मानखुर्दच्या चर्च आणि स्मशानभूमीतून जाणार मुंबई ‘मेट्रो-2 बी’चा मार्ग – eNavakal
मुंबई वाहतूक

मानखुर्दच्या चर्च आणि स्मशानभूमीतून जाणार मुंबई ‘मेट्रो-2 बी’चा मार्ग

मुंबई – मुंबई ‘मेट्रो-2बी’चा मार्ग मानखुर्दमधील ऐतिहासिक चर्च आणि स्मशानभूमीतून नेण्याचा नवा प्रस्ताव असून या प्रस्तावाला स्थानिक ख्रिश्चन बांधवांनी तीव्र विरोध दर्शविला आहे. आमच्या धार्मिक आणि पारंपरिक वास्तूवर मेट्रोसाठी गदा आणली तर आम्ही शांत बसणार नाही, तीव्र आंदोलन छेडू, असा इशाराच स्थानिक ख्रिश्चन बांधवांनी दिला आहे.

मानखुर्द पूर्वेला 16व्या शतकातील सेंट अँथोनी चर्च आणि त्याच्या बाजूलाच ख्रिश्चन बांधवांची स्मशानभूमीसुद्धा आहे. हा परिसर मानखुर्द गावठाण म्हणून ओळखला जातो. या ठिकाणी ख्रिश्चन बांधवासह सर्वधार्मिय कुटुंबे राहतात. त्यात मराठी कुटुंबेही आहेत, या सर्वच कुटुंबांना आणि चर्चला व स्मशानभूमीला हटविण्याचा डाव एमएमआरडीएने रचला असल्याचा आरोप होत आहे.

मुंबई ‘मेट्रो-2 बी’च्या मार्गाचा मूळ आराखडा कुणालाही बाधित न करणारा आहे. चर्चपासून काही अंतर दूरवरून तो जाणारा आहे. तरीही इथल्या सर्व स्थानिकांना बेघर करणारा, जाचक असा नव्या आराखड्याचा प्रस्ताव पुढे रेटला जात आहे. या नव्या आराखड्याला सेंट अँथोनी चर्चचे फादर रूई कोमेलो यांनी तीव्र विरोध करीत हा प्रस्ताव मागे घेण्यात यावा, अशी मागणी थेट मुख्यमंत्री देवेंद्र फडणवीस आणि एमएमआरडीएचे सहाय्यक आयुक्त समीर कुर्तकोटी यांच्याकडे लेखी निवदेनाद्वारे केली आहे. त्यांनी निवेदनात म्हटले आहे की, मुंबईसाठी ऐतिहासिक वारसा असणार्‍या चर्च आणि कॅथॉलिक स्मशानभूमीतून मुंबई ‘मेट्रो-2बी’चा मार्ग नेण्याचा प्रयत्न केला, तर आम्ही गप्प बसणार नाही. या ठिकाणी सहकारी मंडळी, ज्येष्ठ नागरिक आहेत. 80 ते 90 वर्षांचे वय असणार्‍या या मंडळींना आपण बेघर होण्याच्या भीतीने मानसिक धक्का बसला आहे. तसेच पर्यायी जागा असतानाही स्थानिक नागरिकांना विनाकारण त्रास देण्याचा हा प्रयत्न असून स्थानिक लोकप्रतिनिधीही याकडे कानाडोळा करताना दिसत असल्याने नागरिकांमध्ये उलटसुलट चर्चा सुरू आहे.

Sharing is caring!

You may also like

Read More

post-image
News मुंबई

रासायनीक रंगामुळे सात जणांना बाधा

मुंबई- घाटकोपरमध्ये विषारी रासायनीक रंगामुळे सात जणांना बाधा झाल्याची घटना घडली. या सर्वांना महापालिकेच्या राजावाडी रुग्णालयात उपचारार्थ दाखल करण्यात आले आहे. विषारी रासायनिक रंगाचा...
Read More
post-image
News अपघात मुंबई

गोरेगावमध्ये कारच्या धडकेत 4 वर्षांच्या मुलाचा मृत्यू

मुंबई – गोरेगाव येथे एका कारच्या धडकेने अरहान रमजान खान या चार वर्षांच्या मुलाचा मृत्यू झाला. याप्रकरणी आरे पोलिसांनी हलगर्जीपणाने कार चालवून एका चार...
Read More
post-image
News महाराष्ट्र

बिबट्याच्या तीन बछड्यांचा मृत्यू

दिंडोरी – नाशिक जिल्ह्यातील दिंडोरी तालुक्यातील परमोरी शिवारात बिबट्याच्या तीन बछड्यांचा मृत्यू झाल्याची धक्कादायक घटना समोर आली आहे. यामध्ये दोन मादी आणि एका नर...
Read More
post-image
News महाराष्ट्र

वसईच्या कळंब समुद्रात 5 जणांना जलसमाधी

वसई – वसई तालुक्याच्या कळंब समुद्रकिनारीवर होळी- रंगपंचमी साजरी करण्यासाठी आलेल्या पाच जणांचा समुद्रात बुडून मृत्यू झाला आहे. ही घटना आज दुपारी घडली. एकाचा मृतदेह...
Read More
post-image
News महाराष्ट्र

बांदिवडेकरांची उमेदवारी वादाच्या भोवर्‍यात

रत्नागिरी – ररत्नागिरी-सिंधुदुर्ग लोकसभा मतदारसंघातून काँग्रेसच्या तिकीटावर निवडणूक लढवणार्‍या नविनचंद्र बांदिवडेकर यांच्या उमेदवारीवर प्रश्नचिन्ह निर्माण झाले आहे. नालासोपारा शस्त्रसाठा प्रकरणातील आरोपी असलेल्या वैभव राऊतला...
Read More