भारताच्या युवा खेळाडूंनीही जिंकला ‘आशिया’ – eNavakal
आघाडीच्या बातम्या देश

भारताच्या युवा खेळाडूंनीही जिंकला ‘आशिया’

बांगलादेश – वरिष्ठ संघापाठोपाठ भारताच्या युवा क्रिकेट संघानेही सलग सहाव्यांदा आशिया (19 वर्षांखालील) चषकावर नाव कोरले आहे. बांगलादेश येथे खेळवण्यात आलेल्या या स्पर्धेत भारताच्या युवा शिलेदारांनी निर्विवाद वर्चस्व गाजवत अंतिम सामन्यात श्रीलंकेचा 144 धावांनी धुव्वा उडवला. भारताच्या 304 धावांचा पाठलाग करताना श्रीलंकेच्या संघाला 160 धावांपर्यंतच मजल मारता आली. भारताने 1989, 2003, 2012, 2013-14 आणि 2016 मध्ये जेतेपद जिंकले होते.

प्रथम फलंदाजी करताना भारताने 3 बाद 304 धावांचा डोंगर उभा केला. यशस्वी जैस्वाल (85) आणि अनुज रावत (57) यांनी पहिल्या विकेटसाठी 121 धावांची भागीदारी करताना संघाला दमदार सुरूवात करून दिली. त्यानंतर जैस्वाल आणि देवदत्त पडीक्कल (31) यांनी दुसर्‍या विकेटसाठी अर्धशतकी भागीदारी केली. ही जोडी माघारी परतल्यानंतर कर्णधार प्रभ सिमरन सिंग (नाबाद 65) आणि आयुष बदोनी (नाबाद 52) यांनी जोरदार फटकेबाजी केली.

दोघांनी 54 चेंडूत 100 धावा कुटल्या. बदोनीने 24 चेंडूंत 50 धावा केल्या. भारताच्या या लक्ष्याचा पाठलाग करताना श्रीलंकेचा निम्मा संघ 30 षटकांत 121 धावांवर माघारी परतला होता. त्यानंतर श्रीलंका संघाची पडझड सुरुच राहिली. भारताच्या हर्ष त्यागीने 38 धावा देत सहा विकेट्स घेतल्या. श्रीलंकेकडून नवोदू दिनूश्री (48), निशान मदुष्का (49) आणि डॉन पसिंदू संजूला (31) यांनी संघर्ष केला.

Sharing is caring!

You may also like

Read More

post-image
News महाराष्ट्र मुंबई

औरंगाबादेत क्रीडा विद्यापीठ उभारणार- राज्यपाल

मुंबई- क्रीडा क्षेत्राचा विकास घडविण्यासाठी औरंगाबाद येथे क्रीडा विद्यापीठ उभारणार असल्याची घोषणा आज राज्यपाल सी. विद्यासागर राव यांनी केली. आज गेट वे ऑफ इंडिया...
Read More
post-image
News महाराष्ट्र

नागेवाडी गावाजवळ ट्रॅव्हल्स जळून खाक

जालना – जालना – औरंगाबाद रोडवरील नागेवाडी गावाजवळ पुण्याहून येणारी ट्रॅव्हल्स जळून खाक झाल्याची घटना आज पहाटे साडेपाच वाजता शॉर्ट सर्किटमुळे घडली. सुदैवाने या...
Read More
post-image
News विदेश

पाकिस्तानविरोधात आता अफगाणिस्तानही सरसावला

नवी दिल्ली- काश्मीरच्या पुलवामात झालेल्या दहशतवादी हल्ल्याला पाकिस्तानातून रसद आल्याचे पुढे आल्यानंतर पाकिस्तानविरोधात देशभरात संताप आहे. पाकिस्तानविरोधात असाच संताप दुसरे शेजारी इराण आणि अफगाणिस्तान...
Read More
post-image
News क्रीडा मुंबई

मंजिरी भावसार ठरली यंदाची ‘मिस मुंबई’

मुंबई – पीळदार सौंदर्यवतींच्या मिस मुंबई स्पर्धेत एफसीटी जिमची डॉ. मंजिरी भावसार विजेती ठरली. गतवर्षी अवघ्या दोन स्पर्धकांमुळे ही स्पर्धा होऊ शकली नव्हती. मात्र...
Read More
post-image
News महाराष्ट्र

आश्वासनांची पुर्तता न झाल्यास बहिष्कार घालू! मराठा समाजाचा इशारा

पंढरपूर- आगामी लोकसभा निवडणुकीचे पडघम वाजण्यास सुरुवात झाली आहे. आचारसंहिता लागू होण्यापूर्वी सकल मराठा समाजाला दिलेल्या आश्वासनांची पुर्तता न झाल्यास भाजपवर बहिष्कार घालण्यात येईल,...
Read More