माझ्या प्रश्‍नांची पंतप्रधानांनी उत्तरे द्यावीत! राहुल गांधींंनी लगावला टोला – eNavakal
देश राजकीय

माझ्या प्रश्‍नांची पंतप्रधानांनी उत्तरे द्यावीत! राहुल गांधींंनी लगावला टोला

नवी दिल्ली – पंतप्रधान नरेंद्र मोदी यांनी पाच वर्षांमध्ये प्रथमच पत्रकार परिषद घेतली. ही अभूतपूर्व घटना आहे. त्यांनी आधी मी उपस्थित केलेल्या प्रश्नांची उत्तर द्यावीत, असा टोला काँग्रेस अध्यक्ष राहुल गांधी यांनी लगावला. लोकसभा निवडणूक निकालांच्या 4 ते 5 दिवस आधी पंतप्रधान नरेंद्र मोदी पत्रकार परिषद घेत असल्याबद्दल राहुल गांधी यांनी आश्‍चर्यही व्यक्त केले. काँग्रेस मुख्यालयात आयोजित केलेल्या पत्रकार परिषदेत राहुल गांधी बोलत होते.
नोटाबंदी, राफेल घोटाळा, जीएसटी, बेरोजगारी, अनिल अंबानी याप्रकरणी मी उपस्थित केलेल्या प्रश्नांची पंतप्रधान मोदी यांनी उत्तरे द्यावीत. पंतप्रधान मोदी यांची विचारसरणी महात्मा गांधींनी दाखवलेल्या अहिंसेच्या मार्गाची नसून, हिंसेची आहे, अशी बोचरी टीका राहुल गांधी यांनी केली.  पंतप्रधान मोदी यांच्या निर्देशाप्रमाणे निवडणूक आयोगाने काम केले. निवडणूक आयोगाने पक्षपाती केल्याचा आरोप राहुल गांधी यांनी केला. पंतप्रधान मोदी यांनी माझ्यावर कितीही टीका केली, नकारात्मक गोष्टी पसरवल्या, तरी मी केवळ त्यांना प्रेम देत राहीन. पंतप्रधान मोदी यांच्या कुटुंबीयांपैकी कुणीही राजकारणात नाही. मी त्यांच्याबाबत काहीही बोलणार नाही. मात्र, त्यांना जर माझ्या कुटुंबियांबद्दल बोलायचे असेल, तर तो त्यांचा प्रश्न आहे, असेही राहुल गांधी म्हणाले.  पंतप्रधान नरेंद्र मोदी आणि भारतीय जनता पक्षाकडे पैशाची कमतरता नाही. त्यांच्याकडे पैसा असला, तरी आमच्याकडे सत्य आहे आणि सत्याचा विजय निश्चित आहे, असा विश्वासही त्यांनी व्यक्त केला. या लोकसभा निवडणुकीत काँग्रेस पक्षाने आणि काँग्रेस पक्षांच्या नेत्यांनी चांगले काम केले. भाजपकडून केला जाणार भ्रष्टाचार आम्ही जनतेसमोर आणला. अनेक मुद्द्यांवरून पंतप्रधान मोदी आणि भाजपला कोंडीत पकडले. 23 मे रोजी जाहीर होणार्‍या निकालानंतर कोणाची सत्ता स्थापन होईल, याचे चित्र स्पष्ट होईल, असे राहुल गांधी यांनी सांगितले.

Sharing is caring!

You may also like

Read More

post-image
News महाराष्ट्र राजकीय

बीडमध्ये काकांच्या कारभारावर पुतण्याचा बॅनरबाजीतून निशाणा

बीड- बीडच्या राजकारणामध्ये पहिल्यांदाच काका-पुतणे आमने-सामने उभे राहणार असल्याने त्यांच्यातील संघर्ष गल्लीबोळातही दिसू लागला आहे. राज्याचे मंत्री जयदत्त क्षीरसागर यांच्या विकासकामांवर त्यांचे पुतणे संदीप...
Read More
post-image
News देश राजकीय

काँग्रेससोबत युती नको, स्वतंत्र लढणार – देवेगौडा

बंगळुरू- कर्नाटकामध्ये मध्यावधी निवडणूक होण्याची शक्यता आहे. जर तसे झाले तर कोणासोबतही युती न करता स्वतंत्र लढण्यासाठी तयार राहू, असे माजी पंतप्रधान आणि जनता...
Read More
post-image
News महाराष्ट्र

उरण वीज प्रकल्पाचा गॅसपुरवठा पूर्ववत

उरण- उरण ओएनजीसीच्या गॅस प्रकल्पाला लागलेल्या आगीमुळे गेल्या 10 दिवसांपासून बंद असलेला महानिर्मितीच्या उरण वीज प्रकल्पाचा गॅसपुरवठा कालपासून पूर्ववत सुरू झाला आहे. यामुळे एका...
Read More
post-image
News महाराष्ट्र वाहतूक

बोरोटी रेल्वे यार्डमध्ये ब्लॉक! कलबुर्गी-सोलापूर पॅसेंजर रद्द

सोलापूर- मध्य रेल्वेच्या सोलापूर विभागातील सोलापूर वाडी सेक्शनच्या बोरोटी रेल्वे स्थानक यार्डमध्ये उद्या बुधवारी ट्रॉफिक ब्लॉक घेण्यात येणार आहे. या ब्लॉकच्या काळात प्रवासी गाड्यांमध्ये...
Read More
post-image
News महाराष्ट्र राजकीय

इंदुरीकर महाराजांचा मलाच पाठिंबा! बाळासाहेब थोरातांची प्रतिक्रिया

अहमदनगर- संगमनेरयेथे मुख्यमंत्र्यांच्या व्यासपीठावर प्रसिद्ध कीर्तनकार निवृत्ती महाराज दिसल्यानंतर ते बाळासाहेबांच्या विरोधात लढणार असल्याच्या चर्चांना वेग आला होता. मात्र स्वत: इंदुरीकर महाराजांनी हे वृत्त...
Read More