बिग बॉस मराठी – मेघाच्या तिखट शब्दांनी पुष्करला आलं रडू… – eNavakal
मनोरंजन मुंबई

बिग बॉस मराठी – मेघाच्या तिखट शब्दांनी पुष्करला आलं रडू…

मुंबई – बिग बॉस यांच्या वाढदिवसानिमित्त स्पर्धेच्या या टप्प्यावर घरातील इतर सदस्य आपल्याविषयी मागे काय बोलतात याची झलक घरातल्या प्रत्येक सदस्याला बघण्याची संधी बिग बॉस आज देणार आहेत. ज्यामध्ये स्मिताला रेशम आणि आस्ताद मधील संभाषण दाखविण्यात येणार आहे. पुष्करसई आणि रेशमला मेघा त्यांच्यामागे काय बोलली हे दाखविण्यात येणार आहे. हे बघितल्यानंतर सदस्यांमध्ये वाद होणार हे नक्की. रेशम मेघाला हे सांगण्याचा प्रयत्न करणार आहे कीती जे काही पर्सनल तिच्याबद्दल बोलली ते बोलायला नको होतं. तसेच सई शर्मिष्ठाला आणि आस्ताद मेघाला जाब विचारणार आहे. यानंतर घरामध्ये नाती बदलतील ? मेघा, सई आणि पुष्करच्या मैत्री मध्ये पुन्हा फुट पडेल हे आजच्या भागामध्ये प्रेक्षकांना कळलेच.

बिग बॉस मराठीच्या घरामध्ये सदस्यांना येऊन आता जवळ जवळ ९० दिवस पूर्ण होतील. या प्रवासामध्ये स्पर्धकांमध्ये स्पर्धा, मैत्री, प्रेम, धोका, अशा अनेक रंजक गोष्टी घडल्या आहेत. प्रत्येकाने स्वत:भोवती समज–गैरसमज याची चौकट आखून घेतली आहे. नेमकी हीच चौकट मोडून काढत स्वत:वर विजय मिळविण्यासाठी बिग बॉस आज सदस्यांवर आज बॉक्स–अनबॉक्स हे कार्य सोपवणार आहेत. या कार्यामध्ये नक्की काय होणार आहे हे बघणे रंजक असणार आहे.

बिग बॉस मराठीच्या घरामध्ये बिग बॉस सदस्यांना रोज वेगवेगळ्या प्रकारचे कार्य देत असतात. काल देखील बिग बॉस यांनी सदस्यांना त्यांचा वाढदिवस साजरा करण्याचे हटके कार्य सोपावले आणि रिटर्न गिफ्ट म्हणून सदस्यांना “टिकीट टू फिनाले” मिळणार असे घोषित केले. आता या रेस मध्ये कोणाला “टिकीट टू फिनाले” मिळणार हे बघणे रंजक असणार आहे. याचाच अर्थ ज्याला हे टिकीट मिळणार तो थेट महाअंतिम फेरीमध्ये पोहचणार आहे. तसेच याच टास्कमध्ये अजून एक कार्य देण्यात आले. ते म्हणजे सदस्यांना एकमेकांचे प्रतिनिधित्व करायचे होते. सदस्यांना बाबागाडी देण्यात आली आणि ज्या सदस्याची बाबागाडी पार्क होऊ शकणार नाही तो “टिकीट टू फिनाले” या रेस मधून आउट होणार. काल आस्तादची बाबागाडी पुष्कर पार्क करण्यात असफल ठरला त्यामुळे आस्ताद या रेसमधून बाद झाला. तसेच बिग बॉस यांनी सदस्यांना अजून एक टास्क दिला ज्यामध्ये सदस्यांना ज्यांना नॉमिनेट करायचे आहे त्यांच्या चेहऱ्यावर फोम लावायचे आहे असे सांगितले. ज्यामध्ये सईमेघा, शर्मिष्ठा आणि पुष्करने रेशमला नॉमिनेट करून “टिकीट टू फिनाले” या रेस मधून बाद केले. अश्याप्रकारे आस्ताद आणि रेशम या टास्कमधून काल बाद झाले.

Sharing is caring!

You may also like

Read More

post-image
आघाडीच्या बातम्या क्रीडा देश

विराटला कोणतीच ताकीद दिली नाही – बीसीसीआय

नवी दिल्ली – भारतीय क्रिकेट संघाचा कर्णधार विराट कोहली याला माध्यमे आणि चाहत्यांशी नम्रतेने वाग अशी ताकीद बीसीसीआयच्या प्रशासकीय समितीने दिली असे वृत्त काही...
Read More
post-image
आघाडीच्या बातम्या मनोरंजन मुंबई

सई आणि ‘तो’

मुंबई – मराठीतील आघाडीची अभिनेत्री सई ताम्हणकरच्या एका फोटोची चर्चा सध्या सोशल मीडियावर सुरु आहे. सईने एका तरुणासोबतचा फोटो इन्स्टाग्रामवर शेअर केला. सईनं या फोटोकॅप्शनमध्ये पिवळ्या हार्ट...
Read More
post-image
आघाडीच्या बातम्या महाराष्ट्र वाहतूक

नाशिक-कल्याण प्रवास अधिक सोयीचा होणार

नाशिक – प्रवाशांना नाशिक-कल्याण प्रवास आता अधिक सोयीचा होणार आहे. कारण लवकरच नाशिक-कल्याण लोकल सुरू होणार आहे. येत्या 15 दिवसांत या लोकलची चाचणी घेण्यात...
Read More
post-image
महाराष्ट्र

अकोले तालुक्यात एकाच रात्री सहा ठिकाणी घरफोड्या

अकोले – अकोले शहरातील उपनगरातील गजबजलेल्या परिसरात रविवारी मध्यरात्रीच्या सुमारास चोरट्यांनी एकाच वेळी सहा ठिकाणी बंद घराचे कुलूप तोडून घरफोड्या केल्या. या सहा ठिकाणी...
Read More
post-image
देश

गडचिरोलीत दोन महिला माओवाद्यांना कंठस्नान

गडचिरोली – गडचिरोली जिल्ह्यातील धानोरी तालुक्यात दोन महिला माओवादींना गोळ्या झाडून ठार करण्यात पोलिसांना यश आले आहे. गडचिरोली जिल्ह्यात पोलीस आणि नक्षलवाद्यांमध्ये चकमक झाली....
Read More