप्रधानांचा हट्ट आहे. मुंबई गुजरातला मिळाली नाही ही जखम भरून काढण्यासाठी त्यांचे हे प्रयत्न सुरू असल्याचा आरोप राज यांनी केला.

गुजरात सरकारने एक वेबसाईट बनवली आहे. त्यात लिहिले आहे की, जे गुजराती देशाबाहेर राहतात त्यांच्यासाठी गुजराती नावाचे कार्ड काढण्यात आले आहे. हे कार्ड ज्याच्याकडे असेल त्याच्यासाठी गुजरात भेट अविस्मरणीय ठरणार आहे. हे कार्ड बंगाली, मराठी माणसाला नाही तर गुजराती माणसाला दिले जाणार असून याबाबत गुजराती समाजाला काहीच माहिती नसल्याचे राज म्हणाले. तसेच बेहराम पाड्यात उभारलेल्या झोपडपट्ट्यांवरूनही राज यांनी जोरदार प्रहार केला. बांगलादेशातून आलेले बेहरामपाड्यात राहतात. आमच्या राज्यकर्त्यांच्या डोळ्यांदेखत येथे मजलेच्या मजले उभे राहतात. आणि तुम्हाला हे नोटीसा पाठवतात. त्यांच्या मोहल्ल्यात जाण्याची यांच्यात हिंमत नाही. बांगलादेशी आणि पाकिस्तानी तुमचे जावई आहेत का?. अशा खोचक सवालही त्यांनी यावेळी उपस्थित केला इतिहासात बोलायचे इंच इंच लढू, आता इंच इंच विकायला चालले आहेत. वांद्रे पूर्व येथील शासकीय वसाहतीत राहणारा मराठी माणूस आहे तो याच जागेवर घर बांधून राहील. सरकारची हिंमत असेल तर त्यांनी तुम्हाला बाहेर काढून टाकण्याचा प्रयत्न करावा, असा इशाराच राज यांनी यावेळी दिला. तसेच जर तुम्हाला सरकारकडून घरे रिकाम्या करण्याच्या नोटीसा आल्या तर राज ठाकरेशी बोला असे आवाहनही त्यांनी यावेळी रहिवाशांना केले.

Sharing is caring!

You may also like

Read More

post-image
आघाडीच्या बातम्या देश

पंतप्रधान नरेंद्र मोदी तीन दिवसांच्या गुजरात दौऱ्यावर

अहमदाबाद – पंतप्रधान नरेंद्र मोदी आजपासून तीन दिवसांच्या गुजरात दौऱ्यावर आहेत. ते व्हायब्रेंट गुजरातच्या विश्व संमेलनाच्या नवव्या परिषदेचे उद्घाटन करणार आहेत. या संमेलनाचे आयोजन...
Read More
post-image
आघाडीच्या बातम्या मनोरंजन

‘तुला पाहते रे’चं ‘रॅपचीक’ सॉंग ऐकलंत?

मुंबई – झी मराठी वाहिनीवरील सुप्रसिद्ध मालिका ‘तुला पाहते रे’ सध्या फारच चर्चेत आहे. ते म्हणजे ईशा-विक्रांत यांच्या लग्नामुळे. चाहत्यांनी या दोघांचे अनेक मिम्स,...
Read More
post-image
आघाडीच्या बातम्या मनोरंजन

#MeToo भूषण कुमारांविरुद्ध लैंगिक शोषणाची तक्रार दाखल

मुंबई – ‘मीटू’ मोहिमेअंतर्गत देशात अनेक प्रतिष्ठित व्यक्तींची नावे समोर आली. यात टी-सीरीजचे मालक भूषण कुमार यांचाही समावेश आहे. त्यांच्याविरोधात आता मुंबईच्या ओशिवारा पोलीस...
Read More
post-image
महाराष्ट्र

मीरारोड येथे ३ सफाई कामगारांचा गुदमरून मृत्यू

मीरारोड – मीरा-भाईंदर महापालिकेच्या मलनि:सारण व शुद्धीकरण केंद्रातील सेप्टिक टँकची सफाई करत असताना मीरारोड येथील तीन मजुरांचा गुदमरून मृत्यू झाल्याची घटना घडली. मुजफ्फर मोहलिक...
Read More
post-image
आघाडीच्या बातम्या देश

जेट एअरवेज बचावाची आशा, मात्र एतिहादच्या कठोर अटी

मुंबई – आर्थिक अडचणींमुळे डबघाईला येऊन बंद पडण्याच्या वाटेवर असलेल्या जेट एअरवेजला एतिहाद एअरलाईनच्या नव्या प्रस्तावामुळे जिवंत राहण्याची आशा निर्माण झाली आहे. एतिहाद एअरलाईन ही...
Read More