भिवंडीत पतीच्या हत्या प्रकरणी फरार पत्नी प्रियकराला आठ दिवसांची पोलीस कोठडी – eNavakal
गुन्हे महाराष्ट्र मुंबई

भिवंडीत पतीच्या हत्या प्रकरणी फरार पत्नी प्रियकराला आठ दिवसांची पोलीस कोठडी

भिवंडी- अनैतिक संबंधात अडसर ठरणाऱ्या पतीचा त्याच्या पत्नीने २२ वर्षीय प्रियकराच्या मदतीने राहत्या घरात अत्यंत निर्दयीपणे मुंडके धडावेगळे करून हत्या केल्याची धक्कादायक घटना नागाव परिसरात उघडकीस आली होती. हत्येनंतर फरार झालेल्या पत्नीसह तिच्या प्रियकराला शांतीनगर पोलिसांनी उत्तरप्रदेशमधील रामपूर जिल्ह्यातून सापळा रचून मोठ्या शिताफीने गजाआड केले आहे.पत्नी गुलशबा (२४) तिचा प्रियकर रिजवान मोहम्मद कुरेशी ( २२ रा. कसाईवाडा ) अशी अटक करण्यात आलेल्या प्रेमींची नावे आहेत.

कैफ उर्फ मनोजकुमार उर्फ राहूल जगदीशप्रसाद सोनी (३०) असे हत्या करण्यात आलेल्या पतीचे नाव आहे.पोलीस सूत्रांकडून मिळालेल्या माहितीनूसार मृत कैफ उर्फ मनोजकुमार सोनी याचा प्रेमविवाह गुलशबा हिच्याशी ७ वर्षापूर्वी झाला होता. त्याने प्रेमिका गुलशबा हिच्याशी लग्न करण्यासाठी धर्मांतरही केले होते.मृत मनोजकुमार आग्रा येथे कटलरी सामान विक्रीचे काम करीत असल्याने दीड ते २ महिन्यांनी घरी येत असे.३ जानेवारी रोजी तो घरी आला असता त्याने पत्नीला रिजवानसोबत अश्लील चाळे करताना पाहिले त्यावरून दोघांमध्ये कडाक्याचे भांडण झाले.आपल्या अनैतिक संबंधात आता पती अडथळा ठरणार असे वाटू लागल्याने पत्नी गुलशबा व प्रियकर रिजवान या दोघांनी संगनमत करून मनोजकुमार याचा धारदार शस्त्राने डोके धडावेगळे करून मृतदेह घरातच टाकून प्रेयसीसोबत फरार झाली. मात्र घटनेच्या चार दिवसानंतर रिजवानने नातेवाईक शाबादला संपर्क केला होता. घटनेचे गांभीर्य ओळखून शाबादने तात्काळ शांतीनगर पोलिसांना माहिती दिली. आरोपी पत्नी तिन्ही मुलांना आजीकडे सोडून प्रियकरासोबत उत्तरप्रदेशात पळून गेल्याची माहिती तपास अधिकारी मनजितसिंग बग्गा यांना मिळाली असता त्यांनी पोलीस पथकासह उत्तरप्रदेशमधील रामपूर जिल्ह्यातील गावात पाठवले असता मोठ्या शिताफीने दोन्ही आरोपींना ताब्यात घेवून अटक करण्यात आली. दोघांनाही गुरुवारी भिवंडी न्यायालयात हजर केले असता न्यायालयाने त्यांना १९ जानेवारीपर्यंत पोलीस कोठडी सुनावली आहे.

Sharing is caring!

You may also like

Read More

post-image
News मुंबई

इलेक्ट्रिक बस करार रद्द! बेस्टला हायकोर्टाचा दणका

मुंबई- प्रदुषणावर आळा घालण्यासाठी 40 इलेक्ट्रिक बस पुरविण्याचा एका कंपनीशी केलेला करार एकतर्फी रद्द करण्यार्‍या बेस्ट प्रशासनाला उच्च न्यायालयाने आज चांगलाच दणका दिला. कायद्याचे उल्लंघन...
Read More
post-image
News मुंबई

‘मीटू’ मोहिमेबाबत हायकोर्टात याचिका

मुंबई- संपूर्ण देशभरात सुरू असलेल्या ‘मीटू’ या मोहिमेबाबत आज हायकोर्टात याचिका दाखल करण्यात आली आहे. वकील सन्नी पुनामिया यांनी ही याचिका दाखल केली आहे....
Read More
post-image
News देश

एम. जे. अकबरांवर आणखीन एक आरोप! महिला पत्रकाराने लेखाच्या माध्यमातून केले उघड

नवी दिल्ली-  लैंगिक शोषणाच्या आरोपांमुळे अडचणीत आलेले परराष्ट्र राज्यमंत्री एम. जे. अकबर यांच्याविरोधात आणखीन एका महिला पत्रकाराने आरोप केला आहे. अकबर यांनी आपल्याला अनेकवेळा...
Read More
post-image
News मुंबई

नरेंद्र मोदींच्या शिर्डीतील कार्यक्रमाला गर्दी जमविण्यासाठी 2 कोटींची उधळण

मुंबई- राज्यात एकीकडे तिजोरीत खडखडाट असताना पंतप्रधान नरेंद्र मोदी यांच्या शिर्डीतील कार्यक्रमाला गर्दी जमविण्यासाठी राज्य सरकार तब्बल दोन कोटी रुपयांची उधळण करणार असल्याची धक्कादायक माहिती...
Read More
post-image
News देश

राहुल गांधी दोन दिवस मध्य प्रदेश दौर्‍यावर

ग्वाल्हेर- राहुल गांधी दोन दिवसांच्या मध्य प्रदेश दौर्‍यावर आहेत. आज, ग्वाल्हेर येथील किला भागात असलेल्या गुरुद्वाराला भेट देऊन त्यांनी माथा टेकला. यावेळी राहुलबरोबर ज्योतिरादित्य सिंधिया,...
Read More