पालघर जिल्ह्यात २८५ बाल विकास केंद्र सुरु होणार – eNavakal
News महाराष्ट्र

पालघर जिल्ह्यात २८५ बाल विकास केंद्र सुरु होणार

पालघर – पालघर जिल्ह्यातील ६ वयोगटापर्यंत तीव्र कुपोषित बालकांसाठी जिल्ह्यात २८५ ग्राम बाल विकास केंद्र सुरु करण्यात येत असल्याची माहिती जिल्हा परिषदेचे मुख्य कार्यकारी अधिकारी मिलिंद बोरीकर यांनी दिली. यामध्ये डहाणू तालुका ८५, जव्हार ५५, विक्रमगड ४३, वाडा ३८, मोखाडा २६, पालघर १८, तलासरी ११ व वसई तालुका ९ केंद्रांचा समावेश आहे कुपोषणमुक्तीसाठी शासनातर्फे राबविण्यात येणाऱ्या या योजनेच्या अंमलबजावणीसाठी आज पालघर येथे मुख्य सेविका व आशा कार्यकर्तीसाठी प्रशिक्षण कार्यशाळेचे आयोजन करण्यात आले होते. या कार्यशाळेदरम्यान ही माहिती देण्यात आली.

जिल्ह्यातील बालकांचे नव्याने सर्वेक्षण करून सर्व बालकांचे वजन, उंची, दंडघेर, पायावरील सूज या निकषांवर पडताळणी करण्यात येऊन त्यामध्ये तीव्र कुपोषित आढळून येणाऱ्या बालकांना ग्राम बाल विकास केंद्रात दाखल करण्यात येईल. या बाल विकास केंद्रामार्फत बालकांना अतिरिक्त आहार पुरवठा, वैदकीय देखरेख, पालकांचे पोषणविषयक समुपदेशन या पायाभूत गोष्टींवर भर देण्यात येणार आहे.

ग्राम बाल विकास केंद्रात द्यावयाच्या आहार व औषधांबाबत योजनेअंत र्गत वेळापत्रक आखून देण्यात आले आहे. या अंतर्गत तीव्र कुपोषित बालकांना दररोज तीन वेळा घरचा आहार, दोन वेळा अंगणवाडीतील आहार,अंगणवाडीतील ग्राम बाल विकास केंद्राअंतर्गत दिला जाणारा विशेष आहार तीन वेळा असा एकूण आठ वेळा आहार द्यायचा आहे. अमायलेजयुक्त आहार कसा तयार करा वा, याच्या पद्धतीही याअंतर्गत ठरवून देण्यात आल्या आहेत. तसेच औषधांचे डोसही द्यायचे आहेत.

कार्यशाळेस उपस्थित मुख्यसेविकांकडून यावेळी कुपोषण निर्मुलनाची खालील प्रतिज्ञा म्हंणून घेण्यात आली

‘मी एक अंगणवाडी सेविका अशी प्रतिज्ञा करते की, जे ग्राम बालविकास केंद्र अंगणवाडी स्तरावर सुरु झाले आहेत. त्यात सॅम (SAM) आणि मॅम (MAM) प्रती बालकासाठी रु. २१५०इतका निधी प्राप्त झाला आहे. मी सर्वांच्या साक्षीने मासिक मिटिंगमध्ये शपथ घेते की, मला माझ्या बालविकास केंद्रासाठी मिळालेल्या एकूण रकमेचा मी माझ्या अंगणवाडीतील बालकांच्या आहार व औषधांसाठी १०० टक्के विनियोग करून सॅम (SAM) आणि मॅम (MAM) बालके ३० दिवसात प्रामाणिकपणे प्रयत्न करून साधारण श्रेणीत आणेलच व माझी अंगणवाडी कुपोषणमुक्त करेलच, असे मी आपणास आश्वासित करते.’

Sharing is caring!

You may also like

Read More

post-image
निवडणूक महाराष्ट्र

राज्यात सायंकाळी पाच वाजेपर्यंत ५० टक्के मतदान

मुंबई – राज्यातील विधानसभेच्या २८८ जागांसाठी आज मतदान प्रक्रिया पार पडत आहे. सकाळी ७ वाजता मतदानास सुरुवात झाली असून सायंकाळी ६ वाजेपर्यंत ही प्रक्रिया...
Read More
post-image
महाराष्ट्र राजकीय

चंद्रकांत पाटलांची कोथरुड-कोल्हापुरात ये-जा

कोल्हापूर – भाजपाचे प्रदेशाध्यक्ष आणि कोथरुडचे उमेदवार चंद्रकात पाटलांनी आज कोथरुड आणि कोल्हापूरमध्ये ये-जा केली. सकाळी त्यांनी आपल्या मतदारसंघाचा आढावा घेतला आणि दिवसभर तिथेच थांबले....
Read More
post-image
मनोरंजन

माध्यमांची गर्दी पाहून जया बच्चन संतापल्या

मुंबई – बॉलिवूडचे शहेनशहा अभिताभ बच्चन यांनी सहकुटुंब मतदानाचा हक्क बजावला. यावेळी त्यांच्या पत्नी अभिनेत्री व खासदार जया बच्चन यांना प्रसिद्धी माध्यमांनी गराडा घालताच त्या...
Read More
post-image
आघाडीच्या बातम्या देश

आरेतील मेट्रो कारशेडला स्थगिती नाही

नवी दिल्ली – आरेतील वृक्षतोडीवर आज सर्वोच्च न्यायालयात सुनावणी झाली. यावेळी सर्वोच्च न्यायालयाने वृक्षतोडीवरील स्थगिती कायम ठेवली असून आरेतील किती झाडे तोडली आणि त्याबदल्यात...
Read More
post-image
महाराष्ट्र

गडचिरोलीत कडेकोट बंदोबस्तात मतदान प्रक्रिया पूर्ण

गडचिरोली – १३ व्या राज्य विधानसभेसाठी आज राज्यभरात मतदान प्रक्रिया पार पडत आहे. गडचिरोली जिल्ह्यातही आज सकाळी ७ वाजल्यापासून कडेकोट बंदोबस्तात मतदान सुरू झाले...
Read More