मुंबईच्या लोकल मोटरमनचा संप तूर्तास स्थगित – eNavakal
आघाडीच्या बातम्या मुंबई

मुंबईच्या लोकल मोटरमनचा संप तूर्तास स्थगित

मुंबई – आज सकाळपासून मध्य रेल्वेच्या मोटरमननी आंदोलन सुरू केले. आम्ही ओव्हरटाईम करणार नाही, असे मोटरमन संघटनेने ठामपणे सांगितले. यामुळे मध्य रेल्वे लोकलचे वेळापत्रक कोसळले. दुपारी आणि सायंकाळी मोटरमन संघटना आणि रेल्वे प्रशासनाची बैठक झाली, मात्र या बैठका फिसकटल्या. त्यानंतर पुन्हा बैठक घेण्यात आली. जवळपास 2 तास चाललेल्या बैठकीत ऑक्टोबर अखेरपर्यंत 50 नवीन मोटरमनची भरती करण्याचे, सिग्नल ओलांडल्यावर होणार्‍या शिक्षा शिथिल करण्याचे आश्वासन रेल्वे अधिकार्‍यांनी मोटरमनना दिले. त्यानंतर संप मागे घेण्याचा निर्णय मध्य रेल्वेच्या मोटरमनांनी घेतला.

मध्य रेल्वेच्या मोटरमनच्या रिक्त असलेल्या 230 जागा त्वरित भराव्यात, सिग्नल ओलांडल्यास सेवेतून कमी करण्याची शिक्षा रद्द करणे या मोटरमनच्या प्रमुख मागण्या आहेत. त्यासाठी मोटरमनने ओव्हरटाईम न करता केवळ नियमित काम करण्याचा पवित्रा घेतला होता. मुंबर्ईतील लोकलच्या मोटरमनच्या मागण्या अत्यंत रास्त आहेत. त्यांनी वेळोवेळी या मागण्या रेल्वे प्रशासनापुढे ठेवल्या. मात्र प्रशासन मुद्दाम या मागण्यांकडे दुर्लक्ष करीत आहे. यापूर्वीही याच मागण्यांसाठी मोटरमननी दोनदा आंदोलने केली. मात्र त्यांच्या आंदोलनामुळे लोकल सेवा विस्कळीत झाल्याने प्रवाशांनी त्यांनाच मारहाण केली. परिणामी आपल्या मागण्यांसाठी आपण आंदोलन केले तर प्रवासी मारतात आणि आंदोलन केले नाही तर प्रशासन दुर्लक्ष करते. या कात्रीत मोटरमन सापडले असून रेल्वे प्रशासन याचा गैरफायदा घेत आहे. मोटरमनच्या रास्त मागण्या असून त्यावर तोडगा का काढला जात नाही, असा सवाल विचारला जात आहे.

मोटरमन यांच्या मागण्यांवर तोडगा काढण्यासाठी रेल्वे प्रशासन आणि मोटरमन यांच्या दुपारपासून सायंकाळपर्यंत दोन बैठका झाल्या. मात्र त्या बैठकाही निष्फळ ठरल्या. अखेर रात्री झालेल्या बैठकीत तोडगा निघाला. रेल्वे प्रशासनाने ऑक्टोबर अखेर पर्यंत 50 नवीन मोटरमन भरण्याचे आश्वासन यावेळी दिले. तसेच सिग्नल ओलांडल्यावर होणार्‍या शिक्षा शिथिल करण्याचा निर्णय घेतला. मोटरमनने आपला संप मागे घेतला असला तरी ठाणे स्थानकावर या संपाचा परिणाम जाणवला. ठाणे स्थानकावर तब्बल पाऊण ते एक तास लोकल उशिरा धावत असल्याने संतप्त प्रवाशांनी स्टेशन मास्तरांना घेराव घातला. तसेच पंचवटी एक्स्प्रेस रोखण्याचा प्रयत्नही केला. यामुळे काही काळ तणाव निर्माण झाला होता.

दरम्यान, जेव्हा जेव्हा मोटरमन संप पुकारला तेव्हा तेव्हा नवाकाळ खंबीरपणे त्यांच्या पाठिशी उभा राहिला आहे. आजच्या संपालाही नवाकाळने पाठिंबा दिला होता. मोटरमनला त्रास देऊन त्यांचे मानसिक खच्चिकरण प्रशासन करीत आहे. आताही 50 जागा भरण्याचे रेल्वे प्रशासनाने म्हटले आहे, मात्र त्या कधी भरल्या जातील याबाबत कोणतेही ठोस आश्वासन देण्यात आलेले नाही. मोटरमनच्या मागण्यांवर त्वरित कार्यवाही करावी, अशी मागणी ‘नवाकाळ’ने केली आहे.

Sharing is caring!

You may also like

Read More

post-image
मुंबई

ठाणे विभागात वर्षभरात शिवशाहीचे 26 अपघात

ठाणे- प्रवाशांना वाजवी दरात वातानुकुलित आणि आरामदायी प्रवासाची सुविधा देण्यासाठी एसटी प्रशासनाने शिवशाही बस आणल्या तरी एसटीच्या ठाणे विभागातील शिवशाही बसचे वर्षभरात 26 अपघात...
Read More
post-image
महाराष्ट्र

सोलापुरात एमआयएमचा मूकमोर्चा आणि धरणे आंदोलन

सोलापूर – गोपालसिंह समिती, सल्पर समिती, रंगनाथ मिश्रा आयोगाने मुस्लिमांना आरक्षण देण्याच्या शिफारसी केल्या होत्या. मात्र त्या शिफारशींची अंमलबजावणी झाली नाही. या शिफारशींची अंमलबजावणी व्हावी...
Read More
post-image
आघाडीच्या बातम्या लेख

(वृत्तविहार) नव्या गव्हर्नरांचा कस लागणार

रिझर्व्ह बँकेचे नवे गव्हर्नर म्हणून शक्तीकांता दास यांची तातडीने निवड केली गेली. कारण पुढच्या आठवड्यात रिझर्व्ह बँकेची महत्वाची बैठक होणार आहे त्यापूर्वी रिझर्व्ह बँकेचा...
Read More
post-image
महाराष्ट्र

पुण्यात आशियाई चित्रपट महोत्सव 24 डिसेंबरपासून सुरू होणार

पुणे- ‘आशय फिल्म क्लब’च्या वतीने आयोजित केलेल्या नववा आशियाई चित्रपट महोत्सव 24 डिसेंबरपासून पुण्यात सुरू होणार आहे. 15 आशियाई देशांमधील 40 पेक्षा जास्त चित्रपटांचा...
Read More