नादाल, जोकोव्हिच, ज्वेरवची आगेकूच – eNavakal
News क्रीडा विदेश

नादाल, जोकोव्हिच, ज्वेरवची आगेकूच

टोरॅन्टो – जागतिक टेनिस क्रमवारीत पुरुष गटात अव्वल क्रमांकावर असलेल्या राफेल नादाल, नोवाक जोकोव्हिच आणि अ‍ॅलेक्झांडर ज्वेरवने येथे सुरू असलेल्या टोरॅन्टो आंतरराष्ट्रीय मास्टर्स टेनिस स्पर्धेत आपली आगेकूच कायम राखताना तिसर्‍या फेरीत प्रवेश केला. दुसर्‍या फेरीच्या सामन्यात नादालने फ्रान्सच्या बेनोइट पेयरचा सरळ दोन सेटमध्ये 6-2, 6-3 असा आरामात पराभव केला.
नादालने सुरुवातीपासूनच आक्रमक खेळ करून पेयरेला विजयाची संधी दिली नाही. त्याने दोन्ही सेटमध्ये सुरुवातीपासून घेतलेली आघाडी शेवटपर्यंत कायम राखली. 3 वेळा ही स्पर्धा जिंकणार्‍या नादालचे लक्ष यंदा चौथ्या जेतेपदाकडे आहे. नादालने ही लढत तासाभरात जिंकली. आता तिसर्‍या फेरीत त्याचा मुकाबला वॉवरिंकाशी होणार आहे. दुसर्‍या सामन्यात वॉवरिंकाने 3 सेटमध्ये चुरशीच्या लढतीत मार्टन फुकसोविचा पराभव केला. पहिला सेट गमावून देखील पुढचे 2 सेट जिंकून वॉवरिंकाने सामन्यात जोरदार कमबॅक केले. गेल्याच महिन्यात झालेली विम्लब्डन ग्रॅण्ड स्लॅम टेनिस स्पर्धा जिंकणार्‍या नोवाक जोकोव्हिचने दुसर्‍या फेरीच्या लढतीत कॅनडाच्या पीटर पोलंस्कीलादेखील दोन सेटमध्ये नमवले. आक्रमक खेळ करून जोकोने पीटरला विजयाची संधी दिली नाही. गतविजेत्या आणि स्पर्धेत दुसरे मानांकन देण्यात आलेल्या जर्मनीच्या अ‍ॅलेक्झांडर ज्वेरवनेदेखील आपल्या दुसर्‍या फेरीची लढत सहज जिंकली. त्याने बॅडलेला 6-4, 6-4 असे दोन सेटमध्ये नमवले.इतर सामन्यात जॉन इस्नेर फॅबिफोगेनी,डेनिस शापालोव यांनीदेखील विजय मिळवला. अर्जेंटिनाचा स्टार खेळाडू डेल पोत्रौने मात्र हाताला झालेल्या दुखापतीमुळे स्पर्धेतून शेवटच्या क्षणी माघार घेतली.

Sharing is caring!

Leave a Comment

Your email address will not be published.

You may also like

Read More

post-image
आघाडीच्या बातम्या देश राजकीय

अटल बिहारी वाजपेयी अनंतात विलीन

नवी दिल्ली – देशाचे माजी पंतप्रधान अटल बिहारी यांचे गुरूवारी सायंकाळी ५ वाजता निधन झाले. वाजपेयी यांच्या पार्थिवावर राजघाटाजवळील राष्ट्रीय सृतीस्थळी लष्करी इतमामात आज शुक्रवारी...
Read More
post-image
आघाडीच्या बातम्या देश

19 ऑगस्टला हरिद्वारमध्ये अटलजींचे अस्थिविसर्जन

नवी दिल्ली – देशाचे माजी पंतप्रधान अटल बिहारी यांचे गुरूवारी सायंकाळी ५ वाजता निधन झाले. वाजपेयी यांच्या पार्थिवावर राजघाटाजवळील राष्ट्रीय सृतीस्थळी लष्करी इतमामात आज शुक्रवारी सायंकाळी...
Read More
post-image
महाराष्ट्र

वसईतील नुकसानग्रस्त रहिवासी आजही शासन मदतीपासून वंचित

वसई –  वसई तालुक्याच्या शहरी व ग्रामीण भागात जुलै महिन्यात मोठी अतिवृष्टी होऊन पावसाचे पाणी आणि सोबत पुराचे पाणी चक्क नागरिकांच्या घरात,दुकानात रस्त्यावर आदी ठिकाणी...
Read More
post-image
आघाडीच्या बातम्या क्रीडा

‘इसोव’नी रचला भारतासाठी नवा इतिहास 

नवी दिल्ली – स्वित्झर्लंड मध्ये सुरु असलेल्या जागतिक अजिंक्यपद सायकल स्पर्धेत अंदमान निकोबारच्या अवघ्या १७ वर्षीय इसोव अल्बानने रौप्य पदक जिंकून भारतासाठी नवा इतिहास...
Read More
post-image
महाराष्ट्र

माळशेज घाटात पर्यटकांची झुंबड

मुरबाड – पर्यटकांच्या सुरक्षितेच्या हेतूने ठाणे जिल्ह्याचे तात्कालीन कार्यरत  जिल्हाधिकारी महेंद्र कल्याणकर यांनी जिल्ह्यातील पावसाळी पर्यटन स्थळ माळशेज घाटातील सर्व  धबधबे व इतर पर्यटक स्थळांवर...
Read More