माहीम येथे वयोवृद्धाच्या घरी साडेआठ लाखांची घरफोडी – eNavakal
News गुन्हे मुंबई

माहीम येथे वयोवृद्धाच्या घरी साडेआठ लाखांची घरफोडी

मुंबई- माहीम येथे वयोवृद्धाच्या घरी साडेआठ लाख रुपयांची घरफोडी करणार्‍या एका टोळीचा माहीम पोलिसांनी पर्दाफाश करुन तीन आरोपींना अटक केली. त्यात एका अल्पवयीन मुलाचा समावेश असून त्याला डोंगरी बालसुधारगृहात पाठविण्यात आले आहे. इतर दोन आरोपींमध्ये कार्तिक क्रिष्णा कौंडर आणि सुभाष सेल्वम देवेंद्र यांचा समावेश असून अटकेनंतर या दोघांनाही वांद्रे येथील लोकल कोर्टात हजर करण्यात आले होते, यावेळी कोर्टाने त्यांना सोमवार 18 मार्चपर्यंत पोलीस कोठडी सुनावली आहे. निलंकठ भगवंत राय (62) हे वयोवृद्ध माहीम येथील वीर सावरकर मार्ग, हिंदुजा हॉस्पिटलजवळील सिल्व्हर सँड अपार्टमेंटच्या दुसर्‍या मजल्यावर त्यांच्या कुटुंबियांसोबत राहतात. 4 मार्चला ते त्यांच्या घरात झोपले होते, यावेळी रात्री साडेअकरा ते सकाळी साडेसहाच्या सुमारास त्यांच्या घरातील बेडरुममध्ये काही अज्ञात चोरट्यांनी प्रवेश केला होता. कपाटातील कॅश, सोन्याचे दागिने, मनगटी घड्याळ आणि इतर मौल्यवान वस्तू असा सुमारे साडेआठ लाख रुपयांचा ऐवज या चोरट्यांनी पळवून नेला होता. सकाळी हा प्रकार निलंकळ राय यांच्या लक्षात येताच त्यांना धक्काच बसला होता. त्यानंतर त्यांनी माहीम पोलिसांना ही माहिती दिली होती. त्यांच्या तक्रारीवरुन माहीम पोलिसांनी अज्ञात चोरट्यांविरुद्ध 454 457, 380, 34 भादवी कलमांतर्गत गुन्हा नोंदवून आरोपींचा शोध सुरु केला होता. ही शोधमोहीम सुरु असातनाच मंगळवारी माहीम रेल्वे स्थानक परिसरात संशयास्पद फिरणार्‍या तीन तरुणांना पोलिसांनी चौकशीसाठी ताब्यात घेतले होते. चौकशीत त्यांचा या घरफोडीच्या गुन्ह्यांत सहभाग उघडकीस आला होता. त्यानंतर या तिघांनाही पोलिसांनी अटक केली. यातील एक तरुण सतरा वर्ष दहा महिन्यांचा असल्याने त्याला डोंगरी बालसुधारगृहात पाठविण्यात आले तर इतर दोघांनाही न्यायालयाने चार दिवसांची पोलीस कोठडी सुनावली आहे.

Sharing is caring!

You may also like

Read More

post-image
मनोरंजन

#Bond25 लशाना साकारणार ‘AGENT 007’

किंग्स्टन – जगप्रसिद्ध बॉन्ड सिरीजचा २५ वा चित्रपट लवकरच प्रेक्षकांच्या भेटीला येणार आहे. या चित्रपटात ‘सीक्रेट एजंट ००७’ ही अतिशय गाजलेली भूमिका यावेळी कोणी अभिनेता नाही तर एक...
Read More
post-image
देश मुंबई

कर्नाटकच्या बंडखोर आमदारावर मुंबईत उपचार

मुंबई – कर्नाटक विधानसभेत विश्वासदर्शक ठरावावरील चर्चेस सुरुवात झाली आहे. मात्र बंडखोर आमदार यावेळी उपस्थित नसल्याने कुमारस्वामी सरकारवरील संकट कायम आहे. त्यातच मुंबईत असलेले कॉंग्रेसचे बंडखोर...
Read More
post-image
महाराष्ट्र

आंबेनळी घाट बस दुर्घटनेचा तपास थांबण्याची पोलिसांची मागणी

रत्नागिरी – पोलादपूरजवळच्या आंबेनळी घाटात बस कोसळली होती. या दुर्घटनेच्या वर्षभरानंतरही पोलिसांच्या हाती ठोस काहीच लागलेले नाही. त्यामुळे रायगड पोलिसांनी न्यायालयात याप्रकरणाचा तपास थांबविण्याची परवानगी...
Read More
post-image
आघाडीच्या बातम्या महाराष्ट्र

राज्यात आजपासून पाऊस पुन्हा जोर धरणार

मुंबई – जुलै महिन्याच्या दुसऱ्या आठवड्यापर्यंत राज्यात सर्वदूर पावसाने हजेरी लावली होती. मात्र सध्या आठवडाभरापासून कोकण वगळता इतर भागांत पावसाने काहीशी विश्रांती घेतली आहे. परंतु आजपासून राज्यात पाऊस...
Read More
post-image
मनोरंजन

‘राधिका आपटेचा बोल्ड सीन’ अशीच चर्चा का?

मुंबई – आपल्या बोल्ड अदांनी चाहत्यांना भुरळ घालणारी मराठमोळी अभिनेत्री राधिका आपटे लवकरच स्लमडॉग मिलिनिअर फेम देव पटेल याच्यासह ‘द वेडिंग गेस्ट’ चित्रपटातून प्रेक्षकांच्या भेटीला...
Read More