जारकीहोळी बंधूंच्या पुढाकाराने होणार ‘ऑपरेशन कमळ’ – eNavakal
देश राजकीय

जारकीहोळी बंधूंच्या पुढाकाराने होणार ‘ऑपरेशन कमळ’


बेळगाव- बेळगावच्या सतीश, रमेश व भालचंद्र या जारकीहोळी बंधूंचे जिल्ह्याच्याच नव्हे तर कर्नाटकाच्या राजकारणात मोठे प्रस्थ आहे. या बंधूंचे वैशिष्टय म्हणजे या तिघाही सख्ख्या बंधूंनी कॅबिनेट मंत्रीपद भूषवले आहे. यापैकी सतीश व रमेश हे काँग्रेसमध्ये असून अनुक्रमे यमकनमर्डी व गोकाक मतदारसंघामधून निवडून आले आहेत. तर भालचंद्र हे आरभावी मतदारसंघामधून भाजपाकडून निवडून आले आहेत. या जारकीहोळी बंधूंचे राजकारण कायमच ‘सरशी तिथे पारशी’ या तत्वाला अनुसरून चालत आले आहे. आताही जे काँग्रेसचे आमदार रिसॉर्टमधून गायब झाले आहेत त्यामध्ये सतीश व रमेश या जारकीहोळी बंधूंचा समावेश आहे. आज सकाळी काँग्रेस पक्षश्रेष्ठींनी जवळजवळ सर्व आमदारांना कर्नाटक विधानभवनाबाहेर महात्मा गांधींच्या पुतळ्याजवळ धरणे आंदोलनासाठी आणले होते. हे आंदोलन झाल्यानंतर या जारकीहोळी बंधूंनी तिथून पोबारा केल्याचे समजते. त्यावेळीपासून या दोघांचे फोन ‘नॉट रिचेबल’ आहेत. हे दोघे बंधू ‘ऑपरेशन कमळ’चा महत्त्वाचा भाग असून जारकीहोळी बंधूंसह जवळजवळ बारा काँग्रेसचे आमदार आपल्या आमदारकीचाच राजीनामा देणार असल्याचे खात्रीलायकरित्या समजते. एवढेच नव्हे तर ही जारकीहोळी दवयी इतर सावजे सुद्धा शोधणार असून येत्या काही दिवसांत आमदारांचे हे राजीनामासत्र सुरू होणार आहे. राजीनामा देऊन ते भाजपाच्या तिकिटावर त्यांच्यात्यांच्या मतदारसंघात पुन्हा निवडणुकीच्या रिंगणात उतरणार आहेत. येडियुरप्पांच्या या ‘ऑपरेशन कमळ’ मिशनसाठी सतीश, रमेश आणि आधीच भाजपामध्ये असणाऱ्या भालचंद्र जारकीहोळी यांनी पुढाकार घेतल्याचे समजते. त्यामुळे येत्या काळात जारकीहोळी बंधूंच्या या राजकीय नाटकबाजीवर कर्नाटकचेच नव्हे तर देशाचे लक्ष असणार आहे.

Sharing is caring!

Leave a Comment

Your email address will not be published.

You may also like

Read More

post-image
क्रीडा विदेश

फुटबॉल विश्वातील सर्वात श्रीमंत क्लब ठरला मॅचेस्टर युनायटेड

पॅरिस – फुटबॉल विश्वातील सर्वात श्रीमंत क्लब ठरला आहे तो इंग्लंड मधील नामंवत ‘मॅचेस्टर युनायटेड क्लब’ इंग्लिश प्रिमियर फुटबॉल स्पर्धेत त्याने दुसरा क्रमांक पटकावला....
Read More
post-image
क्रीडा मुंबई

डु प्लेसिसची खेळी सर्वोत्तम खेळी होती – धोनी

मुंबई – हैदराबादविरुद्धच्या ‘प्ले ऑफ’मधील पहिल्या लढतीत चेन्नईने हैदराबादवर विजय मिळवून स्पर्धेची प्रथम अंतिम फेरी गाठण्याचा मान मिळवला. त्यांच्या या विजयात सलामीला आलेल्या डु...
Read More
post-image
क्रीडा देश

यंदाच्या आयपीएल स्पर्धेत रैना होणार सर्वाधिक धावांचा मानकरी

नवी दिल्ली – यंदाच्या आयपीएल क्रिकेट स्पर्धेनंतर चेन्नई संघाचा डावखूरा फटकेबाज फलंदाज सुरेश रैना सर्वाधिक धावा काढणारा फलंदाज ठरणार आहे. हैदबादविरुद्धच्या लढतीत त्यांनी 22...
Read More
post-image
क्रीडा

कोलकाताने केले राजस्थानचे आयपीएलमधून ‘पॅक अप’

कोलकाता – दिनेश कार्तिकच्या कोलकाता संघाने अजिंक्य राहणेच्या राजस्थान संघाचे आज आयपीएल चषक क्रिकेट स्पर्धेतून ‘पॅक अप’ केले. आपल्या घरच्या मैदानावर झालेल्या एलीमिनेटरच्या लढतीत...
Read More
post-image
क्रीडा विदेश

‘अ‍ॅशेस’ मालिकेतील अपयश पुसून काढण्याची इंग्लंडला संधी

लंडन – नुकत्याच झालेल्या ऑस्ट्रेलियातील ‘अ‍ॅशेस’ मालिकेतील आणि न्यूझीलंडमधील कसोटी मालिकेतील अपयश पुसून काढण्याची संधी यजमान इंग्लंड संघाला उद्यापासून येथे पाकिस्तानविरुद्ध सुरू होत असलेल्या 2...
Read More