राज्यातील महापूर मानवनिर्मित ! न्यायमूर्तींच्या अध्यक्षतेखाली समिती नेमा – eNavakal
News महाराष्ट्र

राज्यातील महापूर मानवनिर्मित ! न्यायमूर्तींच्या अध्यक्षतेखाली समिती नेमा

सातारा,- कोल्हापूर, सांगलीसह राज्यात उद्भवलेली महापूरस्थिती ही मानवनिर्मित आहे, असा दावा करून भविष्यात अशी परिस्थिती पुन्हा होऊ नये म्हणून प्रशासनाची जबाबदारी निश्‍चित करण्यात यावी असे विनंती करणारे पत्र सामाजिक कार्यकर्ते डॉ. संजय लाखे-पाटील यांनी मुंबई उच्च न्यायालयाचे मुख्य न्यायमूर्ती प्रदीप नंदराजोग यांना पाठवून सुमोटो याचिका दाखल करून घ्यावी अशी विनंती केली आहे. चौदा वर्षापूर्वी 2005 मध्ये आलेल्या महापूरानंतर डिजास्टर मॅनेजमेंटच्या 2005 ची मार्गदर्शक तत्वे निश्‍चित करण्यात आली. मात्र त्याची अंमलबजावणी केली जात नाही. कोल्हापूर जिल्हाधिकार्‍यांनी 1 ऑगस्टला स्टेट डिझास्टर मॅनेजमेंटला अलमट्टी धरणातील पाणी न सोडल्यास मोठ्याप्रमाणात पाणी तुंबून महापुराची शक्यता वर्तविली होती. मात्र त्या संदर्भात कर्नाटक सरकारशी संपर्क साधण्यात आला नाही. डिजास्टर मॅनेजमेेंटने ही जबाबदारी टाळली. पावसाबरोबरच धरणातील अतिरिक्त पाण्याचा साठा सोडण्यासंदर्भात दिलेल्या मार्गदर्शक तत्वांचा अवलंब केला गेला नाही. धरण तुडूंब भरल्याने ते सोडण्यात आले. त्यातच पावसाच्या नैसर्गिक आपत्तीमुळे पुरस्थिती निर्माण झाली. डिजास्टर मॅनेजमेेंटच्या 2005 च्या मार्गदर्शक तत्वांचे पालन न झाल्याने ही आपत्ती मानवनिर्मित असल्याचे घोषित करण्यात यावे, तसेच या उद्भवलेल्या आपत्तीची स्टेट डिजास्टर मॅनेजमेेंट चेअरमन, चिफ सेक्रेटरी, संबंधित खात्यातील मंत्री तसेच डॅम ऑपरेटर यांच्यापैकी दोषी व्यक्तींवर जबाबदारी निश्‍चित करावी अशी विनंती या पत्रात करण्यात आली आहे. याप्रकरणाची न्यायमूर्तींच्या अध्यक्षतेखाली तज्ज्ञांची समिती स्थापन करून चौकशी करण्यात यावी, अशी विनंती केली आहे.

Sharing is caring!

You may also like

Read More

post-image
News मुंबई

हार्दिक पंड्याने पहिल्यांदाच दिली प्रेमाची कबुली

मुंबई- हार्दिक पंड्याच्या आयुष्यात पुन्हा एका नव्या प्रेमाची एन्ट्री झाली आहे. आपल्या हेलिकॉप्टर शॉटने भल्याभल्या गोलंदाजांना भोवळ आणणारा हार्दिक अभिनेत्री, डान्सर नताशा स्टेन्कोविकच्या प्रेमात...
Read More
post-image
News देश

आसाराम बापूला दणका! हायकोर्टाने याचिका फेटाळली

जयपूर – अल्पवयीन मुलीवर बलात्कारप्रकरणी आध्यात्मिक गुरु आसाराम बापुला राजस्थान हायकोर्टाने जोरदार दणका दिला. याप्रकरणी झालेली जन्मठेपेची शिक्षा रद्द व्हावी, यासाठी आसाराम बापुने दाखल...
Read More
post-image
News देश

जादवपूर विद्यापीठाबाहेर अभाविपच्या कार्यकर्त्यांची पोलिसांवर दगडफेक

कोलकाता – कोलकातामधील जादवपूर विद्यापीठाबाहेर अखिल भारतीय विद्यार्थी परिषदेचे कार्यकर्ते गेल्या आठवड्यात केंद्रीय मंत्री बाबूल सुप्रियोंना झालेल्या धक्काबुकीच्या प्रकाराचा निषेध करण्यासाठी जमा झाले आहेत....
Read More
post-image
News महाराष्ट्र

कॉँग्रेस-राष्ट्रवादीत घोळ अजूनही सुरुच

मुंबई- विधानसभा निवडणुकीच्या तारखा जाहीर झाल्यानंतर राष्ट्रवादी कॉँग्रेसने आज दुपारी जाहीरनामा प्रकाशनाचा कार्यक्रम आयोजित केला होता. मात्र आघाडीचा एकच जाहीरनामा प्रकाशित करण्याचा निर्णय आधीच...
Read More
post-image
News निवडणूक महाराष्ट्र

विधानसभेसाठी ‘आप’ची 8 जागांची पहिली यादी जाहीर

मुंबई – महाराष्ट्रातील विधानसभा निवडणुकीसाठी आता आम आदमी पक्षानेही कंबर कसली आहे. आम आदमी पक्षाने आज आठ जागांसाठी पहिली यादी जाहीर केली आहे. आपचे...
Read More