भारतासमोर ‘व्हॉईटवॉश’ टाळण्याचे आव्हान – eNavakal
क्रीडा देश विदेश

भारतासमोर ‘व्हॉईटवॉश’ टाळण्याचे आव्हान

जोहान्सबर्ग – भारतीय संघ आजपासून (बुधवार) दक्षिण आफ्रिकेविरुद्ध सुरू होणाऱ्या तिसऱ्या कसोटी क्रिकेट सामन्याला सामोरा जाणार आहे. दक्षिण आफ्रिकेने तीन सामन्यांच्या मालिकेत २-० अशी विजयी आघाडी घेतली आहे. त्यामुळे आता दक्षिण आफ्रिकेविरुद्धच्या तिसर्‍या आणि शेवटच्या कसोटी सामन्यात विराट कोहलीचा टीम इंडिया संघ व्हॉईटवॉशची नामुश्की टाळणार का? याची उत्सुकता भारतीय क्रिकेटप्रेमींमध्ये या सामन्याबाबत आहे.

सलग 8 मालिका जिंकून विराटचा संघ आफ्रिकेत दाखल झाला होता. गेल्या 25 वर्षात टीम इंडियाला आफ्रिकेत कसोटी मालिका विजयाने नेहमीच हुलकावणी दिली होती. यावेळी हे चित्र बदलेल, असे तमाम भारतीय क्रिकेटप्रेमींना वाटत होते. पण विराट आणि त्याचे सहकारी नवा इतिहास रचण्यास अपयशी ठरले. भारतीय संघाला केपटाउन येथे झालेल्या पहिल्या कसोटीत ७२ धावांनी पराभव पत्करावा लागला, तर सेंच्युरियनला झालेल्या दुसऱ्या कसोटीत दक्षिण आफ्रिकेने भारताला १३५ धावांनी नमविले. मायदेशात अधिराज्य गाजविणाऱ्या भारतीय संघाची कसोटी बघणारा हा दौरा ठरला. भक्कम फलंदाजी ही टीम इंडियाची खरी ताकद समजली जाते. पण आफ्रिकेतील उसळी घेणार्‍या आणि चेंडू स्वींग होणार्‍या खेळपट्ट्यांवर भारतीय फलंदाज साफ अपयशी ठरले. त्यामुळेच मालिकेचा निकाल आफ्रिकेच्या बाजूनेच लागला. भारतीय गोलंदाजांनी या मालिकेत कमवले. पण भारतीय फलंदाजांनी त्यावर पाणी फेरले, असे भारताच्या पराभवाबाबत म्हणता येईल.

चुकीच्या संघ निवडीचा फटकादेखील टीम इंडियाला बसला. आता शेवटच्या कसोटीत बरेच बदल भारतीय संघात अपेक्षित आहे. अंतिम संघ कोणता निवडावा याबाबत मोठा पेच संघ व्यवस्थापनासमोर आहेत. भारतीय फलंदाजांना चमकदार कामगिरी केली तरच या मालिकेत व्हाईटवॉशची नामुश्की टीम इंडिया टाळू शकेल. ही खेळपट्टीदेखील वेगवान गोलंदाजांना साथ देणारी असल्यामुळे पुन्हा एकदा भारतीय फलंदाजांची कसोटी लागणार आहे. भारतीय संघाची या मैदानवरची कामगिरी आतापर्यंत चांगली झाली आहे. सुदैवाने भारताने येथे एकही पराभव बघितलेला नाही. एक कसोटी सामना भारताने येथे जिंकला आहे. त्या विजयाची पुनरावृत्ती भारतीय संघ करतो का हे बघणे महत्त्वाचे ठरेल.

Sharing is caring!

You may also like

Read More

post-image
आघाडीच्या बातम्या मनोरंजन

#MeToo भूषण कुमारांविरुद्ध लैंगिक शोषणाची तक्रार दाखल

मुंबई – ‘मीटू’ मोहिमेअंतर्गत देशात अनेक प्रतिष्ठित व्यक्तींची नावे समोर आली. यात टी-सीरीजचे मालक भूषण कुमार यांचाही समावेश आहे. त्यांच्याविरोधात आता मुंबईच्या ओशिवारा पोलीस...
Read More
post-image
महाराष्ट्र

मीरारोड येथे ३ सफाई कामगारांचा गुदमरून मृत्यू

मीरारोड – मीरा-भाईंदर महापालिकेच्या मलनि:सारण व शुद्धीकरण केंद्रातील सेप्टिक टँकची सफाई करत असताना मीरारोड येथील तीन मजुरांचा गुदमरून मृत्यू झाल्याची घटना घडली. मुजफ्फर मोहलिक...
Read More
post-image
आघाडीच्या बातम्या देश

जेट एअरवेज बचावाची आशा, मात्र एतिहादच्या कठोर अटी

मुंबई – आर्थिक अडचणींमुळे डबघाईला येऊन बंद पडण्याच्या वाटेवर असलेल्या जेट एअरवेजला एतिहाद एअरलाईनच्या नव्या प्रस्तावामुळे जिवंत राहण्याची आशा निर्माण झाली आहे. एतिहाद एअरलाईन ही...
Read More
post-image
आघाडीच्या बातम्या देश न्यायालय

राज्यात डान्सबार पुन्हा सुरू होणार

मुंबई – राज्यभरात डान्सबार पुन्हा सुरू करावे, असा निकाल सर्वोच्च न्यायालयाने दिला आहे. न्यायालयाने साडेपाच तास डान्सबार सुरू ठेवण्याची परवानगी दिली आहे. तसेच डान्सबारमध्ये...
Read More
post-image
गुन्हे देश

नवापूरच्या अल्पवयीन मुलीवर गुजरातमध्ये अत्याचार

नंदुरबार – नवापूर येथील अल्पवयीन मुलीवर तिघांकडून अत्याचार झाल्याची संतापजनक घटना घडली आहे. या तीन आरोपींवर नवापूर पोलीस ठाण्यात गुन्हा दाखल करण्यात आला आहे. पीडित...
Read More