पंढरपूर-सोलापूर महामार्गावर भीषण अपघात; ६ ठार १ जखमी – eNavakal
अपघात आघाडीच्या बातम्या महाराष्ट्र

पंढरपूर-सोलापूर महामार्गावर भीषण अपघात; ६ ठार १ जखमी

सोलापूर – सोलापूर – पंढरपूर रस्त्यावर ईश्वर वठार परिसरातील घाडगे वस्तीजवळ कार एसटीवर आदळून झालेल्या भीषण अपघातात कारमधील सहाजण ठार तर एकजण गंभीर जखमी झाल्याची घटना शनिवारी दुपारच्या सुमारास घडली.  सुरेश रामचंद्र कोकणे ( ६८ ) , सचिन सुरेश कोकणे ( ४०),  सविता सचिन कोकणे ( ३४ ) ,  आर्यन सचिन कोकणे ( १२ ) ,  श्रद्धा राजेश सावंत ( २० ) ,  प्रथम राजेश सावंत ( १६ ) अशी मृतांची नावे आहेत.  धनश्री राजेश सावंत ( १९ ) हि गंबीर जखमी असून तिच्यावर उपचार सुरु आहेत. अपघात इतका भीषण होताकी कारच्या समोरच्या भागाचा चुराडा झाला होता.
मुंबई येथील घाटकोपर परिसरात राहणाऱ्या सुरेश कोकणे हे आपल्या कुटुंबासह पंढरपूर येथे दर्शनाला येत असताना त्यांच्या (एमएच ०३ ए झेड -३११६) या मारुती इको कारने  राज्य परिवहन महामंडळाच्या इस्लामपूर आगाराच्या  (एम- एच- ०७ –  सी- ९०१७) या इस्लामपूर- अक्कलकोट या सोलापूरकडे निघालेल्या एसटी बसला दिलेल्या धडकेत सहा जणांचा मृत्यू झाला असून एक मुलगी गंभीर जखमी आहे . सुरेश कोकणे कुटुंब  अक्कलकोट  येथील देवदर्शन आटोपून य पंढरपूरकडे दर्शनाला येत असताना दुपारी साडेचारच्या दरम्यान पंढरपूर जवळील ईश्वरवठार परिसरात हा भीषण अपघात झाला . पंढरपूरकडून अक्कलकोटला निघालेल्या बसला कोकणे यांच्या कारने समोरून धडक दिल्याने त्यांची गाडी थेट बसमध्ये घुसून बसली होती. जोरदार आवाजाने जवळपासच्या ग्रामस्थांनी तातडीने मदत करीत पहिल्यांदा गाडीतील जखमींना बाहेर काढायचा प्रयत्न केला मात्र जागीच पाच जणांचा मृत्यू झाल्याचे दिसून आल्यावर यातील जखमी तरुण आणि तरुणीला तातडीने उपचारासाठी पंढरपूर येथील शासकीय रुग्णालयात हलविण्यात आले. उपचार सुरु असताना यातील तरुणाचाही मृत्यू झाल्याने गंभीर अवस्थेतील जखमी तरुणीला उपचारासाठी सोलापुरात हलविण्यात आले आहे . या अपघातातील सुरेश कोकणे यांचे मुंबई येथे लक्ष्मी केटरर्स हि फर्म आहे. या अपघातात कारमधील सातपैकी सहाजण ठार तर एकजण गंभीर जखमी झाल्यामुळे बराच वेळ मृतांची ओळख पटत नव्हती. अखेर उशिरा संपर्क साधून मृतांची ओळख पटविण्यात आली .

Sharing is caring!

You may also like

Read More

post-image
देश

नेपाळच्या शाळांमध्ये चीनी भाषेची सक्ती

काठमांडू – नेपाळमधील अनेक शाळांमध्ये विद्यार्थ्यांना चीनी भाषा शिकणे अनिवार्य करण्यात अआले आहे. सध्या चीन आणि नेपाळ हे दोन देश अधिक जवळ येत असून भाषा...
Read More
post-image
आघाडीच्या बातम्या देश

लवकरात लवकर राम मंदिर उभारले जाईल – उद्धव ठाकरे

अयोध्या – हिंदुत्व व राम मंदिराचा मुद्या पुन्हा एकदा ऐरणीवर आला आहे. शनिवारी अयोध्येमध्ये हिंदू धर्माचे शंकराचार्य यांच्यासहित डझनभर संत-महंत तसेच भाजपा व संघाचे...
Read More
post-image
आघाडीच्या बातम्या महाराष्ट्र राजकीय

राज्य मंत्रिमंडळ विस्तार! पहिल्या शपथविधीचा मान राधाकृष्ण विखे पाटलांना

मुंबई – लोकसभा निवडणुकीनंतर सतत होणार्‍या टोलवा टोलवीनंतर अखेर महाराष्ट्राच्या मंत्रिमंडळाचा विस्तार आज रविवारी सकाळी पार पडला असून पहिल्या शपथविधीचा मान काँग्रेस राष्ट्रवादीतून नुकतेच...
Read More
post-image
देश

राजस्थानची सुमन राव ठरली फेमिना मिस इंडिया २०१९

नवी दिल्ली – फेमिना मिस इंडिया या स्पर्धेचा अंतिम टप्पा शनिवारी मुंबईच्या सरदार वल्लभभाई पटेल स्टेडियममध्ये पार पडला. एकूण ३० स्पर्धकांशी लढत आपल्या सौंदर्य...
Read More
post-image
दिनविशेष

दिनविशेष : अमेरिकन अभिनेते स्टॅन लॉरेल

आज अमेरिकन अभिनेता, लॉरेल व हार्डीचा अर्धा भाग स्टॅन लॉरेल यांचा स्मृतिदिन. त्यांचा जन्म. १६ जुन १८९० साली झाला. साल १९२६पासून या जोडीने खरी...
Read More