पुण्यात ‘तुफान’ पाऊस! झाड कोसळून बसचालकाचा मृत्यू – eNavakal
News आघाडीच्या बातम्या महाराष्ट्र

पुण्यात ‘तुफान’ पाऊस! झाड कोसळून बसचालकाचा मृत्यू

मुंबई – पुण्यात आज पुन्हा एकदा तुफानी पावसाने अक्षरशः धुमाकुळ घातला. वादळी वार्‍यासह कोसळलेल्या पावसामुळे पुणेकरांची दाणादाण उडाली होती. मुसळधार पावसामुळे शहरातील अनेक भागांत पाणी साचले होते. ग्राहक पेठ येथे पीएमपीच्या बसवर सोसाट्याच्या वार्‍यामुळे मोठे वडाचे झाड कोसळले. या दुर्घटनेत बसचालक बंडू नवगुणे यांचा मृत्यू झाला.

अलका टॉकीज रोड, सिंहगड रोड, कर्वेे रोड परिसरात पाणी साचल्याने याचा परिणाम रस्ते वाहतुकीवर झाला. पावसामुळे अनेक ठिकाणी वीज पुरवठा खंडीत करण्यात आला होता. पुण्यातील दांडेकर पुलावर आंबील ओढ्यातून आलेले पाणी नागरी वस्तीत शिरल्याने रहिवाशांची तारांबळ उडाली होती. पुढील चार दिवस पुण्यात मुसळधार ते अतिमुसळधार पाऊस कोसळणार असल्याचा इशारा भारतीय हवामान विभागाने वर्तविला आहे. दरम्यान, कोकणातील खेड, दापोली, चिपळूण परिसरातही वादळी वार्‍यासह मुसळधार पाऊस कोसळला. तर मुंबईसह कल्याण, डोेंबिवली, ठाणे, नवी मुंबईतही पावसाचे धुमशान सुरु होते.
पुणे शहर व परिसरात आज सायंकाळी सहा वाजण्याच्या सुमारास आकाशात काळेकुट्ट ढग जमा झाले होते. त्यामुळे अंधार पडण्यापुर्वीच सर्वत्र अंधाराची स्थिती निर्माण झाली होती. त्यानंतर सायंकाळी विजांच्या कडकडाटासह जोरदार पावसाला सुरुवात झाली. सोसाट्याच्या वार्‍यासह कोसळणार्‍या पावसामुळे शहरातील परिसरात पाणीचपाणी साचले होते. अलका टॉकीज रोड, सिंहगड रोड, कर्वेे रोड, शिवाजी नगर, संतोष हॉल येथील मधुकर हॉस्पीटल येथे पाणी साचले होते. गुडघाभर पाणी साचलल्याने याचा परिणाम रस्ते वाहतुकीवर झाल्याचे पाहायला मिळाले. पुण्यातील खडक पोलीस ठाण्यातही पावसाचे पाणी शिरल्याने मोठी तारांबळ उडाली होती. त्यातच जोरदार वारा असल्याने टिळक रोड परिसरात ग्राहक पेठेसमोरुन जात असलेल्या एका पीएमपीएल बसवर मोठे वडाचे झाड कोसळल्याची घटना घडली. या घटनेत पीएमपीएलचा बसचालक गंभीर जखमी झाला असून त्याची प्रकृती चिंताजनक असल्याचे समजते आहे. मुसळधार व वादळी वार्‍यामुळे सनसिटी रोडवर अनेक झाडे उन्मळून पडली. तसेच शहरातील सहकार नगर परिसरात रस्ते जलमय झाले होते. त्यामुळे येथील दुचाकी पुर्णपणे पाण्याखाली गेल्या होत्या.
पुण्यावर 15 किलोमीटर उंचीचे जास्त घनतेचे ढग असून कमी वेळात जास्त पाऊस शक्य असल्याचे हवामान तज्ज्ञांकडून सांगितले जात आहे. त्यामुळे पुणेकरांनी पाऊस थांबेपर्यंत व पाणी ओसरेपर्यंत प्रवास टाळावा, असे आवाहन प्रशासनाकडून करण्यात आले.
दरम्यान, मुंबईसह, कल्याण, डोेंबिवली, चिपळूण आणि खेड परिसरातही आज विजांच्या कडकडाटासह पावसाने हजेरी लावली. अचानक सुरू झालेल्या या पावसामुळे परिसरातील काही भागांत सखल पाणी साचले होते. याचा परिणाम वाहतुकीवर झाला होता. पावसामुळे खेडमधील 130 गावांचा विजपुरवठा खंडित झाला होता. तर कल्याण, डोंबिवली परिसरात आज पुन्हा पावसाने हजेरी लावली. ठाणे, नवी मुंबईतील बेलापूर, खारघर, जुईनगर येथे अधूनमधून पावसाच्या सरी सुरू होत्या.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या कोरोना महाराष्ट्र

महाराष्ट्रात आज 6 हजार 555 नव्या कोरोनाबाधितांची नोंद

मुंबई – महाराष्ट्रात दररोज कोरोना रुग्णांची संख्या वाढत आहे. आज दिवसभरात कोरोनाचे 6 हजार 555 नवे रुग्ण आढळल्याने राज्यातील एकूण कोरोनाबाधितांची संख्या 2 लाख...
Read More
post-image
आघाडीच्या बातम्या महाराष्ट्र

महाराष्ट्रात पुढील चार दिवस मुसळधार पावसाचा अंदाज

पुणे – काल आणि आज मुंबईसह उपनगर व परिसरात पावसाने जोरदार हजेरी लावली, त्यानंतर आता कोकण, मराठवाडा, विदर्भ आणि मध्य महाराष्ट्रात पुढील चार दिवस...
Read More
post-image
आघाडीच्या बातम्या महाराष्ट्र शिक्षण

शालेय शिक्षण विभागाकडून जिओ टीव्हीवरील तीन चॅनेलचे उद्घाटन

मुंबई – लॉकडाऊन काळात ऑनलाईन शिक्षण अधिकाधिक विद्यार्थ्यांपर्यंत पोहोचविण्यासाठी शिक्षण विभागाकडून सर्वतोपरी प्रयत्न सुरू आहेत. याच पार्श्वभूमीवर जिओ टीव्ही प्लॅटफॉर्मवर इयत्ता बारावी विज्ञान शाखा,...
Read More
post-image
आघाडीच्या बातम्या मनोरंजन महाराष्ट्र

ऐका हो ऐका…’माझ्या नवऱ्याची बायको’ मालिकेत जुनी शनाया परतणार

मुंबई – झी मराठी वाहिनीवरील ‘माझ्या नवऱ्याची बायको’ ही मालिका लॉकडाऊननंतर आपल्या चाहत्यांना एक खास सरप्राईज देणार आहे. नव्या भागांसह प्रेक्षकांच्या भेटीला येणाऱ्या या...
Read More
post-image
आघाडीच्या बातम्या देश

गाझियाबादमध्ये मेणबत्ती कारखान्याला भीषण आग, ७ जणांचा होरपळून मृत्यू

गाझियाबाद – उत्तर प्रदेशच्या गाझियाबाद जिल्ह्यात एका मेणबत्तीच्या कारखान्याला लागलेल्या भीषण आगीत होरपळून सात जणांचा मृत्यू झाला आहे, तर ४ जण गंभीर जखमी झाले...
Read More