मुख्यमंत्र्यांच्या सहमतीने १७६७ कोटींचा घोटाळा – कॉंग्रेस – eNavakal
आघाडीच्या बातम्या मंत्रालय महाराष्ट्र राजकीय

मुख्यमंत्र्यांच्या सहमतीने १७६७ कोटींचा घोटाळा – कॉंग्रेस

मुंबई  – नवी मुंबईतील रांजणपाडा गावातील सिडकोच्या अखत्यारीत असलेली मोक्याची 24 एकर जमीन खाजगी बिल्डरच्या घशात घातली गेली असून या व्यवहारात तब्बल सतराशे कोटींचा घोटाळा झाल्याचा आरोप आज काँग्रेसकडून करण्यात आला. नगरविकास विभाग मुखमंत्र्यांकडे असल्याने मुख्यमंत्री कार्यालयाचा यात थेट संबंध असल्याचा आरोप काँग्रेसच्यावतीने राष्ट्रीय प्रवक्ते रणदीप सुरजेवाला यांनी केला असून या सर्व व्यवहाराच्या न्यायालयीन चौकशीची मागणीही त्यांनी यावेळी केली.

सातारा जिल्ह्यातील कोयना प्रकल्पामुळे विस्थापित झालेल्या आठ शेतकरी कुटुंबांना 26 फेब्रुवारी 2018ला नवी मुंबईतील प्रस्तावित विमानतळाजवळ रांजणपाडा गावातील 24 एकर जमीन देण्यात आली. त्यानंतर अवघ्या तीन महिन्यांनंतर 14 मे 2018 रोजी ही जमीन पॅराडाईज बिल्डर या प्रकल्पग्रस्त कुटुंबियांकडून खरेदी करतो. विशेष म्हणजे कोटयावधी रुपये किंमतीची ही जमीन 15 लाख रुपये प्रति एकर या कवडीमोल भावाने खरेदी केली जाते. आजच्या बाजारभावाने या जमिनीची किंमत 1767 कोटी एवढी होत असून ही जमीन पॅराडाईज बिल्डरचे मनीष भतीजा आणि संजय भालेराव अवघ्या तीन करोड साठ लाखांना खरेदी करतात. हा सगळा व्यवहार संशयास्पद असून यात सरकारच्या महसुलाचे कोट्यवधीचे नुकसान झाल्याची टीका आज काँग्रेसचे राष्ट्रीय प्रवक्ते रणदीप सुरजेवाला यांनी केली. त्याचबरोबर या संपूर्ण प्रकरणाच्या न्यायालयीन चौकशीची मागणीही त्यांनी केली. महाराष्ट्राच्या ‘क्लीन चिट’ मुख्यमंत्र्यानी या भ्रष्टाचाराबाबत उत्तर द्यावे, असेही ते म्हणाले.

सिडकोच्या अखत्यारीत असलेली जमीन थेट धरण प्रकल्पग्रस्तांना देणे, नंतर तीन महिन्यांनी छोटी किंमत देऊन खाजगी विकासकाने जमीन अक्षरशः गिळंकृत करणे, एका दिवसांत सगळा व्यवहार होणे यावरून मोठा भ्रष्टाचार झाल्याचे स्पष्ट होत आहे, असे माजी मुख्यमंत्री पृथ्वीराज चव्हाण म्हणाले. तसेच मीही नगरविकास खाते सांभाळले असून एवढा मोठा व्यवहार राजाश्रयाशिवाय होऊ शकत नाही, असे म्हणून त्यांनी थेट मुख्यमंत्र्यांकडे अंगुलीनिर्देश केला. या प्रकारावर काँग्रेस मुखमंत्र्यांना सभागृहात जाब विचारेल, असे चव्हाण म्हणाले. यावेळी मुंबई काँग्रेसचे अध्यक्ष संजय निरुपम उपस्थित होते.

Sharing is caring!

You may also like

Read More

post-image
आरोग्य देश

बिहारमध्ये मेंदूज्वरामुळे १३२ जणांचा बळी

पाटणा – बिहारमध्ये मेंदूज्वर तापाचा कहर अद्यापही सुरुच असून यामुळे मृतांची संख्या १३२ वर पोहोचली आहे. तसेच इतर रुग्णालयांमध्ये उपचारांविना मृत्यू झालेल्या मुलांची आकडेवारीही अद्याप...
Read More
post-image
महाराष्ट्र

पाणीप्रश्नावरून विधानसभेत गदारोळ! १५ मिनिटे तहकूब

मुंबई – अधिवेशनाचा चौथ्या दिवशी आज विधानसभेत पाणीप्रश्नावरून प्रचंड गदारोळ झाला असून विरोधक आक्रमक झाले आहेत. त्यामुळे विधानसभेचे कामकाज १५ मिनिटांसाठी तहकूब करण्यात आले...
Read More
post-image
आघाडीच्या बातम्या महाराष्ट्र मुंबई हवामान

दक्षिण कोकणात मान्सूनचे आगमन

मुंबई – राज्यभरात मान्सूनपूर्व पावसाच्या सरी कोसळत असल्या तरी जनता मान्सूनच्या आगमनाची आतुरतेने वाट पाहत होती. त्यामुळे जनतेला आता दिलासा मिळाला आहे. कारण मान्सून...
Read More
post-image
आघाडीच्या बातम्या मनोरंजन

बिग बॉस मराठी २ : शिव VS पराग आणि नेहा

मुंबई – बिग बॉस मराठीच्या घरात सुरू असलेल्या एक डाव धोबीपछाड या साप्ताहिक कार्यात बरीच भांडणंं, वाद विवाद, आरोप–प्रत्यारोप सुरू आहेत. या टास्कमध्ये जिंकण्यासाठी बिग बॉस...
Read More
post-image
देश

लखनऊत वर्‍हाडाची गाडी कोसळली! २२ जणांना वाचवले, ७ मुले बेपत्ता

लखनऊ – उत्तर प्रदेशची राजधानी लखनऊमध्ये आज सकाळी लग्नातून परतणाऱ्या वर्‍हाडाच्या गाडीला भीषण अपघात झाला. ही गाडी इंदिरा कालव्‍यात कोसळली. या गाडीत एकूण २९ वर्‍हाडी होते. त्यापैकी...
Read More