मियोमीरला नमवून रॉनिक उपांत्य फेरीत – eNavakal
News क्रीडा विदेश

मियोमीरला नमवून रॉनिक उपांत्य फेरीत

इंडियान वेल्स – कॅनडाच्या मिलॉस रॉनिकने सर्बियाच्या मियोमीर केसमा ओनिचचा सरळ दोन सेटमध्ये पराभव करून इंडियाना वेल्स आंतरराष्ट्रीय मास्टर्स टेनिस स्पर्धेची पुरुष एकेरीची उपांत्य फेरी गाठली. रॉनिकने ही लढत सरळ दोन सेटमध्ये 6-4, 6-3 अशी आरामात जिंकली. अवघ्या 72 मिनिटांत रॉनिकने 19 वर्षीय मियोमीरला सहज नमवले. यंदाच्या वर्षातील पहिल्या ब्रिस्बेन आंतरराष्ट्रीय टेनिस स्पर्धेतदेखील रॉनिकने मियोमीरला पराभूत केले होते.
इंडियाना वेल्स स्पर्धेत रॉनिकच्या तुफानी खेळासमोर मियोमीरला काही करता आले नाही. दोन्ही सेटमध्ये रॉनिकने घेतलेली आघाडी शेवटपर्यंत कायम राखली. त्याने प्रभावी फोरहॅन्ड, बॅकहॅन्ड फटक्यांचा छान वापर केला. 13 बिनतोड सर्व्हिसदेखील रॉनिकने केल्या. आता त्याचा मुकाबला डॉमनिक थिएमशी होईल. डॉमनिकचा प्रतिस्पर्धी फ्रान्सचा गाईल मॉनसिलसने दुखापतीमुळे या सामन्यातून माघार घेतली. त्यामुळे डॉमनिकला सामना न खेळताच उपांत्य फेरीत प्रवेश करता आला. गेले काही महिने गाईलला पायाच्या दुखापतीने त्रस्त केले आहे. सामन्यापूर्वी सराव करताना पुन्हा एकदा गाईलच्या या दुखापतीने उचल खाल्ल्यामुळे त्याने सामना न खेळण्याचा निर्णय घेतला.
यंदाच्या एटीपी स्पर्धेत मॉनसिलिसने सर्वाधिक 15 विजय नोंदविले आहेत. रॉनिक आणि डॉमनिक यांच्यात आतापर्यंत दोन लढती झाल्या. त्या दोन्ही लढती रॉनिकने जिंकल्या आहेत. 2016 नंतर पुन्हा एकदा हे दोघे आमनेसामने येत आहेत. रॉनिकने यंदाच्या वर्षातील पहिली ब्रिस्बेन आंतरराष्ट्रीय टेनिस स्पर्धा जिंकली होती.
महिला विभागात स्वीस संघाच्या ब्लेंडाने 5 वे मानांकन देण्यात आलेल्या कॅरोलिनाचा पराभव करून उपांत्य फेरीत प्रवेश केला. ब्लेंडाने ही लढत 6-3, 4-6, 6-3 अशी जिंकली. याअगोदर तिने जागतिक क्रमवारीत प्रथम क्रमांकावर असलेल्या ओकासाचादेखील पराभव केला होता. आणखी एका सामन्यात जर्मनीच्या कर्बरने 7 ग्रँडस्लॅम स्पर्धा जिंकणार्‍या व्हिनस विल्यम्सला
चकित केले.

Sharing is caring!

You may also like

Read More

post-image
आघाडीच्या बातम्या देश संपादकीय

(संपादकीय) लोकसभा निवडणुकीचे भवितव्य ‘ईव्हीएम मशीन’च्या हाती

लोकसभा निवडणुकीचे निकाल लागत असताना देशभरातील तब्बल 21 विरोधी पक्षांनी ईव्हीएम मशिनविरोधात दाखल केलेली याचिका सर्वोच्च न्यायालयाने फेटाळून लावली त्याची कारणे काहीही असतील. तरीसुध्दा...
Read More
post-image
News महाराष्ट्र

बदलापूरजवळ बिबट्या मृतावस्थेत आढळला

बदलापूर – बदलापूरपासून आठ किलोमीटर लांब असलेल्या ढवळे गावाच्या मागील वनविभागाच्या हद्दीत एक बिबट्या झुडपात मृतावस्थेत आढळल्याचा प्रकार आज समोर आला आहे. या बिबट्याचा...
Read More
post-image
News महाराष्ट्र

चार्‍याच्या भाववाढीमुळे पशुपालक शेतकर्‍यांचे आर्थिक गणित कोलमडले

येवला – बळीराजाचे आयुष्यच शेतीशी निगडित असल्याने पावसाच्या कृपेवर आर्थिक गणित अवलंबून असते दुष्काळी परिस्थितीमुळे तालुक्यात पिण्याचा पाण्यासोबतच चार्‍याचा प्रश्नही गंभीर झाला आहे हिरव्या...
Read More
post-image
News महाराष्ट्र

रायगड जिल्ह्यात कर्नाटक हापुसचे आक्रमण! स्थानिक बागायतदारांचे नुकसान

मुरुड-जंजिरा – कोकणातील हापुस आंबा आणि त्याची चव प्रसिद्ध आहे. त्या नावाखाली रायगड जिल्ह्यात काही मंडळींनी कर्नाटक हापुस आंबे टनावारी आणले आहेत. यामध्ये रायगडातील...
Read More
post-image
News मुंबई

कांदिवलीत गाडी पार्किंगचा रॅम्प कोसळल्याने 6 वर्षांच्या मुलाचा मृत्यू

मुंबई- गाडी पार्किंगचा रॅम्प अचानक कोसळल्याने त्याखाली चिरडून सहा वर्षांच्या मुलाचा मृत्यू झाल्याचा धक्कादायक प्रकार आज कांदिवली परिसरात घडला असून त्यामुळे सर्वत्र खळबळ उडाली...
Read More