मुंबई – देशाचे माजी राष्ट्रपती प्रणव मुखर्जी यांच्या प्रकृतीत अद्याप कोणतीही सुधारणा झालेली नाही. त्यामुळे त्यांच्या प्रकृतीवर डॉक्टरांचे बारीक लक्ष असल्याची माहिती दिल्लीच्या आर्मी रिसर्च अँड रेफरल रुग्णालयाने आज सकाळी दिली.
प्रणव मुखर्जी यांच्यावर १० ऑगस्ट रोजी शस्त्रक्रिया करण्यात आली होती. या शस्त्रक्रियेत त्यांच्या मेंदूत असलेली एक गाठ काढण्यात आली. त्यानंतर ते कोमात गेले असून तेव्हापासून त्यांना व्हेंटिलेटवर ठेवण्यात आले. त्यापूर्वी त्यांना कोरोनाची लागण झाल्याची माहिती त्यांनी ट्विट करत दिली होती. त्यांच्यावर दिल्लीच्या आर्मी रिसर्च अँड रेफरल रुग्णालयात उपचार सुरू आहेत.
