मुंबई महानगरात रिक्षा-टॅक्सीचा प्रवास ३ रुपयांनी महागला – eNavakal
आघाडीच्या बातम्या महाराष्ट्र मुंबई वाहतूक

मुंबई महानगरात रिक्षा-टॅक्सीचा प्रवास ३ रुपयांनी महागला

मुंबई – पेट्रोल-डिझेलच्या वाढत्या किंमतींनी सर्वसामान्यांचे कंबरडे मोडलेले असतानाच मुंबईसह संपूर्ण मुंबई महानगर प्रदेशात रिक्षा आणि टॅक्सी भाडेवाढ करण्यास राज्य सरकारकडून ग्रीन सिग्नल देण्यात आला आहे. त्यानुसार मुंबई महानगरात १ मार्चपासून काळ्या-पिवळ्या रिक्षा-टॅक्सींच्या भाड्यात किमान तीन रुपयांनी वाढ करण्याचा निर्णय मुंबई महानगर प्रदेश परिवहन प्राधिकरणाने सोमवारी घेतला. सध्या रिक्षाचे भाडे १८ रुपये असून नवीन भाडेदरामुळे ते २१ रुपये, तर टॅक्सीचे भाडे २२ रुपयांवरून २५ रुपये होईल. मुंबई महानगरातील ज्या भागांत मीटर रिक्षा आणि टॅक्सी धावतात (मुंबई, ठाणे, नवी मुंबई, वसई-विरार, कल्याण-डोंबिवलीसह अन्य भागांमध्ये) तिथे १ मार्चपासून ही वाढ लागू असेल. कोरोना संकटकाळात रोजगार, उत्पन्न आक्रसले असताना प्रवाशांना भाडेवाढीचा हा भार सोसावा लागणार आहे.

खटुआ समितीच्या शिफारशीनुसार वर्षांतून एकदा जूनच्या पहिल्या तारखेस भाडेदरात सुधारणा करावी. प्रति किलोमीटर मूळ दरात ५० पैसे किंवा ५० पैशांपेक्षा जास्त वाढ देय असल्यास भाडे सुधारणा लागू करावी, असाही निर्णय घेण्यात आला आहे. दरम्यान, लॉकडाऊनच्या सुरुवातीच्या सहा महिन्यांत चालकांचे उत्पन्न बुडाले. त्यामुळे प्रत्येक महिन्यात प्रत्येक चालकाला किमान दहा हजार रुपये आर्थिक मदत करावी आणि रिक्षांसाठी घेतलेले कर्ज व्याजासह माफ करावे ही प्रमुख मागणी केली होती. परंतु सरकारने यातून पळवाट काढून आर्थिक मदत देणे टाळले व भाडेवाढ दिली. कोरोनाकाळात अनेकांच्या नोकऱ्या गेल्या व वेतनही कमी झाले. अशावेळी भाडेवाढ करुन सरकारने प्रवाशांचीही नाराजी ओढवून घेतली आहे. प्रवासी कमी होण्याची चालकांनाही भीती आहे. शासनाच्या या निर्णयाचा निषेध करत आहोत. आर्थिक मदत व कर्जमाफीसाठी रिक्षा चालकांकडून निवेदन मागवून ते शासनाला सादर करणार आहोत, असे मुंबई ऑटोरिक्षा टॅक्सीमेन्स युनियनचे अध्यक्ष शशांक राव यांनी म्हटले आहे.

तसेच रिक्षा व टॅक्सीची भाडेवाढ मागे घेण्याची मागणी भाजपने केली असून ते न झाल्यास आंदोलन करण्याचा इशारा मुंबई भाजप प्रभारी आमदार अतुल भातखळकर यांनी सोमवारी सरकारला दिला. कोरोनामुळे आर्थिक अडचणीत सापडलेल्या सामान्य मुंबईकरांवर आर्थिक बोजा टाकण्याचे काम ठाकरे सरकारने केले आहे, असे भातखळकर यांनी म्हटले आहे.

काळी-पिवळी टॅक्सी दर (सीएनजी)

किमान भाडे – सध्याचे दर२२ रु. वाढीव दर : २५ रु. वाढ : ३ रु.
प्रति किमी – सध्याचे दर१४.८४ रु. वाढीव दर : १६.९३ रु. वाढ : २.०९ रु.

काळी-पिवळी रिक्षा दर (सीएनजी)

किमान भाडे – सध्याचे दर१८ रु. वाढीव दर : २१ रु. वाढ : ३ रु.
प्रति किमी – सध्याचे दर१२.१९ रु. वाढीव दर : १४.२० रु. वाढ : २.०१ रु.

Sharing is caring!

Leave a Comment

Your email address will not be published.

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
महाराष्ट्र राजकीय

संजय राठोड अखेर १५ दिवसांनी सर्वांसमोर

वाशिम – पूजा चव्हाण कथित आत्महत्या प्रकरणावरुन गेल्या काही दिवसांपासून राज्यात राजकीय वातावरण तापले असून आरोप-प्रत्यारोपाच्या फैरी झाडल्या जात आहे. या आत्महत्या प्रकरणामुळे चर्चेत...
Read More
post-image
आघाडीच्या बातम्या महाराष्ट्र शिक्षण संपादकीय

शिक्षणमंत्री वर्षा गायकवाड तुम्ही झोपलायत का? – जयश्री खाडिलकर-पांडे

23 एप्रिलपासून बारावी आणि 29 एप्रिलपासून दहावी इयत्तेच्या बोर्डाच्या परीक्षा सुरू होतील, असे वेळापत्रक जाहीर करून शिक्षणमंत्री वर्षा गायकवाड चक्क झोपी गेल्या आहेत. या...
Read More
post-image
आघाडीच्या बातम्या कोरोना देश

24 तासांत 10,584 नवे रुग्ण! देशातील कोरोनाबाधितांची संख्या 1,10,16,434 वर

नवी दिल्ली – राज्यात कोरोना परिस्थितीबाबत चिंता वाढत असतानाच आता देशभरातही कोरोनाचे रुग्ण झपाट्याने वाढत आहेत. देशात मागील 24 तासांत 10,584 नव्या कोरोना रुग्णांची...
Read More
post-image
महाराष्ट्र राजकीय

ठाण्याचे माजी महापौर अनंत तरे यांचे निधन

ठाणे – शिवसेनेचे नेते, ठाण्याचे माजी महापौर, माजी आमदार आणि कोळी समाजाचे ज्येष्ठ नेते अनंत तरे यांचे सोमवारी ठाण्यातील ज्युपिटर रुग्णालयात निधन झाले. ते...
Read More
post-image
आघाडीच्या बातम्या कोरोना महाराष्ट्र

लातूरमधील एकाच वसतीगृहात 40 विद्यार्थ्यांना कोरोनाची लागण

लातूर – राज्यातील कोरोनाबाधितांची संख्या पुन्हा एकदा झपाट्याने वाढू लागली आहे. त्यामुळे सर्वत्र चिंता व्यक्त केली जात आहे. त्यातच लातूर शहरात एकाच वसतीगृहात 40...
Read More