महाराष्ट्र विद्यापीठाची निवडणुकीची प्रक्रीया २८ फेब्रुवारी, २०१८ पर्यंत वाढविली – eNavakal
निवडणूक मुंबई

महाराष्ट्र विद्यापीठाची निवडणुकीची प्रक्रीया २८ फेब्रुवारी, २०१८ पर्यंत वाढविली

मुंबई – महाराष्ट्र विद्यापीठ अधिनियम २०१६ , १ मार्च २०१७ पासून महाराष्ट्रात लागू झाला. विविध विद्यापीठांमध्ये सध्या अधिकार मंडळांच्या निवडणूक प्रक्रीया सुरु आहेत. या निवडणुकां संदर्भातील काही कलमांमध्ये स्पष्टता आणण्यासाठी तसेच मुदत वाढविण्यासाठी अध्यादेश काढण्यासाठी आज मंत्रीमंडळ बैठकीत मान्यता देण्यात आली.
महाराष्ट्र विद्यापीठ अधिनियम २०१६ मधील कलम ३० (४) मध्ये नमूद केल्याप्रमाणे अधिसभेतून व्यवस्थापन परिषदेवर प्राचार्य, शिक्षक, व्यवस्थापन प्रतिनिधी व नोंदणीकृत पदवीधर गटातून प्रत्येकी एक उमेदवार आरक्षण संवर्गातून निवडून द्यायचा आहे. या आरक्षण संवर्गातून सर्व संवर्गाना प्रतिनिधीत्व मिळण्यासाठी पहिल्या पंचवार्षिक निवडणूकीत चिठ्ठी सोडत पध्दतीचा अवलंब करण्याचा अधिकार विद्यापीठाचे कुलगुरु यांना देण्याबाबत दुरुस्ती करण्यात आली आहे.
विद्यापीठाच्या सर्व प्राधिकरणांच्या निवडणूका, नामनिर्देशने व स्वीकृतीची प्रक्रीया ३० नोव्हेंबरपर्यंत पूर्ण होणे आवश्यक होते. तथापि, काही विद्यापीठांनी याबाबतची कार्यवाही केली नसल्यामूळे ही मुदत दि. २८ फेब्रुवारी, २०१८ पर्यंत वाढविण्यात आली आहे.
सर्वच विद्यापीठांमध्ये विविध अधिकार मंडळांच्या निवडणूक प्रक्रीया पूर्ण होईपर्यंत या वर्षी बराच कालावधी जाईल, यानंतर विद्यार्थी परिषदेच्या निवडणूका घेणे हे शक्य होणार नाही. यामुळे २०१७-१८ या शैक्षणिक वर्षाकरीता विद्यार्थी परिषदेच्या निवडणूका पुर्वीप्रमाणेच घेण्याबाबत मान्यता देण्यात आलेली आहे.
महाराष्ट्र विद्यापीठ अधिनियम २०१६ मधील कलम १०९ मध्ये विद्यापीठांनी बृहत आराखडे तयार करुन त्यास शासनामार्फत महाराष्ट्र राज्य उच्च शिक्षण व विकास आयोगाची (माहेड) मान्यता घेण्याची तरतूद आहे. माहेडने बृहद आराखड्यांची सखोल तपासणी  करण्यासाठी तज्ज्ञ समिती नेमली. या समितीने अहवाल माहेडला अहवाल सादर केला.  तज्ज्ञ समितीने सादर केलेल्या शिफारशी माहेडने मंजूर केल्या. या शिफारशींप्रमाणे नव्याने जाहिरात देवून महाविद्यालयाचे प्रस्ताव मागविणे व त्या अनुषंगाने नवीन महाविद्यालये/परिसंस्थाबाबतच्या वेळापत्रकात सुधारणा करण्यास मान्यता देण्यात आलेली आहे

Sharing is caring!

You may also like

Read More

post-image
निवडणूक महाराष्ट्र

राज्यात सायंकाळी पाच वाजेपर्यंत ५० टक्के मतदान

मुंबई – राज्यातील विधानसभेच्या २८८ जागांसाठी आज मतदान प्रक्रिया पार पडत आहे. सकाळी ७ वाजता मतदानास सुरुवात झाली असून सायंकाळी ६ वाजेपर्यंत ही प्रक्रिया...
Read More
post-image
महाराष्ट्र राजकीय

चंद्रकांत पाटलांची कोथरुड-कोल्हापुरात ये-जा

कोल्हापूर – भाजपाचे प्रदेशाध्यक्ष आणि कोथरुडचे उमेदवार चंद्रकात पाटलांनी आज कोथरुड आणि कोल्हापूरमध्ये ये-जा केली. सकाळी त्यांनी आपल्या मतदारसंघाचा आढावा घेतला आणि दिवसभर तिथेच थांबले....
Read More
post-image
मनोरंजन

माध्यमांची गर्दी पाहून जया बच्चन संतापल्या

मुंबई – बॉलिवूडचे शहेनशहा अभिताभ बच्चन यांनी सहकुटुंब मतदानाचा हक्क बजावला. यावेळी त्यांच्या पत्नी अभिनेत्री व खासदार जया बच्चन यांना प्रसिद्धी माध्यमांनी गराडा घालताच त्या...
Read More
post-image
आघाडीच्या बातम्या देश

आरेतील मेट्रो कारशेडला स्थगिती नाही

नवी दिल्ली – आरेतील वृक्षतोडीवर आज सर्वोच्च न्यायालयात सुनावणी झाली. यावेळी सर्वोच्च न्यायालयाने वृक्षतोडीवरील स्थगिती कायम ठेवली असून आरेतील किती झाडे तोडली आणि त्याबदल्यात...
Read More
post-image
महाराष्ट्र

गडचिरोलीत कडेकोट बंदोबस्तात मतदान प्रक्रिया पूर्ण

गडचिरोली – १३ व्या राज्य विधानसभेसाठी आज राज्यभरात मतदान प्रक्रिया पार पडत आहे. गडचिरोली जिल्ह्यातही आज सकाळी ७ वाजल्यापासून कडेकोट बंदोबस्तात मतदान सुरू झाले...
Read More