रत्नागिरी शहरातील पाणीप्रश्नाचा वाद पेटला – eNavakal
आंदोलन महाराष्ट्र

रत्नागिरी शहरातील पाणीप्रश्नाचा वाद पेटला

रत्नागिरी- रत्नागिरी शहरातील पाणीप्रश्नाचा वाद आता चांगलाच पेटला आहे. शिवसेनेने यावरून थेट भाजपला लक्ष केलं आहे. रत्नागिरी नगर परिषदेसाठी शासनाच्या नगरोत्थानमधून 64 कोटीची सुधारित नळपाणी योजना मंजूर झाला आहे. मात्र ही योजना थांबवण्याचे काम खऱ्या अर्थाने भाजपा करत आहेत. हि योजना मार्गी लावण्याचे श्रेय शिवसेनेला मिळू नये यासाठीच भाजपावाले शहरातील नागरिकांना पाण्यापासून वंचित ठेवत असल्याचा आरोप शिवसेना रत्नागिरी तालुकाप्रमुख बंड्या साळवी यांनी केला आहे.

आज शहरातील नागरिकांना पाणी पाणी करण्याची वेळ भाजपाच्या सूडाच्या राजकारणामुळे आल्याचा आरोपही बंड्या साळवी यांनी केला आहे. तसेच याबाबत येत्या 2 दिवसांत निर्णय न झाल्यास नगर परिषदेचे सर्व नगरसेवक, सर्व आमदार कोकण आयुक्तांसमोर ठिय्या आंदोलन करणार असल्याचे तालुकाप्रमुख बंड्या साळवी यांनी पत्रकार परिषदेत सांगितले.

कारण पाणीपुरवठा खंडीत होत असल्याने नागरिकांची मोठी ओरड सुरू आहे. त्याबाबत तालुकापमुख बंड्या साळवी, नगराध्यक्ष राहुल पंडित यांनी आपली भूमिका स्पष्ट केली. त्यांनी सांगितले की, शहराला 64 कोटीची सुधारित पाणीपुरवठा योजना मंजुर झाली. त्यानंतर सन 2015-16 च्या डिएसआरपमाणे सुमारे 54 कोटी 41 लाखाचे अंदाजपत्रक करण्यात आले होते. त्यामुळे वाढीव 9 कोटीच्या अंदाजपत्रकाला विरोधकांनी आक्षेप घेतला. त्यानंतर झालेल्या घडामोडीनंतर विरोधकांनी स्थगिती घेण्याचा पवित्रा घेतल्याचे बंड्या साळवी यांनी सांगितले.

विभागीय आयुक्तांकडे 8 नोव्हेंबर 2017 मध्ये अर्ज सादर करण्यात येऊन त्यावर स्थगितीही घेण्यात आली. नगर परिषदेतील सर्व विरोधी पक्षांच्या गटनेते व नगरसेवकांनी ही योजना नामंजूर होण्याची भूमिका घेतली. त्यामुळे शहरातील पाणीपुरवठ्याच्या समस्येला हे विरोधकच जबाबदार असल्याचा आरोप साळवी यांनी घेतला आहे. ही योजना मार्गी लावण्यासाठी शिवसेनेच्यावतीने तसेच पक्षपमुख उध्दव ठाकरे यांनीही मुख्यमंत्र्यांसोबत चर्चा केली पण निर्णय झालेला नाही. योजनेसाठी आलेले पैसे परत जाण्याचा संभव निर्माण झाला आहे. शहरातील पाण्याचा पश्नही गंभीर बनलेला आहे. कोकण आयुक्तांनी योजनेच्या कार्यवाहीसाठी चार तारखा दिल्या होत्या. त्यावरही कार्यवाही झालेली नसल्याचे सांगण्यात आले. मुख्यमंत्र्यांशीही नगराध्यक्षांनी दोन वेळा चर्चा केलेली आहे. मात्र ही 64 कोटीची योजना थांबवण्याचे काम खऱया अर्थाने भाजपा व त्यांचे सर्व लोकपतिनिधी करत असल्याचा जोरदार आक्षेप तालुकाप्रमुख तथा नगरसेवक बंडया साळवी यांनी घेतला आहे.

Sharing is caring!

You may also like

Read More

post-image
News महाराष्ट्र

पालघरमध्ये 5 बाईक अ‍ॅम्ब्युलन्स दाखल

वाडा- जिल्ह्यातील ज्या अतिदुर्गम भागात मोठी अ‍ॅम्ब्युलन्स जात नाही त्या ठिकाणच्या रुग्णांना आरोग्यसेवा देण्याच्या उद्देशाने जिल्ह्यातील 5 आरोग्य केंद्रांना बाईक अ‍ॅम्ब्युलन्स देण्यात आल्या आहेत....
Read More
post-image
News महाराष्ट्र

ग्रामीण भागातील चिंबोरी, मुठ्यांना शहरी भागात वाढली मागणी

विक्रमगड- पावसाळा सुरू झाला की सार्‍यांनाच वेध लागतात ते म्हणजे रानभाज्यांसोबत काळ्याभोर चिंबोर्‍या आणि खेकड्यांचे. खवय्यांसाठी मेजवानी ठरणार्‍या चिंबोर्‍या आणि खेकडे विक्रमगड बाजारात तसेच...
Read More
post-image
News मुंबई

बेस्टमध्ये नवीन 500 कंत्राटी कामगारांची भरती

मुंबई,-बेस्ट उपक्रमाच्या विद्युत विभागात बेस्टच्या आर्थिक तोट्याचे कारण पुढे करत प्रशासन आणि कमिटीने खासगी कंत्राटदाराकडून 500 नवीन कंत्राटी कामगार भरती केले आहेत. त्यामुळे गेले...
Read More
post-image
News महाराष्ट्र

पलुच्या धबधब्यावर 31 जुलैपर्यंत जाण्यास बंदी

विक्रमगड- जूनच्या शेवटच्या आठवडयात विक्रमगड व परिसरात दमदार असा पाऊस झाल्याने नदी, नाले, ओव्हळ दुथडी भरून वाहू लागले आहेत. शेतामध्ये पाणी साठलेले आहे व...
Read More
post-image
News महाराष्ट्र

म्हारळ हद्दीतील डम्पिंग ग्राऊंड ‘ओव्हर फ्लो’

उल्हासनगर- कॅम्प नंबर 1 परिसरात म्हारळच्या हद्दीत असलेले डम्पिंग ग्राऊंड ओव्हर फ्लो झाल्याने उल्हासनगर पालिकेने कॅम्प नंबर 5 च्या भागात दुसरे डम्पिंग ग्राऊंड तयार...
Read More