भारताचे बलशाली अभिनंदन ताठ मानेने सीमेवर पोहोचले – eNavakal
देश

भारताचे बलशाली अभिनंदन ताठ मानेने सीमेवर पोहोचले

नवी दिल्ली – भारताच्या लष्करी तळांवर हल्‍ला करण्यासाठी भारताच्या हद्दीत घुसणार्‍या पाकिस्तानी हवाई दलाच्या एफ-16 विमानाचा पाठलाग करून त्याचा खात्मा करणारे भारताचे विंग कमांडर अभिनंदन आज ताठ मानेने भारत-पाक सीमेवर येऊन पोहोचले. भारताच्या ठाम भूमिकेमुळे पाकिस्तानला त्यांना विनाअट मुक्‍त करावे लागले.

भारताचे विंग कमांडर अभिनंदन यांना काल पाकिस्तानातील भारतीय दूतावासाकडे सोपविले. यानंतर दूतावासाकडून आवश्यक कागदपत्रे पाकिस्तानच्या परराष्ट्र खात्याकडे पाठविण्यात आली. अभिनंदन यांना आंतरराष्ट्रीय रेडक्रॉसच्या हवाली केले गेले. त्यांची वैद्यकीय तपासणी झाल्यानंतर त्यांचा इस्लामाबाद ते लाहोरहून वाघा बॉर्डरचा प्रवास सुरू झाला. ते संध्याकाळी 4.30 वाजता वाघा बॉर्डरवर पोहोचले. तेथे त्यांची खूप वेळ वैद्यकीय तपासणी चालली होती त्यानंतर कागदांचे आदानप्रदान करण्यात आले. पाकिस्तानच्या वाघा बॉर्डरवर अभिनंदन पोहोचल्याचे समजताच भारतीय सीमेवर ढोल-ताशांचा दणदणाट आणि फटाक्यांची आतिशबाजी करण्यात आली.

आज सकाळपासून अटारी बॉर्डरवर त्यांच्या स्वागताची जय्यत तयारी सुरू होती. पंजाब पोलीस व सीमा सुरक्षा दल तैनात होते. ढोल-ताशा आणि देशभक्‍तीपर गीतांनी रोमांच उठले होते. अभिनंदन यांचे आईवडील आपल्या मुलाचे स्वागत करण्यासाठी उपस्थित होते. गुरुवारी रात्री अभिनंदनचे आई-वडील दिल्लीला येत असताना विमानातील सहप्रवाशांनी त्यांचे जोरदार स्वागत केले.

 

 

Sharing is caring!

You may also like

Read More

post-image
महाराष्ट्र

महाजनादेश यात्रेवर कांदे फेकण्याचा इशारा; आंदोलनकर्ते ताब्यात

नाशिक – महाजनादेश यात्रेदरम्यान मुख्यमंत्री देवेंद्र फडणवीस यांच्या ताफ्यावर कोंबड्या फेकल्याची घटना दोन दिवसांपूर्वीच सांगलीत घडलेली असताना महाजनादेश यात्रेच्या वाहनांवर कांदे फेकण्याचा आणि यात्रा...
Read More
post-image
देश

२ ऑक्टोबरपासून प्लास्टिक बंद – केंद्राची सूचना

नवी दिल्ली – पंतप्रधान नरेंद्र मोदींनी २५ ऑगस्ट रोजी आकाशवाणीवरील ‘मन की बात’ या कार्क्रमातून ‘प्लास्टिकमुक्त अभियान’ सुरू करण्याची घोषणा केली होती. महात्मा गांधी...
Read More
post-image
आघाडीच्या बातम्या महाराष्ट्र राजकीय

राष्ट्रवादीची पहिली यादी जाहीर; शरद पवारांनी केली घोषणा

बीड – विधानसभा निवडणुकीसाठी राष्ट्रवादी कॉंग्रेसने पहिली यादी जाहीर करण्यात आली आहे. राष्ट्रवादी काँग्रेसचे अध्यक्ष शरद पवार यांनी बीड दौऱ्यात बीडचे उमेदवार जाहीर केले...
Read More
post-image
आघाडीच्या बातम्या मनोरंजन मुंबई

अमिताभ बच्चन यांच्या जलसाबाहेर मुंबईकरांची निदर्शने

मुंबई – ‘मेट्रो-३’ प्रकल्पाच्या कारशेडसाठी आरे कॉलनीतील वृक्षतोडीला मुंबईकरांचा तीव्र विरोध होत असताना बॉलिवूडचे महानायक अमिताभ बच्चन यांनी मुंबई मेट्रोला पाठिंबा देत या सेवेचे...
Read More