मंतरलेल्या पिस्तुलाने सगळे खून केले गेले! – पृथ्वीराज चव्हाण – eNavakal
News आघाडीच्या बातम्या राजकीय

मंतरलेल्या पिस्तुलाने सगळे खून केले गेले! – पृथ्वीराज चव्हाण

नागपूर – महाराष्ट्र आणि कर्नाटकात एका विशिष्ट विचारधारेवर प्रहार करणाऱ्या व्यक्तींची मंतरलेल्या पिस्तुलाच्या सहाय्याने हत्या केली गेली, असा गौप्यस्फोट आज माजी मुख्यमंत्री आणि काँग्रेस नेते पृथ्वीराज चव्हाण यांनी विधानसभेत केला. विरोधी पक्षाच्या 293च्या प्रस्तावावर बोलताना त्यांनी ही माहिती सभागृहात दिली.
पृथ्वीराज चव्हाण यांनी आपल्या भाषणात राज्यातल्या कायदा आणि सुव्यवस्थेवर भाष्य करताना भीमा-कोरेगावची दंगल ही पूर्वनियोजित असल्याचे म्हटले. या दंगलीला जबाबदार असलेल्या व्यक्तींना खऱ्या अर्थाने अटक होणे गरजेचे होते. मात्र, दुर्दैवाने राज्यात त्या व्यक्तींना राजाश्रय दिला जात असल्याचा आरोप त्यांनी यावेळी केला. एका विशिष्ट कट्टरवादी विचारांनी प्रेरित काही संघटना राज्यात आणि देशात कार्यरत आहेत. राज्यासह देशभरात सामाजिक एकात्मतेचा संदेश देणाऱ्या गोविंद पानसरे, नरेंद्र दाभोलकर, एम. एम. कलबुर्गी आणि गौरी लंकेश यांच्या गेल्या चार वर्षांत हत्या करण्यात आल्या. ती हत्या एका विचारांनी भारावलेल्या लोकांनी आणि मंतरलेल्या पिस्तुलाच्या सहाय्याने करण्यात आल्याचे आता तपासात उघड होत आहे. या चौघांच्याही शरीरावर झाडण्यात आलेल्या गोळ्या एकाच पद्धतीच्या असल्याची माहिती तपासात पुढे येत असल्याचे चव्हाण यांनी सभागृहात सांगितले.
कर्मठ विचारांच्या सनातन संस्थेवर बंदी घालण्याची मागणी आघाडी सरकारच्या काळात केली गेली होती. त्यावर अजूनही निर्णय प्रलंबित असून त्या संस्थेवर आता बंदी घालण्यात यावी, अशी मागणी पृथ्वीराज चव्हाण यांनी सभागृहात केली. यावर भाजप आमदार अतुल भातखळकर यांनी चव्हाण यांच्या भाषणावर हरकत घेत तत्कालीन यूपीए सरकारनेच सनातन संस्थेच्या बंदीचा प्रस्ताव फेटाळला असल्याचे सांगितले. यावर चव्हाण यांनी हा प्रस्ताव अद्यापही फेटाळण्यात आला नसल्याचे सांगितल्याने दोघांमध्ये वादावादी झाली. यावेळी भातखळकरांच्या बाजूने भाजपा आमदार व दुसरीकडे काँग्रेस आमदारांनी गदारोळ घालत वेलमध्ये येण्याचा प्रयत्न केला. यावर संसदीयकार्य मंत्री गिरीश बापट यांनी ‘तुम्ही दोघे भांडू नका, कागदच बोलतील’ असे सांगून यूपीए सरकारने सनातन संस्थेवर बंदी घालण्याचे नाकारले असेल किंवा नसेल, ते समोर येईल असे सांगितले.

Sharing is caring!

You may also like

Read More

post-image
आघाडीच्या बातम्या महाराष्ट्र राजकीय

आरे वृक्षतोड विरोधामागील मनसुबे तपासणे महत्त्वाचे – मुख्यमंत्री

मुंबई – मुख्यमंत्री देवेंद्र फडणवीस यांनी ‘आरे वृक्षतोड विरोधामागील मनसुबे तपासणे महत्त्वाचे आहे’, असे म्हटले आहे. ‘आरेतील वृक्षतोडीला विरोध करणारे काही वेगळ्या मनसुब्याने काम...
Read More
post-image
आघाडीच्या बातम्या विदेश

१७८ वर्ष जुनी ट्रॅव्हल कंपनी ‘थॉमस कुक’ बंद

लंडन – १७८ वर्ष जुनी असलेली ब्रिटीश कालीन ट्रॅव्हल कंपनी थॉमस कुक बंद करण्यात आली आहे. यामुळे १६ देशांतील जवळपास २२ हजार कर्मचाऱ्यांच्या नोकऱ्या गेल्या...
Read More
post-image
देश

२०२१ची जनगणना डिजिटल पद्धतीने होणार

नवी दिल्ली – २०२१ची जनगणना मोबाईल अॅपच्या माध्यमातून होणार आहे, केंद्रीय गृहमंत्री अमित शहा यांनी याबाबत माहिती दिली आहे. देशातल्या सर्व कामांसाठी एका ओळखपत्राची...
Read More
post-image
महाराष्ट्र राजकीय

माझ्या प्रवेशाने युती आणखी भक्कम होईल – नारायण राणे

मुंबई – स्वाभिमान पक्षाचे संस्थापक नारायण राणे हे आज भाजपात प्रवेश करणार, अशा चर्चा होत्या. मात्र काही कारणाने त्यांचा प्रवेश पुन्हा एकदा लांबवणीवर पडला...
Read More
post-image
महाराष्ट्र

कल्याणमध्ये सात वर्षीय चिमुकलीवर सामुहिक बलात्कार

कल्याण – सात वर्षीय चिमुकलीवर तीन नराधमांनी बलात्कार केल्याची संतापजनक घटना कल्याण पश्चिम भागात घडली आहे. याप्रकरणी बाजारपेठ पोलीस स्थानकात तक्रार दाखल करण्यात आली...
Read More