पंजाब विरुद्ध मुंबईने घेतला मागील पराभवाचा बदला – eNavakal
क्रीडा मुंबई

पंजाब विरुद्ध मुंबईने घेतला मागील पराभवाचा बदला

मुंबई-वानखेडे स्टेडियमवर झालेल्या आयपीएल चषक क्रिकेट स्पर्धेतील आजच्या महत्वपूर्ण लढतीत गतविजेत्या मुंबईने पंजाबचा थरारक लढतीत अवघ्या 3 धावांनी पराभव करून मागील पराभवाचा बदला घेतला. तसेच स्पर्धेतील ‘प्ले ऑफ’मध्ये प्रवेश करण्याच्या आपल्या आशा कायम राखल्या आहेत. विजयासाठी पंजाबला 187 धावांची गरज होती. पण त्यांना 20 षटकात 5 बाद 183 धावांचीच मजल मारता आली. सलामीवीर राहूलची झुंजार 94 धावांची  खेळी व्यर्थ ठरली. तो आपल्या संघाला विजय मिळवून देऊ शकला नाही. बुमराहाने सुरेख मारा करून तीन महत्त्वाचे बळी घेऊन मुंबईला शानदार विजय मिळवून देण्यात महत्त्वाची भूमिका बजावली. 13 सामन्यात मुंबईचा हा 6 वा विजय होता. तर 13 सामन्यात पंजाबचा हा 7 वा पराभव होता. आता रविवारी मुंबईचा शेवटचा सामना दिल्ली विरुध्द होणार आहे. तो मुंबईने  मोठ्या फरकाने जिंकल्यास मुंबईला ‘प्ले ऑफ’मध्ये प्रवेश करण्याची संधी मिळेल. मुंबईने गुणतालिकेत आता चौथ्या क्रमांकावर झेप घेतली आहे.

तत्पूर्वी नाणेफेक जिंकून पंजाबचा कर्णधार अश्विनने मुंबईला प्रथम फलंदाजी दिली. ‘कमबॅक’ करणार्‍या अष्टपैलू पोलार्डने काढलेल्या दमदार अर्धशतकाच्या जोरावर मुंबईने 20 षटकांत 8 बाद 186 धावांची मजल मारली. मुंबईची सुरुवात खराब झाली. पहिले 4 फलंदाज अवघ्या 71 धावांतच 8.2 षटकांत तंबुत परतले. सलामीवीर लुईसला टायने अवघ्या 9 धावांवर बाद करून पंजाबला पहिले यश मिळवून दिले. त्यानंतर आलेल्या किशानला देखील टायनेच 20 धावांवर माघारी पाठविले. तर नंतर जम बसलेल्या सूर्यकुमार यादवलादेखील 27 धावांवर बाद करून पंजाबला तिसरे यश मिळवून दिले. त्याने 15 चेंडू खेळताना 3 चौकार आणि 2 षटकार मारले. कर्णधार रोहित शर्मा पुन्हा एकदा अपयशी ठरला. त्याला 6 धावांवर राजपूतने बाद करून मुंबईला मोठा धक्का दिला. कृणाल पंड्या आंणि पोलार्डने पाचव्या विकेटसाठी अर्धशतकी भागीदारी करून मुंबईचा डाव सावरण्याचा प्रयत्न केला. अखेर पंड्याला स्टोनिसने 32 धावांवर बाद करून ही जोडी फोडली. त्याने 23 चेंडू खेळताना 1 चौकार आणि 2 षटकार मारले. पांड्या पाठोपाठ मग पोलार्डदेखील तंबुत परतला. अश्विनने त्याला 50 धावांवर बाद केले. त्याने अवघ्या 23 चेंडूंत पाच चौकार आणि तीन षटकार मारून झटपट अर्धशतकी खेळी केली.तो बाद झाल्यानंतर मात्र इतर फलंदाज मोठी धावसंख्या काढण्यात अपयशी ठरले. त्यामुळे मुंबईला 200 धावांचा टप्पा गाठता आला नाही. पंजाबतर्फे टायने सुरेख मारा करताना अवघ्या 16 धावांत 4 गडी टिपले. तर कर्णधार अश्विनने देखील 18 धावा देऊन दोन बळी घेतले.

Sharing is caring!

You may also like

Read More

post-image
न्युज बुलेटिन व्हिडीओ

नवाकाळचे सायंकाळी ७ वाजताचे न्यूज बुलेटिन (२०-०३-२०१९)

Sharing is caring!FacebookPinterestTwitterGoogle+ Related posts: नवाकाळचे सायंकाळी ७ वाजताचे न्यूज बुलेटीन (०१-०६-२०१८) नवाकाळचे सायंकाळी ७ वाजताचे न्यूज बुलेटिन (०७-०७-२०१८) नवाकाळचे सायंकाळी ७ वाजताचे न्यूज...
Read More
post-image
आघाडीच्या बातम्या देश

समझौता एक्स्प्रेस स्फोट प्रकरण : सर्व आरोपींची मुक्तता

नवी दिल्ली – 12 वर्षांपूर्वी झालेल्या समझौता एक्स्प्रेस बॉम्बस्फोटप्रकरणी मुख्य आरोपी असीमानंद यांच्यासह सर्व आरोपींची मुक्तता करण्याचा निर्णय पंचकुलामधील विशेष एनआयएच्या न्यायालयाने दिला आहे. या...
Read More
post-image
महाराष्ट्र राजकीय

टीव्हीवर ‘हे’ भाषण ऐकण्यासाठी पवारांनी बैठक थांबवली

मुंबई – राष्ट्रवादीचे अध्यक्ष शरद पवार यांनी आज मुंबईत विरोधी पक्षनेते धनंजय मुंडे यांच्या निवासस्थानी बैठक बोलावली होती. या बैठकीदरम्यान टीव्हीवर एक भाषण लागलं आणि पवारांनी चक्क...
Read More
post-image
आघाडीच्या बातम्या क्रीडा

शमीला वर्ल्ड कपसाठी पुरेशी विश्रांती मिळणार

मुंबई – इंडियन प्रीमिअर लीगमध्ये भारतीय संघातील खेळाडूंवर पडणाऱ्या अतिरिक्त तणावावर सध्या जोरदार चर्चा सुरू आहे. या पार्श्वभूमीवर आगामी वर्ल्ड कपचं महत्त्व लक्षात घेता किंग्स इलेव्हन पंजाब...
Read More
post-image
आघाडीच्या बातम्या देश विदेश

आता इंस्टग्रामवरून शॉपिंग करता येणार

नवी दिल्ली – इंस्टग्राम या सध्याच्या लोकप्रिय अॅपने निवडक ब्रँडच्या उत्पादनाची खरेदी करण्याची सुविधा आणली आहे. इन्स्टाग्राम अॅपमध्ये नवीन फीचर आणले आहे. या फीचरच्या...
Read More