यापुढे मला मार खाणारे नव्हे तर मार देणारे कार्यकर्ते हवेत, राज ठाकरेंनी पदाधिकार्‍यांना खडसावले – eNavakal
मुंबई राजकीय

यापुढे मला मार खाणारे नव्हे तर मार देणारे कार्यकर्ते हवेत, राज ठाकरेंनी पदाधिकार्‍यांना खडसावले

मुंबई – विक्रोळीत मनसे कार्यकर्त्यांना झालेल्या मारहाणीच्या पार्श्वभूमीवर आज मनसे अध्यक्ष राज ठाकरे यांनी प्रभादेवी येथील निवासस्थानी कुष्णकुंजवर विभाग प्रमुखांची तातडीची बैठक बोलावली. मला मार खाणारे नको, तर मार देणारे कार्यकर्ते हवे आहेत, अशा शब्दांत त्यांनी पदाधिकार्‍यांना खडसावले. फेरीवालाविरोधात आणि मराठी भाषेच्या समर्थनार्थ आंदोलन करताना पक्षाच्या पदाधिकार्‍यांना विरोधी गटाकडून होत असलेल्या मारहाणीबद्दल राज ठाकरे यांनी संताप व्यक्त केला. पक्षाच्या प्रमुख पदाधिकार्‍यांना विरोधी गटाकडून मार मिळाल्याची गेल्या महिनाभरातील ही दुसरी घटना आहे. महिनाभरापूर्वी मालाडमध्ये विभाग अध्यक्ष सुशांत माळवदे यांच्यावर फेरीवाल्यांनी हल्ला केला होता.
आंदोलनांमध्ये मला मार खाणारे नाहीत, तर मार देणारे कार्यकर्ते अपेक्षित असल्याची भूमिका राज ठाकरे यांनी नुकतीच व्यक्त केली होती. येत्या शुक्रवारी अनधिकृत फेरीवाला प्रकरणात मनसे पदाधिकार्‍यांना न्यायालयाने दिलेल्या आदेशांचे पत्र दिले जाणार आहे. ते पत्र स्थानिक महापालिका आणि पोलीस अधिकार्‍यांना देऊन अनधिकृत फेरीवाल्यांविरोधातील कारवाईवर लक्ष ठेवण्याच्या सूचना राज यांनी दिल्या आहेत. काल मनसेचे विक्रोळीतले उपविभाग अध्यक्ष विश्वजित ढोलम, विनोद शिंदे आणि उपशाखा अध्यक्ष उपेंद्र शेवाळे यांच्यावर तेथील फेरीवाल्यांकडून हल्ला करण्यात आला. या हल्ल्यात मनसे पदाधिकारी गंभीर जखली झाले. काल मध्यरात्री 2 वाजता अमित ठाकरे आणि मनसे नेता नितिन सरदेसाई यांनी रुग्णालयात जाऊन जखमींची भेट घेतली. पोलिसांनी या प्रकरणी तीन जणांना अटक केली असून त्यांच्यावर दंगलीचा गुन्हा दाखल करण्यात आला आहे.

Sharing is caring!

You may also like

Read More

post-image
देश विदेश

चेन्नईत भीषण पाणीटंचाई! लिओनार्डोने व्यक्त केली चिंता

न्यूयॉर्क – देशात यंदा मान्सूनच्या आगमनास उशीर झाल्याने भीषण पाणीटंचाई निर्माण झाली आहे. तामिळनाडूमध्ये ही समस्या अतिशय गंभीर झाली आहे. तेथील लोकांना पिण्याच्या पाण्यासाठी तडफडावे...
Read More
post-image
मनोरंजन

अभिनेत्री स्मिता तांबेचं ग्लॅमरस फोटोशूट पाहिलंत?

मुंबई – चतुरस्त्र अभिनेत्री स्मिता तांबे हिने नुकतंच स्टनिंग फोटोशूट केलं आहे. करारी, कणखर ते सोज्वळ, सोशीक अशा वेवेगळ्या धाटणीच्या स्त्री-प्रधान भूमिकांमध्ये दिसणारी सशक्त...
Read More
post-image
देश

डीएचएफएलने कर्जाचा हफ्ता बुडविला

नवी दिल्ली – दिवान हाऊसिंग लिमिटेड (DHFL)चे शेअर आज तब्बल नऊ टक्क्यांनी घसरले. बीएसईवर कंपनीच्या शेअरची किंमत 68.70 रुपये इतकी झाली आहे. या कंपनीने कमर्शिअल पेपर मॅच्युरिटीचे...
Read More
post-image
आघाडीच्या बातम्या देश राजकीय

५१ खासदारांच्या आग्रहानंतरही राहुल गांधी निर्णयावर ठाम

नवी दिल्ली – युपीए अध्यक्षा सोनिया गांधी यांच्या अध्यक्षतेखाली आज कॉंग्रेसच्या लोकसभा खासदारांची बैठक झाली. या बैठकीत कॉंग्रेस नेते राहुल गांधीदेखील उपस्थित होते. या बैठकीत...
Read More
post-image
आघाडीच्या बातम्या मनोरंजन

बिग बॉस मराठी २ : ‘टिकेल तोच टिकेल’

मुंबई – बिग बॉस मराठीच्या घरामध्ये आज ‘टिकेल तोच टिकेल’ हे कार्य रंगणार आहे. हे कार्य दोन टीममध्ये पार पडेल. कार्यानुसार गार्डन एरियामध्ये एक सिंहासन...
Read More