प्रमोद कांबळे स्टुडिओ आगप्रकरणी राज्य शासन निश्चितपणे मदत करेल- शिंदे – eNavakal
अपघात महाराष्ट्र राजकीय

प्रमोद कांबळे स्टुडिओ आगप्रकरणी राज्य शासन निश्चितपणे मदत करेल- शिंदे

अहमदनगर- शिल्पकार प्रमोद कांबळे यांचा स्टुडिओ हा नगर शहर आणि जिल्ह्यासाठी वेगळा असा ठेवा होता. नगरकरांचा तो अभिमान होता. आगीसारख्या दुर्दैवी घटनेमुळे हा स्टुडिओ भस्मसात झाला असला तरी राज्य शासन निश्चितपणे त्यांच्या पाठिशी असून यासंदर्भात व्यापक दृष्टीकोन ठेवून आणि हा स्टुडिओ पुन्हा उभा राहावा, यासाठी निश्चित प्रयत्न केले जातील, असा शब्द राज्याेचे जलसंधारण व राजशिष्ट्राहचार, विमुक्ता जाती, भटक्याि जमाती, इतर मागासवर्ग व विशेष मागास प्रवर्ग कल्यांण मंत्री तथा जिल्हययाचे पालकमंत्री यांनी शिल्पकार प्रमोद कांबळे यांना दिला.

कांबळे यांच्याशी मुख्यमंत्री देवेंद्र फडणवीस यांच्याशी थेट बोलणे करवून याप्रकरणी राज्य शासन आपल्या पाठिशी असल्याचा विश्वासही त्यांनी कांबळे यांना दिला. पालकमंत्री प्रा. शिंदे यांनी आज दुपारी  श्री. कांबळे यांच्या प्रमोद कांबळे आर्ट स्टुडिओला भेट देऊन पाहणी केली. आगीत झालेल्या नुकसानीची त्यांनी पाहणी केली. प्रचंड मेहनतीतून कांबळे यांनी तयार केलेली शिल्पे, मूर्ती, विविध चित्रे, विविध मान्यवरांच्या चित्रांचा संग्रह या आगीच्या भक्ष्यस्थानी पडला, त्याबद्दल पालकमंत्री प्रा. शिंदे यांनी दु:ख व्यक्त केले आणि श्री. कांबळे यांना धीर दिला. स्टुडिओत असणारा अमूल्य ठेवा नष्ट झाल्याबद्दल त्यांनी कांबळे यांचे सांत्वन केले आणि तुम्ही पुन्हा उभारी घ्याल, असा आशावादही व्यक्त केला. यावेळी पालकमंत्री शिंदे यांच्यासोबत प्रा. भानुदास बेरड हे होते. यावेळी प्रमोद कांबळे यांनी स्टुडिओसंदर्भातील विविध बाबींची माहिती पालकमंत्री प्रा. शिंदे यांना दिली. तत्पूर्वी पालकमंत्री प्रा. शिंदे यांनी कांबळे यांच्या निवासस्थानी भेट देऊन त्यांना तसेच त्यांच्या कुटुंबियांना धीर दिला. आगीबाबतची वस्तुस्थिती जाणून घेतली. कांबळे यांच्याकडून स्टुडिओबाबतच्या आठवणी ऐकल्या.  मुंबई सोडून नगर शहरात करियर कऱण्याचा निर्णय घेतला. त्यासाठी प्रचंड मेहनत घेतली. मात्र, सगळा ठेवा नष्ट झाला, अशी कैफियत कांबळे यांनी मांडली. तेव्हा, नगर शहर व जिल्हावासीय या कठीण प्रसंगी आपल्यासोबत असल्याचा आणि राज्य शासन व्यापक दृष्टीकोन ठेवून याकामी तुमच्या पाठिशी असेल, असा विश्वास पालकमंत्री शिंदे यांनी दिला.

Sharing is caring!

You may also like

Read More

post-image
क्रीडा विदेश

गॅरी स्टेड नवे प्रशिक्षक

वेलिंग्टन – न्यूझीलंड क्रिकेट संघाच्या मुख्य प्रशिक्षकपदी त्यांचे माजी फलंदाज गॅरी स्टेड यांची नियुक्ती करण्यात आली आहे. जून महिन्यात अगोदरचे प्रशिक्षक असलेल्या माइक हेसन यांनी...
Read More
post-image
News मुंबई

म्हाडाच्या मुंबईच्या घरांसाठी ऑक्टोबर महिन्यात लॉटरी निघणार

मुंबई- म्हाडाची मुंबई शहरसाठी अंदाजे एक हजार घरांची ऑक्टोबर महिन्यात लॉटरी निघाणार असल्याची शक्यता मुंबई मंडळाच्या कार्यालयातून वर्तविण्यात आली आहे. म्हाडाच्या गृहनिर्माण कोकण मंडळाने मुंबई...
Read More
post-image
News मुंबई

पालिका एच-पूर्व कार्यालयाची ‘पाणी वाचवा’ मोहीम कागदावर

मुंबई- पिण्याचे पाणी वाचवा चोरी रोखा पाणी वाया घालवू नका, अशी जनजगृती मोहीम पालिका एच – पूर्व कार्यालयचे पाणी खाते हाती घेणार होते. पण ही...
Read More
post-image
क्रीडा विदेश

मुरलीने ब्लादिमीरला नमवले

अबुधाबी – अबुधाबी आंतरराष्ट्रीय मास्टर्स बुद्धिबळ स्पर्धेत भारताच्या मुरली कार्तिकेयनने सातव्या फेरीत रशियाच्या ब्लादिमीरला फेडोसीवला पराभूत करून स्पर्धेत खळबळ माजवली. या पराभवामुळे स्पर्धेच्या जेतेपदाच्या शर्यतीमधून...
Read More
post-image
News मुंबई

महान क्रिकेटपटू अजित वाडेकर यांचे निधन

मुंबई – भारताला परदेशात कसोटी मालिका जिंकून देणारे पहिले कर्णधार अजित वाडेकर यांचे आज दीर्घ आजाराने निधन झाले. वयाच्या 77 व्या वर्षी त्यांनी मुंबईतील...
Read More