महापरिनिर्वाण दिनाच्या दिवशी चैत्यभूमीवर ‘भीमज्योत’ प्रज्वलीत होणार – eNavakal
News मुंबई

महापरिनिर्वाण दिनाच्या दिवशी चैत्यभूमीवर ‘भीमज्योत’ प्रज्वलीत होणार

मुंबई- हुतात्मा स्मारकावर कायम तेवत असलेल्या ज्योतीच्या धर्तीवरच चैत्यभूमीवरही कायमस्वरूपी ‘भीमज्योत’ डॉ. बाबासाहेब आंबेडकर यांच्या महापरिनिर्वाण दिनी प्रज्वलित होणार आहे. याबाबतचा आराखडा तयार झाला असून, लवकरच काम चालू होणार आहे. वडाळा विधानसभेचे आमदार कालिदास कोळंबकर यांनी पुढाकार घेत हा प्रस्ताव मांडला होता.

महामानव डॉ. बाबासाहेब आंबेडकर यांचे स्मारक असलेल्या चैत्यभूमीवर अखंड भीमज्योत तेवत ठेवावी, अशी मागणी एप्रिल 2016 मधील विधानसभेत नगरविकास विभागाच्या अर्थसंकल्पीय मागण्यांवर चर्चेत सहभागी होताना आमदार कोळंबकर यांनी केली होती. मुख्यमंत्र्यांच्या मान्यतेनंतर अनेक दिवस हा प्रस्ताव रखडला होता. मात्र, या वर्षी डॉ. बाबासाहेब आंबेडकर यांच्या 62 व्या महापरिनिर्वाण दिनापर्यंत ही भीमज्योत प्रज्वलित करण्याचा निर्धार करून त्यांनी पुन्हा मुख्यमंत्र्यांना भेटून त्याबाबत चर्चा केली. त्यानंतर संबंधित विभागातील अधिकार्‍यांसोबत दोन बैठका घेतल्या.

दरम्यान, वास्तुविशारद शशी प्रभू आणि महानगर गॅस यांच्या संयुक्त विद्यमाने आराखडा तयार करण्यात आला असून, हा आराखडा मंजुरीसाठी मेरीटाइम बोर्ड, पर्यावरण खाते, मुंबई महापालिका आणि अग्निशमन दलाकडे पाठविण्यात येणार आहे. मंजुरी मिळाल्यानंतर लगेच काम सुरू करण्यात येणार असल्याची माहिती कोळंबकर यांनी दिली आहे.

Sharing is caring!

You may also like

Read More

post-image
News महाराष्ट्र

पक्षांतरामुळे भविष्यात मोठा राजकीय भूकंप! शिवस्वराज्य यात्रेत अजित पवारांचे भाकित

यवतमाळ – राज्यात पक्षांतराची लाट आली आहे. अनेक जण आपला स्वार्थ, स्वत:च्या संस्था वाचविण्यासाठी, शासनाचे अनुदान घेण्यासाठी, सत्ताधार्‍यांकडून होणारी कारवाई टाळण्यासाठी पक्षांतर करत आहेत....
Read More
post-image
News महाराष्ट्र

जनशताब्दीला सावंतवाडीत थांबा

सावंतवाडी – गणेशोत्सवाच्या पार्श्वभूमीवर कोकणात जाणार्‍या चाकरमान्यांसाठी एक आनंदाची बातमी आहे. मुंबईहून गोव्याला जाणार्‍या जनशताब्दी एक्स्प्रेसला आता सावंतवाडी स्थानकात थांबा देण्याचा निर्णय रेल्वे मंडळाकडून...
Read More
post-image
News देश

‘पारले’ बिस्कीटला मंदीचा फटका! हजारो कर्मचार्‍यांवर बेकारीचे संकट

नवी दिल्ली – बिस्कीटांचे उत्पादन घेणार्‍या देशातील सर्वात मोठ्या पारले कंपनीलाही मंदीचा फटका बसला आहे. तसेच मागणी घटल्याने कंपनीने उत्पादनात कपात केली आहे. त्यामुळे...
Read More
post-image
News देश

प्रियांका चोप्राला यूएनच्या ‘सदिच्छा दूत’ पदावरून हटवा

नवी दिल्ली- पाकिस्तानी मंत्र्याने बॉलिवूड अभिनेत्री प्रियांका चोप्राला संयुक्त राष्ट्राच्या ‘सदिच्छा दूत’ पदावरुन हटवण्याची मागणी केली आहे. पाकिस्तानातील मानवी हक्क खात्याच्या मंत्री शिरीन मझारी...
Read More
post-image
आघाडीच्या बातम्या देश

चिदंबरम यांना दिलासा नाहीच! १६ तासांपासून फरार

नवी दिल्ली – आयएनएक्स मीडिया घोटाळ्याशी संबंधित भ्रष्टाचार आणि मनी लॉंडरिंग प्रकरणात कॉंग्रेसचे ज्येष्ठ नेते आणि माजी गृह व माजी अर्थमंत्री पी. चिदंबरम यांचा...
Read More