रत्नागिरीत प्रकल्पग्रस्तांचे ‘ठिय्या’; मुख्यमंत्री बैठक घेत नाहीत तोपर्यंत माघार नाही – eNavakal
आंदोलन महाराष्ट्र

रत्नागिरीत प्रकल्पग्रस्तांचे ‘ठिय्या’; मुख्यमंत्री बैठक घेत नाहीत तोपर्यंत माघार नाही

रत्नागिरी – श्रमिक मुक्ती दलाकडून राज्यातल्या नऊ जिल्ह्यात पाटबंधारे आणि अभयारण्य प्रकल्पग्रस्तांचं ठिय्या आंदोलन सुरू आहे. पुनर्वसन, जमिनीचा मोबदला, प्रकल्पग्रस्ताना नोकरी आणि अन्य मागण्या घेऊन रत्नागिरी जिल्ह्यातही या प्रकल्पग्रस्तानी गेल्या तीन दिवसांपासून जिल्हाधिकारी कार्यालयाबाहेर आंदोलन सुरु केले आहे. स्थानिक प्रश्न जोपर्यंत सुटत नाहीत आणि या प्रश्नांबाबत मुख्यमंत्री जोपर्यंत बैठक घेत नाहीत तोपर्यंत हे आंदोलन सुरूच राहणार असल्याचं संघटनेच्या वतीने आज पुन्हा एकदा स्पष्ट करण्यात आले आहे.

कोयना, गडनदी धरण प्रकल्पग्रस्तांच्या मागण्यांच्या पूर्ततेसाठी श्रमिक मुक्ती दलाच्या नेतृत्वाखाली येथील प्रकल्पग्रस्तांनी जिल्हाधिकारी कार्यालयासमोर बेमुदत ठिय्या आंदोलन छेडले आहे. आज आंदोलनाचा तिसरा दिवस. कोयना प्रकल्पाला 60 वर्षे झाली पण चिपळूण येथील प्रकल्पग्रस्त शेतकर्‍यांच्या मागण्यांना शासन, प्रशासनस्तरावरूनही हरताळ फासला जात आहे, त्यामुळे हे आंदोलन सुरू करण्यात आले आहे.
कोयना प्रकल्पग्रस्त स्तर 3 अंतर्गंत संपादीत शासकीय ‘क’ पत्रकाप्रमाणे उर्वरित 87 प्रकल्पग्रस्तांना रत्नागिरी जिल्ह्यात शेतजमीन किंवा समाधानकारक आर्थिक पॅकेज मिळावे अशी मागणी आहे. कोयना प्रकल्पग्रस्त स्तर 4 अंतर्गंत संपादीत झालेल्या प्रकल्पग्रस्तांच्या जमिनी बाबत पर्यायी शेतजमीन किंवा आर्थिक पॅकेज जाहीर करण्यात यावे अशीही प्रमुख मागणी आहे.

कोयना पकल्पग्रस्त स्तर 3 प्रमाणे कोयना प्रकल्पस्तर 4 चे शासकीय ‘क’ पत्रक तयार करण्यात यावे. कोयना प्रकल्पस्तर 3 व 4 च्या प्रकल्पग्रस्तांना संपादीत जमिनीचे प्रकल्प दाखले (20 गुठे जमिनीचे ) अट न लावता देण्यात यावेत. तसेच कोयना प्रकल्पस्तर 3 व 4 करिता स्वतंत्र दोन पकल्पग्रस्त दाखले देण्यात यावेत अशा अनेक मागण्यांचा समावेश आहे. तसेच विस्थापितांच्या घरांसाठी 65% रक्कम भरुन घेण्याचा नियम असतानाही या विस्थापितांकडून रक्कम भरुन घेतली जात नाहीच पण शेती आणि रोजगार गमावलेल्या या प्रकल्पग्रस्ताना रोजगार हमी योजनेचीही कामे मिळत नसल्यामुळे हे प्रकल्पग्रस्त दैन्यावस्थेत आहेत . रत्नागिरी जिल्ह्यात पाच प्रकल्पातुन मिळून जवळपास साडेसहाशे विस्थापितांचे पुनर्वसन अजूनही झालेलं नसून त्यासाठी बेमुदत ठिय्या पुकारण्यात आला आहे..

Sharing is caring!

You may also like

Read More

post-image
महाराष्ट्र

जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन

मुंबई – आज बृहन्मुंबई महानगरपालिकेच्या सहकार्याने जीवनविद्या मिशनतर्फे वर्सोवा चौपाटीवर स्वच्छता अभियानाचे आयोजन करण्यात आले आहे. आज सकाळी आठ ते दुपारी १२ या वेळेत...
Read More
post-image
महाराष्ट्र

वसई-विरारमध्ये मुसळधार; अनेक रस्ते पाण्याखाली

मुंबई – मुंबई उपनगरासह परिसरात रात्रीपासून पावसाने दमदार हजेरी लावली आहे. या पावसामुळे अनेक ठिकाणी पाणी साचण्यास सुरुवात झाली आहे. तर काही ठिकाणी वाहतूककोंडी होण्यासही...
Read More
post-image
मुंबई

आरेतील स्थानिक आदिवासी समाजातर्फे वृक्षपूजनाच्या कार्यक्रमाचे आयोजन

मुंबई – मेट्रो कारशेडसाठी आरेमधील वृक्षतोडीला मुंबईकरांकडून तीव्र विरोध होत आहे. सोशल मीडियावरून जनतेकडून प्रचंड रोष व्यक्त करण्यात येत आहे. आरेतील स्थानिक आदिवासी समाजातर्फे, मेट्रो...
Read More
post-image
महाराष्ट्र राजकीय

भाजपावासी झाल्यानंतर उदयनराजेंचे साताऱ्यात जंगी स्वागत

सातारा – राष्ट्रवादीचे खासदार उदयनराजे भोसले यांनी भाजपात प्रवेश केल्यानंतर ते साताऱ्यात परतल्यावर त्यांच्या समर्थकांकडून त्यांचे जंगी स्वागत करण्यात आले. भाजपावासी झालेल्या राजेंचे स्वागत...
Read More
post-image
आघाडीच्या बातम्या क्रीडा

आजपासून भारत विरुद्ध दक्षिण आफ्रिका टी-20 मालिकेला प्रारंभ

धर्मशाला – यजमान भारत विरुद्ध द. आफ्रिका संघातील तीन सामन्यांच्या टी-20 मालिकेला आज याठिकाणी पहिल्या सामन्याने प्रारंभ होणार आहे. पुढील वर्षी ऑस्ट्रेलियात टी-20 विश्वचषक स्पर्धा...
Read More