नाणार रद्द! नाणारवासियांनी अखेर सरकारला झुकवले – eNavakal
आघाडीच्या बातम्या महाराष्ट्र

नाणार रद्द! नाणारवासियांनी अखेर सरकारला झुकवले

मुंबई – अखेर नाणार प्रकल्प आज रद्द झाला. खुद्द मुख्यमंत्री देवेंद्र फडणवीस यांनी नाणार रिफायनरी प्रकल्प रद्द करण्याच्या अधिसुचनेवर सही केली. त्यानंतर उद्योगमंत्री आणि शिवसेना नेते सुभाष देसाई यांनी नाणार प्रकल्प रद्द झाल्याची घोषणा केली. कोकणातील राजापूर आणि देवगड तालुक्यातील गरिब शेतकर्‍यांनी दीर्घकाळ चालविलेल्या संघर्षाचा आज विजय झाला. लोकसभा निवडणुकीत शिवसेनेबरोबर युती करायची असेल तर आधी नाणार प्रकल्प रद्द करा अशी अट शिवसेनेने ठेवली होती. या अटीपुढे हतबल झालेली भाजपा नमली. शिवसेनेने सरकारच्या नाकीनऊ आणल्याने आणि नाणार प्रकल्पवासियांनी एकजूट कायम ठेवल्यामुळे आजचा ऐतिहासिक विजय मिळाला.

आता नाणार प्रकल्पासाठी घेतलेल्या राजापूर आणि देवगड तालुक्यातील 16 गावांमधील शेतकर्‍यांच्या जमिनी त्यांना परत केल्या जाणार आहेत. तसेच शेतकर्‍यांच्या 7/12 वर बसलेला एमआयडीसीचा शिक्काही काढून घेतला जाणार आहे. शेतकर्‍यांच्या मनाप्रमाणे निर्णय झाला आहे. गरिब आणि छोटे भुधारक शेतकर्‍यांना एकत्र आणून त्यांची ‘कोकण रिफायनरी विरोधी संघर्ष समिती’ बनवून निकराचा लढा देणारे त्यांचे नेते अशोक वालम यांचाही या विजयात मोठा वाटा आहे. प्रकल्पविरोधी आणि सरकारविरोधी आंदोलन करतानाच शिवसेनेसारख्या शेतकर्‍यांना बळ देणार्‍या पक्षांचा पाठिंबा मिळविण्याचे काम अशोक वालम यांनी केले. ‘गाव करी ते राव काय करी’ या म्हणीचा प्रत्यय या गरिब शेतकर्‍यांच्या आंदोलनाने जगाला आणून दिला.

आज मंत्रालयात मंत्रिमंडळ उपसमितीची महत्वपूर्ण बैठक झाली. मुख्यमंत्री देवेंद्र फडणवीस यांनी शिवसेना पक्षप्रमुख उध्दव ठाकरे यांना आशवासन दिल्याप्रमाणे लोकसभा निवडणुकीची आचारसंहिता लागण्यापूर्वीच मुख्यमंत्र्यांनी नाणार रिफायनरी प्रकल्प रद्द केला व तशी अधिसूचनाही काढली.  त्यानंतर सुभाष देसाई यांनी पत्रकारांना सांगितले की, बहुचर्चित नाणार रिफायनरीच्या भूसंपादनाची अधिसूचना 18 मे 2017 रोजी काढण्यात आली. या प्रस्तावित प्रकल्पाला स्थानिकांनी विरोध केला. गेली दोन-पावणेदोन वर्षे प्रकल्पग्रस्त आंदोलन करीत होते. विधिमंडळातही यावर चर्चा होऊन विविध आयुधे वापरून नाणारला विरोध झाला होता. वाढत्या विरोधामुळे नाणार प्रकल्प रद्द करावा लागला. उद्योग खात्यामार्फत नाणारची अधिसूचना रद्द व्हावी यासाठी मुख्यमंत्र्यांकडे प्रस्ताव पाठविला होता. त्या प्रस्तावावर मुख्यमंत्र्यांनी आज सही केली. हा निर्णय गॅझेटमध्ये लवकरच प्रसिद्ध होईल अशी माहिती देसाई यांनी दिली. तसेच निवडणुकीनंतर पुन्हा या प्रकल्पाची अधिसूचना काढणार का? असा सवाल त्यांना विचारला असता, ते शक्य नाही असे देसाई यांनी स्पष्ट केले. जेथे विरोध नसेल तिथे हा प्रकल्प होऊ शकतो, पण नाणार येथे होणार नाही, असे देसाई यांनी स्पष्ट केले.

