निवडणूक आयोगाचे अशोक लवासा संतप्‍त! कोर्टात दाद मागणार – eNavakal
आघाडीच्या बातम्या देश

निवडणूक आयोगाचे अशोक लवासा संतप्‍त! कोर्टात दाद मागणार

नवी दिल्ली – लोकसभा निवडणूक प्रचारादरम्यान यंदा प्रथमच आचारसंहिता उल्लंघनाच्या तक्रारींबाबतच्या निर्णयावरून निवडणूक आयोगावर पक्षपाती निर्णय घेतल्याची टीका सातत्याने झाली. निवडणूक आयोग मोदी आणि शहांचे गुलाम बनले आहे असे काँग्रेसने जाहीरपणे म्हटले. या आरोपांना पुष्टी देणारी अत्यंत गंभीर घटना घडली आहे. निवडणूक आयोगाचे सदस्य अशोक लवासा यांनी कोर्टात दाद मागण्याचा निर्णय घेतला आहे.

निवडणूक आयोगाचे अध्यक्ष सुनील अरोरा यांच्यासह अशोक लवासा व आणखी एकजण अशी तीन सदस्य समिती आहे. निवडणूक आचारसंहिता व इतर निमकायदेशीर बाबींबाबत ही समिती निर्णय घेते. मात्र या समितीचे सदस्य अशोक लवासा यांनी म्हटले आहे की, बहुमताच्या जोरावर समितीत निर्णय घेतले जातात. पण मी जेव्हा विरोधी मत मांडतो तेव्हा त्या मताची नोंद केली जात नाही. माझे मत हे अल्पमतातील असले तरी ते रेकॉर्डवर यायलाच हवे. परंतु त्याचा रेकॉर्ड ठेवला जात नाही. मी तक्रार केली तेव्हा सांगण्यात आले की, केवळ निमकायदेशीर बाबी असल्यास त्यावर निर्णय घेताना तिघांच्या मताची नोंद होते. एरवी अल्पमताचा रेकॉर्ड ठेवणे बंधनकारक नसल्याचे सांगतात, पण हे खरे नाही. समितीच्या बैठकींचा रेकॉर्ड ठेवलाच पाहिजे.

निवडणूक आयोगाचे अध्यक्ष सुनील अरोरा यांना अशोक लवासा यांनी पत्र पाठवून ही तक्रार केली आहे. याच तक्रारीवर दाद मागण्यासाठी लवासा आता कोर्टात दाद मागण्याच्या तयारीत आहेत. निवडणूक आयोग समितीची गेल्या 4 मे रोजी बैठक झाली. त्यानंतर एकही बैठक झाली नाही. या वादामुळेच बैठका झाल्या नाहीत अशी चर्चा आहे. अशोक लवासा यांनी त्यापुढच्या बैठकांना हजर राहू नये आणि विरोधी सूर लावू नये म्हणून त्यांच्यावर दबावही आणण्यात आला. अशोक लवासांनी पत्रात म्हटले आहे की, माझे मत रेकॉर्डवरही आणणार नसले तर मी बैठकीला हजर राहून काय उपयोग आहे? मला बैठकींपासून दूर ठेवण्याचाही प्रयत्न होत आहे.

निवडणूक आयोगाच्या अनेक निर्णयांबाबत गंभीर आक्षेप घेण्यात आले आहे. काँग्रेसने मोदी आणि शहा यांच्या विरोधात केलेल्या तक्रारीची अद्याप आयोगाने दखल घेतलेली नाही. पश्‍चिम बंगालचा प्रचार वीस तास आधी बंद केल्याप्रकरणीही आयोगावर टीका झाली आहे. नांदेडच्या सभेबाबत मोदींना आणि वायनाडच्या सभेबाबत अमित शहांना क्‍लिनचीट दिल्यानेही वादळ उठले होते. पंतप्रधान नरेंद्र मोदींच्या सहा भाषणांवर आणि अमित शहा यांच्या दोन भाषणांवर आक्षेप घेण्यात आला होता. मात्र निवडणूक आयोगाने अशोक लवासाना डावलून नरेंद्र मोदी यांना चार भाषणांसाठी आणि अमित शहा यांना एका भाषणासाठी क्‍लीन चीट दिली. त्यांना या भाषणांमध्ये आचारसंहितेचा भंग झाल्याचे दिसले नाही. त्यामध्ये मोदी यांनी गुजरातच्या पाटण येथे 21 एप्रिलला केलेले भाषण, नांदेड येथील भाषण, वर्धा व लातूर येथील भाषणाचा समावेश आहे. गुजरातच्या पाटण येथील सभेत मोदींनी  म्हटले होते की, विंग कमांडर अभिनंदन याला सोडले नसते तर पाकिस्तानसाठी मृत्यूची रात्र ठरली असती. लातूर येथील सभेमध्ये मोदी यांनी पुलवामा हल्ल्यात शहीद झालेल्या जवानांच्या नावाने मतदान करण्याचे आवाहन नवीन मतदारांना केले होते. या कुठच्याही भाषणात निवडणूक आयोेगाच्या दोन सदस्यांना आचारसंहितेचा भंग आढळला नाही. अशोक लवासा यांनी मात्र हा आचारसंहितेचा भंग असल्याचे सांगितले होते. परंतु त्यांचे मत दाबून टाकण्यात आले.

अशोक लवासा यांच्या तक्रारीनंतर मुख्य निवडणूक आयुक्‍त सुनील अरोरा म्हणाले की, तिघांची मते एक असू शकत नाहीत. शिवाय अशोक लवासा यांनी स्वत:हूनच निवडणूक आयोगाच्या बैठकींपासून दूर राहण्याचा निर्णय घेतला आहे.

Sharing is caring!

You may also like

Read More

post-image
आघाडीच्या बातम्या महाराष्ट्र

पंजाब अँड महाराष्ट्र को ऑपरेटिव्ह बँकेवर सहा महिन्यांसाठी निर्बंध

मुंबई – रिझर्व्ह बँकेने सहकार क्षेत्रातील पंजाब अँड महाराष्ट्र को ऑपरेटिव्ह बँकेवर सहा महिन्यांसाठी निर्बंध लादले आहेत. आर्थिक अनियमितता आढळून आल्याने हे निर्बंध लादण्यात...
Read More
post-image
देश

सलग आठव्या दिवशी पेट्रोल-डिझेल दरात वाढ

मुंबई – आज सलग आठव्या दिवशी पेट्रोल-डिझेलच्या दरात वाढ झाली आहे. मुंबईत पेट्रोलच्या दरात २२ पैशांनी वाढ झाली आहे. या दरवाढीमुळे मुंबईत पेट्रोलचा दर...
Read More
post-image
महाराष्ट्र

साहित्य संमेलनाध्यक्षपदी फादर दिब्रिटोंच्या निवड, विहिंपकडून विरोध

उस्मानाबाद – 93 व्या अखिल भारतीय मराठी साहित्य संमेलनाच्या अध्यक्षपदी ज्येष्ठ साहित्यिक फादर फ्रान्सिस दिब्रिटो यांची निवड करण्यात आली आहे. याला विश्व हिंदू परिषदेने...
Read More
post-image
देश विदेश

डोनाल्ड ट्रम्प यांनी काश्मीरप्रश्नी पुन्हा मध्यस्थीची तयारी दाखवली

न्यूयॉर्क – अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा काश्मीर प्रश्नी भारत आणि पाकिस्तानात मध्यस्थी करण्याची तयारी दाखविली आहे. जर भारत आणि पाकिस्तान हे दोन्ही...
Read More