मंत्रालयातील योगदिनाला ठेंगा दाखवल्याने अधिकार्‍यांना ‘कारणे दाखवा’ नोटिसा – eNavakal
News मंत्रालय मुंबई

मंत्रालयातील योगदिनाला ठेंगा दाखवल्याने अधिकार्‍यांना ‘कारणे दाखवा’ नोटिसा

मुंबई – आज सगळीकडे योगदिन साजरा झाला असताना राज्याच्या प्रशासनाचे मुख्यालय समजल्या जाणार्‍या मंत्रालयात योगदिनाचा इव्हेंट मात्र सपशेल फ्लॉप ठरला. अधिकार्‍यांच्या या योगावरील अनास्थेची गंभीर दखल मुख्यमंत्र्यांनी घेतली असून या कार्यक्रमाला अनुपस्थित राहिलेल्या सर्व अधिकार्‍यांना आज सामान्य प्रशासन विभागाने चक्क ‘कारणे दाखवा’ नोटिसा काढल्याचे समजते. यामुळे मंत्रालयातील अधिकार्‍यांच्या वर्तुळात खळबळ उडाली आहे.

आज 21 जूनला सर्वत्र जागतिक योगदिन साजरा झाला. राज्य सरकारकडूनही हा योगदिन साजरा करण्याचे मोठे नियोजन करण्यात आले होते. हा इव्हेंट उत्तम पद्धतीने साजरा करण्यासाठी आवश्यक सूचना सरकारी पातळीवरून व भाजपा पक्षाकडूनही संबंधितांना देण्यात आल्या होत्या. मंत्रालयातही सर्व म्हणजे 700 अधिकार्‍यांना आज सकाळच्या योगदिनाच्या आयोजनाबाबत कळवण्यात आले होते. आज सकाळी सात वाजता मंत्रालयात योगदिनाचा हा कार्यक्रम पार पडला. मात्र यावेळी शंभरही अधिकारी उपस्थित नव्हते. मंत्रालयातील त्रिमूर्तीचे पटांगण अक्षरशः अर्धे रिकामे होते. यावेळी योगासनांनंतर अधिकारी वर्गासाठी चहापान आणि अल्पोपहाराची व्यवस्थाही करण्यात आली होती. पण निम्मेही अधिकारी उपस्थित राहिले नसल्याने अल्पोपहारही वाया गेल्याचे समजते. किमान चारशे अधिकारी तरी योगासाठी येतील, असे नियोजन करून अल्पोपहाराची व्यवस्था करण्यात आली होती. कालपासून त्रिमूर्ती पटांगणात महागडे मॅट घालून व विविध फलक लावून या योगदिनाची तयारी करण्यात आली होती. पण अधिकार्‍यांच्या एवढ्या अनास्थेमुळे या इव्हेंटचा पूर्ण फज्जा उडाल्याचे समजते. सगळीकडे योग सादरीकरणाच्या चांगल्या बातम्या येत असताना मंत्रालयात असा प्रकार घडल्याने आज याठिकाणी या फसगतीचीच चर्चा होती. त्यात खुद्द मुख्यमंत्री देवेंद्र फडणवीस यांनीच या प्रकाराची गंभीर दखल घेत या अधिकार्‍यांना धडा शिकवण्याचा निर्धार केल्याने अधिकारी, कर्मचारीवर्गात एकच खळबळ उडाली आहे.

Sharing is caring!

You may also like

Read More

post-image
आघाडीच्या बातम्या मुंबई

कल्याण – डोंबिवलीकरांना उद्या पिण्याचे पाणी नाही

कल्याण – यंदाच्या कमी झालेल्या पावसाचे सावट राज्यात हिवाळ्यापासून  भासु लागले आहे. त्याचाच फटका ठाणे जिल्हवासियांसोबतच कल्याण, डोंबिवली येथे राहणाऱ्या जनतेलासुद्धा बसला आहे. ठाणे...
Read More
post-image
आघाडीच्या बातम्या महाराष्ट्र

जलयुक्त ‘शिव्या’र , राज ठाकरेंची व्यंगचित्रातून सरकारवर टीका

मुंबई – फडणवीस सरकारने तथ्य व नियोजन नसलेल्या पण अती गाजावाजा केलेल्या जलयुक्त शिवार व शेतक-यासाठी विहिरी सारख्या योजनांनी महाराष्ट्राला दिलासा देण्याऐवजी अस्वस्थच केल आहे....
Read More
post-image
आघाडीच्या बातम्या महाराष्ट्र

डेंगूमुळे बाळाला जन्म देताच आईचा मृत्यु

अमरावती – अमरावती शहरात गेले कित्येक दिवस डेंगूच्या आजाराने जणजीवन विस्कळीत झाले आहे. त्यातच आज डेंगूचे पुन्हा दोन बळी गेल्याने खळबळ माजली आहे. यात धक्कादायक...
Read More
post-image
आघाडीच्या बातम्या देश

#MeToo एम.जे.अकबरांचा प्रिया रमाणी विरोधात खटला

दिल्ली – # MeToo परराष्ट्र राज्यमंत्री एम. जे. अकबर यांनी पत्रकार प्रिया रमाणी यांच्याविरोधात मानहानीचा दावा दाखल केला आहे.  दिल्ली येथील पटीयाला हाऊस न्यायालयामध्ये त्यांनी...
Read More
post-image
महाराष्ट्र

दृष्काळाच्या मुद्दयावरून राष्ट्रवादी आक्रमक पालकमत्र्यांना दाखविले काळे झेंडे

नाशिक – दुष्काळाच्या प्रश्नावर राष्ट्रवादी कॉग्रेस पक्ष चांगलाच आक्रमक झाला आहे. पालकमंत्री गिरिष महाजन आज दुष्काळ पाहणीसाठी सटाणा दौऱ्यावर आले असता राष्ट्रवादीच्या संतप्त पदाधिकाऱ्यांनी...
Read More