नागपुरात अवैध फेरीवाल्यांकडून एका दाम्पत्यास मारहाण – eNavakal
अन्य गुन्हे महाराष्ट्र

नागपुरात अवैध फेरीवाल्यांकडून एका दाम्पत्यास मारहाण

नागपूर – अवैध फेरीवाल्यांच्या गुंडगिरीचा अत्यंत धक्कादायक आणि संतापजनक प्रकार नागपुरात समोर आला आहे. शहरातील सर्वात प्रमुख आणि अत्यंत गजबजलेल्या सिताबर्डी बाजारपेठेत मुख्य रस्त्यावर फेरीवाल्यांनी एका महिलेला आणि तिच्या पतीला बेदम मारहाण केली. 20 फेब्रुवारी रोजी भर दुपारी घडलेला हा सर्व प्रकार सीसीटीव्हीमध्ये कैद झाला आहे. अनेक अवैध फेरीवाले पुजा सोनकुसरे आणि तिचे पती अंकेश यांना मारहाण करतानाची दृष्य सीसीटीव्हीत कैद झाली आहेत.  पुजा यांनी सीताबर्डी बाजारपेठेत रस्त्यावर उभे असलेल्या फेरीवाल्याकडून कपडे ( under garments ) खरेदी केले होते. मात्र, ते अपेक्षेप्रमाणे नसल्यामुळे पुजा आपल्या पतीसह ते बदलून घेण्यासाठी 20 फेब्रुवारीला दुपारी पुन्हा त्याच ठिकाणी गेल्या. फेरीवाल्याने खरेदी केले कपडे बदलून देण्यासाठी अतिरिक्त पैशांची मागणी केली.

यानंतर फेरीवाले आणि पुजा यांच्यात शाब्दिक वाद झाला. त्याच दरम्यान काही फेरीवाल्यांनी अंतरवस्त्रांच्या नावाने अश्लील शेरेबाजी सुरु केली. त्यामुळे अस्वस्थ झालेल्या पुजा यांनी तिथून निघून जाण्याचा निर्णय घेतला. पुजा रस्त्यावर उभी असलेल्या पतीच्या दुचाकीवर बसू लागल्या. तेवढ्यातच फेरीवाल्याने पाठीमागे येत पुजाला भिकारी संबोधलं आणि अंकेश सोनकुसरे यांना जोरदार धक्का मारला. पतीला वाचवण्यासाठी पुजा समोर जाताच फेरीवाल्याने पुजा यांना मारहाण सुरु केली. पत्नीला मारहाण होताना पाहून अंकेश समोर गेले असता अनेक फेरीवाले त्यांच्यावर तुटून पडले आणि जबर मारहाण केली. एका फेरीवाल्याने त्यांना पोटाच्या खालीही मारलं, असा दावा पुजा यांनी केला आहे.

घाबरलेल्या सोनकुसरे दाम्पत्याने त्वरित 100 नंबर डायल करत पोलीस नियंत्रण कक्षाला माहिती दिली. एकानंतर एक तीन कॉल केले. मात्र, पोलीस बरेच उशिरा आले. अखेर पुजा आणि अंकेश यांनी हाकेच्या अंतरावर असलेलं सिताबर्डी पोलीस स्टेशन गाठून तक्रार नोंदवण्याचा प्रयत्न केला. मात्र, सुरुवातीला पोलिसांनीही तक्रार घेण्यास नकार दिल्याचा आरोप या दाम्पत्याने केला. तुम्ही हा वाद आपापसात मिटवा, आम्ही तुमचे पैसे परत मिळवून देतो, अशी मांडवलीची भाषा काही पोलिसांनी केली. मात्र सोनकुसरे दाम्पत्य त्यांच्या तक्रारींवर कायम राहिलं आणि त्यांनी वरिष्ठांकडे धाव घेतल्याने रात्री 11 वाजता सिताबर्डी पोलीस स्टेशनमध्ये फेरीवाल्यांविरोधात मारहाण, विनयभंग असे गुन्हे नोंदवण्यात आले. दरम्यान, पोलिसांना याबद्दल एबीपी माझाने जाब विचारला असता अजब उत्तर मिळालं. एवढ्या किरकोळ प्रश्नांचीही कशाला बातमी करता, असं म्हणत पोलिसांनी टोलवाटोलवी केली

Sharing is caring!

You may also like

Read More

post-image
देश

बिहारमध्ये ‘एईएस’ आजाराने ११२ मुलांचा मृत्यू

पाटणा – बिहारमध्ये एक्यूट इन्सेफेलाईटिस सिंड्रोम (AES) या आजाराने कहर केला आहे. बिहारच्या मुजफ्फरपूरमध्ये या आजाराने आतापर्यंत तब्बल ९६ बालकांचा बळी गेला असून गेल्या...
Read More
post-image
आघाडीच्या बातम्या मुंबई

मुंबईतील सिद्धिविनायक मंदिर उडवून देण्याची धमकी

मुंबई – ठाण्याच्या सुप्रसिद्ध विवियाना मॉलच्या बाथरूममध्ये धक्कादायक संदेश मिळाला आहे. या बाथरूममध्ये संदेश ठेऊन मुंबईतील लोकप्रिय धार्मिक स्थळ सिद्धिविनायक मंदिर उडवून देण्याची धमकी...
Read More
post-image
आघाडीच्या बातम्या महाराष्ट्र

विधीमंडळाच्या अधिवेशनाला सुरुवात; पहिल्याच दिवशी विरोधक आक्रमक

मुंबई – विधिमंडळाचे पावसाळी अधिवेशन आजपासून मुंबईत सुरू झालं असून विधानसभा निवडणुकीच्या आधीचे शेवटचे अधिवेशन आहे. आज पहिल्याच दिवशी आक्रमक होत विरोधक अधिवेशनात महत्त्वाचे...
Read More
post-image
आघाडीच्या बातम्या देश

वीरेंद्र कुमार सतराव्या लोकसभेचे हंगामी अध्यक्ष! अधिवेशन सुरू

नवी दिल्ली – मोदी सरकार पुन्हा सत्तेवर आल्यानंतर संसदेचे पहिले अधिवेशन आज सोमवारपासून सुरू होत आहे. या अधिवेशनाला काही तास बाकी राहिले असतानाच विरोधक...
Read More
post-image
दिनविशेष

दिनविशेष : सिंहासनकार अरुण साधू

सिंहासनकार अरुण साधू यांची आज जयंती. त्यांचा जन्म १७ जून १९४१ साली झाला. एकाच वेळी मराठी आणि इंग्रजी भाषेत दर्जेदार लिखाण करणाऱ्या मोजक्या लोकांमध्ये...
Read More