माजी मंत्री गणेश नाईक मंदिर कारवाईबाबत पुन्हा अडचणीत – eNavakal
News न्यायालय मुंबई राजकीय

माजी मंत्री गणेश नाईक मंदिर कारवाईबाबत पुन्हा अडचणीत

मुंबई- एमआयडीसीमधील बावखलेश्वर मंदिरावरील कारवाईला स्थगिती दिली असताना उच्च न्यायालयात पुन्हा या मंदिराबाबत त्रिसदस्यीय खंडपीठासमोर सुनावणी झाली. हे मंदिर नियमित करून कारवाई टाळण्याची विनंती करण्यात आली होती. यासाठी एमआयडीसी प्रशासनाने अनधिकृत बांधकाम नियमित करण्याचे धोरण शासकीय पातळीवर केले जात असल्याचे स्पष्ट करण्यात आले. मात्र या धोरणाची माहिती द्या अन्यथा कारवाई करण्याचे आदेश देण्यात आल्याने आता एमआयडीसी प्रशासन अडचणीत आले आहे. सोमवारी पुन्हा एकदा न्यायालयाच्या आदेशानंतर आता तरी मंदिरावर कारवाई होईल, अशी अपेक्षा व्यक्त केली जात आहे.
  न्यायालयाच्या आदेशानंतर एमआयडीसी कारवाईबाबत काय भूमिका घेते याकडे लक्ष लागले आहे. ठाणे-बेलापूर भागातील औद्योगिक वसाहतीमधील  (टीटीसी) अनेक बेकायदा बांधकामे तोडण्यात आल्यानंतर एमआयडीसीच्या सुमारे अकराशे चौ. मी. भूखंडावरील बावखळेश्वर मंदिर व मंदिर ट्रस्टच्या ऑफिसवरील कारवाई गेल्या अनेक वर्षांपासून रखडली होती. मुंबई उच्च न्यायालयाने याविषयी नुकताच आदेश देऊन हे मंदिर व ट्रस्ट ऑफिससह इतर सर्व बांधकामे राज्य सरकार व एमआयडीसीने पोलीस बळाची मदत घेऊन पाडण्यास सांगितले होते. मात्र मंदिर ट्रस्टने या निर्णयाविरोधात सुप्रीम कोर्टाचे दरवाजे ठोठावले होते. यानंतर याबाबत धोरण आणायचे निश्चित करण्यात आल्याचे स्पष्ट करत एमआयडीसीकडून कारवाई थांबवण्यात आली होती. अखेरीस याविरोधात कारवाई करण्याचे संकेत मिळाल्याने एकदा पुन्हा माजी मंत्री गणेश नाईक चर्चेत आले आहेत. औद्योगिक वसाहतीच्या जागेवर अतिक्रमण करून बावखळेश्वर, गणेश व महाकाली मंदिराचे बांधकाम करण्यात आले होते. याशिवाय परिसरामध्ये तलावाचे सुशोभीकरण, नारळाची बाग व कार्यालय उभारण्यात आले आहे. सामाजिक कार्यकर्ते संदीप ठाकूर यांनी 2013 मध्ये याविषयी उच्च न्यायालयात जनहित याचिका दाखल केली होती.

Sharing is caring!

You may also like

Read More

post-image
देश

बिहारमध्ये ‘एईएस’ आजाराने ११२ मुलांचा मृत्यू

पाटणा – बिहारमध्ये एक्यूट इन्सेफेलाईटिस सिंड्रोम (AES) या आजाराने कहर केला आहे. बिहारच्या मुजफ्फरपूरमध्ये या आजाराने आतापर्यंत तब्बल ९६ बालकांचा बळी गेला असून गेल्या...
Read More
post-image
आघाडीच्या बातम्या मुंबई

मुंबईतील सिद्धिविनायक मंदिर उडवून देण्याची धमकी

मुंबई – ठाण्याच्या सुप्रसिद्ध विवियाना मॉलच्या बाथरूममध्ये धक्कादायक संदेश मिळाला आहे. या बाथरूममध्ये संदेश ठेऊन मुंबईतील लोकप्रिय धार्मिक स्थळ सिद्धिविनायक मंदिर उडवून देण्याची धमकी...
Read More
post-image
आघाडीच्या बातम्या महाराष्ट्र

विधीमंडळाच्या अधिवेशनाला सुरुवात; पहिल्याच दिवशी विरोधक आक्रमक

मुंबई – विधिमंडळाचे पावसाळी अधिवेशन आजपासून मुंबईत सुरू झालं असून विधानसभा निवडणुकीच्या आधीचे शेवटचे अधिवेशन आहे. आज पहिल्याच दिवशी आक्रमक होत विरोधक अधिवेशनात महत्त्वाचे...
Read More
post-image
आघाडीच्या बातम्या देश

वीरेंद्र कुमार सतराव्या लोकसभेचे हंगामी अध्यक्ष! अधिवेशन सुरू

नवी दिल्ली – मोदी सरकार पुन्हा सत्तेवर आल्यानंतर संसदेचे पहिले अधिवेशन आज सोमवारपासून सुरू होत आहे. या अधिवेशनाला काही तास बाकी राहिले असतानाच विरोधक...
Read More
post-image
दिनविशेष

दिनविशेष : सिंहासनकार अरुण साधू

सिंहासनकार अरुण साधू यांची आज जयंती. त्यांचा जन्म १७ जून १९४१ साली झाला. एकाच वेळी मराठी आणि इंग्रजी भाषेत दर्जेदार लिखाण करणाऱ्या मोजक्या लोकांमध्ये...
Read More