नाणार रिफायनरी म्हणजेच तेल शुध्दीकरण प्रकल्प हा तीन लाख कोटी रुपये खर्च करून उभारला जाणार होता. हा प्रकल्प रत्नागिरी जिल्ह्यातील राजापूर तालुक्यातील 14 गावांमधील व सिंधुदुर्ग जिल्ह्यातील देवगड तालुक्यातील दोन गावांमधील एकूण 13 हजार एकर जमिन घेऊन त्यावर उभारला जाणार होता. या प्रकल्पासाठी 3 हजार लोकांचे पुनर्वसन करावे लागणार होते. भारत सरकारची हिंदुस्थान पेट्रोलियम, इंडियन ऑईल आणि भारत पेट्रोलियम या कंपन्यांनी सौदी अरेबियाच्या ‘आरामको’ कंपनीशी करार करून हा प्रकल्प उभारण्याचे ठरविले होते. त्यासाठी ‘रत्नागिरी रिफायनरी पेट्रोकेमिकल लिमिटेड’ या कंपनीचीही स्थापना करण्यात आली होती.

मात्र या प्रकल्पामुळे आंब्याच्या उत्पादनावरती विपरित परिणाम होणार होता. राजापूर आणि देवगड येथील हापूस आंबा हा जगप्रसिध्द आहे. या जगप्रसिध्द हापूस आंब्याला हा प्रकल्प करपवून टाकणार होता. तसेच छोट्या-छोट्या भुधारक शेतकर्‍यांच्या जमिनी गेल्यामुळे त्यांचे आयुष्यच उध्वस्त झाले होते. तसेच या गावकर्‍यांचे पुनर्वसन त्यांच्या गावाशी असलेली नाळ तोडून इतरत्र केले जाणार होते. त्यामुळे आपली वाड-वडिलांपासून जपलेली संस्कृती व जीवन उध्वस्त होणार यामुळे या 16 गावांतील गावकरी सतत 3 वर्षे प्रखर संघर्ष करीत आहेत. या संघर्षात महिला सर्वात आघाडीवर होत्या. या सर्वांच्याच संघर्षाचे आज चीज झाले आणि नाणार हद्दपार झाला.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या महाराष्ट्र

दिल्ली, जम्मूनंतर आता महाराष्ट्रातही भूकंपाचे धक्के, ‘या’ जिल्ह्यात जाणवले हादरे

सातारा – देशभर विविध राज्यात भूकंपाचे धक्के जाणवत असताना आता महाराष्ट्रातही भूकंपाचे हादरे बसायला लागले आहेत. साताऱ्यातील कोयना परिसरात २.६ रिश्टर तीव्रतेचे भकंपाचे धक्के...
Read More
post-image
आघाडीच्या बातम्या महाराष्ट्र

नागपूर-औरंगाबाद महामार्गावरील अपघातात मुलासह आई-वडिलांचा मृत्यू

वाशिम – नागपूर-औरंगाबाद महामार्गावर भीषण अपघात झाला असून या अपघातात तिघांचा जागीच मृत्यू झाला आहे.  हा अपघात इतका भीषण होता की, यात कारचा चक्काचूर झाला....
Read More
post-image
विदेश

एअर फ्रान्स ७,५०० कर्मचाऱ्यांना कामावरून काढून टाकणार

नवी दिल्ली – कोरोना व्हायरसचा फैलाव रोखण्यासाठी लागू करण्यात आलेल्या लॉकडाऊनचा मोठा फटका इतर विमान कंपन्यांप्रमाणेच एअर फ्रान्सनालाही बसला आहे. त्यामुळे आर्थिक संकटात सापडलेल्या एअर...
Read More
महाराष्ट्र

एसबीआयच्या ५ कर्मचाऱ्यांना कोरोना, परळीसह १६ गावांमध्ये लॉकडाऊन

बीड – परळीतील स्टेट बँक ऑफ इंडियातील ५ कर्मचारी कोरोना पॉझिटीव्ह असल्याचे काल उघडकीस आल्यानंतर आजपासून परळी शहर आणि परिसरातील १६ गावांमध्ये ८ दिवसांचा...
Read More
post-image
महाराष्ट्र

धुळे पालिका क्षेत्रातील सर्व दुकाने सोमवारपासून ४ वाजताच बंद होणार

धुळे – कोरोना विषाणूचा प्रादुर्भाव रोखण्यासाठी जिल्हा प्रशासन वेगवेगळ्या पातळ्यांवर प्रयत्न करीत आहे. त्याबरोबरच मिशन बिगिन अगेन राबवीत जनजीवन पूर्व पदावर आणण्याचा प्रयत्न करीत...
Read More