महाराष्ट्र सिक्युरिटी फोर्सच्या जवानावर चाकूने हल्ला – eNavakal
News गुन्हे मुंबई

महाराष्ट्र सिक्युरिटी फोर्सच्या जवानावर चाकूने हल्ला

मुंबई- महाराष्ट्र सिक्युरिटी फोर्सच्या एका जवानावर संशयित आरोपीने चाकूने हल्ला केल्याची घटना गुरुवारी सकाळी दिवसाढवळ्या बोरिवली रेल्वे स्थानकात घडली. या हल्ल्यात सुमीत कांरडे हे गंभीररीत्या जखमी झाले असून त्यांच्यावर शताब्दी रुग्णालयातील अतिदक्षता विभागात उपचार सुरु आहेत. याप्रकरणी बोरिवली रेल्वे पोलिसांनी आरोपीविरुद्ध हत्येचा प्रयत्नासह अन्य भादवी कलमांतर्गत गुन्हा नोंदविला आहे. त्याच्या अटकेसाठी रेल्वे पोलिसांचे तीन ते चार विशेष पथक विविध ठिकाणी पाठविण्यात आले आहे. या वृत्ताला वरिष्ठ पोलीस निरीक्षक संजय पाटील यांनी दुजोरा दिला आहे. दरम्यान गुरुवारी सकाळी घडलेल्या या घटनेने रेल्वे प्रवाशांसह पोलीस दलात प्रचंड खळबळ उडाली आहे. सुमीत कारंडे हे बोरिवली परिसरात राहत असून सध्या महाराष्ट्र सिक्युरिटी फोर्समध्ये जवान म्हणून कार्यरत आहेत. त्यांची नेमणूक सध्या बोरिवली रेल्वे स्थानकात आहे. गुरुवारी सकाळी ते रेल्वे स्थानकात कर्तव्य बजावित होते, यावेळी एक तरुण फलाट क्रमांक सहा आणि सातवर संशयास्पदरीत्या फिरत असताना दिसून आला. त्यामुळे त्यांनी त्याला चौकशीसाठी ताब्यात घेतले आणि त्याला बोरिवली रेल्वे पोलीस ठाण्यात घेऊन जात होते. ब्रिजवरुन जात असताना अचानक या आरोपीने त्यांच्या हातावर फटका मारुन त्यांच्याकडील चाकूने त्यांच्या पोटात आणि हातावर वार केले होते, त्यात सुमीत हे गंभीररीत्या जखमी झाले होते. या हल्ल्यानंतर तो तेथून पळून गेला होता. दिवसाढवळ्या बोरिवली रेल्वे स्थानकात घडलेल्या या घटनेने रेल्वे पोलीस आणि प्रवाशांमध्ये एकच खळबळ उडाली होती. ही माहिती मिळताच वरिष्ठ पोलीस निरीक्षक संजय पाटील यांच्यासह पोलीस पथकाने घटनास्थळी धाव घेतली होती. जखमी अवस्थेत त्यांना तातडीने पोलिसांनी शताब्दी रुग्णालयात दाखल केले, त्यांची प्रकृती गंभीर असल्याने त्यांना अतिदक्षता विभागात हलविण्यात आले आहे. याप्रकरणी पळून गेलेल्या आरोपीविरुद्ध बोरिवली रेल्वे पोलिसांनी हत्येचा प्रयत्नासह सरकारी कामात अडथळा आणणे तसेच रेल्वे कायद्यांतर्गत गुन्हा नोंदविला आहे. या घटनेची वरिष्ठांनी गंभीर दखल घेत आरोपीच्या अटकेसाठी रेल्वे पोलिसांचे तीन ते चार पथकाची नियुक्ती केली आहे. या पथकाला मुंबईसह बाहेर पाठविण्यात आले आहे. सीसीटिव्ही फुटेजच्या मदतीने या आरोपीची ओळख पटविण्याचे काम सुरु असल्याचे पोलिसांनी सांगितले.

Sharing is caring!

You may also like

Read More

post-image
मनोरंजन

#Bond25 लशाना साकारणार ‘AGENT 007’

किंग्स्टन – जगप्रसिद्ध बॉन्ड सिरीजचा २५ वा चित्रपट लवकरच प्रेक्षकांच्या भेटीला येणार आहे. या चित्रपटात ‘सीक्रेट एजंट ००७’ ही अतिशय गाजलेली भूमिका यावेळी कोणी अभिनेता नाही तर एक...
Read More
post-image
देश मुंबई

कर्नाटकच्या बंडखोर आमदारावर मुंबईत उपचार

मुंबई – कर्नाटक विधानसभेत विश्वासदर्शक ठरावावरील चर्चेस सुरुवात झाली आहे. मात्र बंडखोर आमदार यावेळी उपस्थित नसल्याने कुमारस्वामी सरकारवरील संकट कायम आहे. त्यातच मुंबईत असलेले कॉंग्रेसचे बंडखोर...
Read More
post-image
महाराष्ट्र

आंबेनळी घाट बस दुर्घटनेचा तपास थांबण्याची पोलिसांची मागणी

रत्नागिरी – पोलादपूरजवळच्या आंबेनळी घाटात बस कोसळली होती. या दुर्घटनेच्या वर्षभरानंतरही पोलिसांच्या हाती ठोस काहीच लागलेले नाही. त्यामुळे रायगड पोलिसांनी न्यायालयात याप्रकरणाचा तपास थांबविण्याची परवानगी...
Read More
post-image
आघाडीच्या बातम्या महाराष्ट्र

राज्यात आजपासून पाऊस पुन्हा जोर धरणार

मुंबई – जुलै महिन्याच्या दुसऱ्या आठवड्यापर्यंत राज्यात सर्वदूर पावसाने हजेरी लावली होती. मात्र सध्या आठवडाभरापासून कोकण वगळता इतर भागांत पावसाने काहीशी विश्रांती घेतली आहे. परंतु आजपासून राज्यात पाऊस...
Read More
post-image
मनोरंजन

‘राधिका आपटेचा बोल्ड सीन’ अशीच चर्चा का?

मुंबई – आपल्या बोल्ड अदांनी चाहत्यांना भुरळ घालणारी मराठमोळी अभिनेत्री राधिका आपटे लवकरच स्लमडॉग मिलिनिअर फेम देव पटेल याच्यासह ‘द वेडिंग गेस्ट’ चित्रपटातून प्रेक्षकांच्या भेटीला...
Read More