नांदेड-मुंबई या विमानसेवेस आज पासून सुरुवात – eNavakal
महाराष्ट्र

नांदेड-मुंबई या विमानसेवेस आज पासून सुरुवात

नांदेड- चार वर्षाच्या दीर्घ प्रतीक्षेनंतर नांदेड-मुंबई या विमानसेवेस आज पासून उडान योजने अंतर्गत प्रारंभ झाला. आज 55 प्रवाशी घेऊन नांदेड येथून ट्रूजेट चे विमान मुंबईकडे रवाना झाले. नांदेड -मुबई विमानसेवा मराठवाड्यातील काही जिल्ह्यासह विदर्भातील निकटच्या जिल्ह्यातील प्रवाशांसाठी महत्वाची ठरणारी आहे.
     सहा महिन्यांपूर्वी केंद्र सरकारने उडान योजनेच्या माध्यमातून देशभरातील लहान विमानतळ जोडण्याचा निर्णय घेतला. यात नांदेड विमानतळाचा समावेश होता.  पहिल्या टप्प्यात नांदेड- हैद्राबाद ही विमानसेवा सुरू झाली. मात्र धावपट्टीच्या कारणास्तव नांदेड-मुंबई विमानसेवा सुरू झाली नव्हती. धावपट्टीचे काम करण्यात आल्याने आज हैदराबाद-नांदेड-मुंबई ही विमास सेवा ट्रूजेट कंपनीने सुरू केली आहे.
      मुंबई येथून आज आलेल्या या विमानात प्रवाश्यांसह सिने अभिनेते जितेंद्र,राकेश रोशन,आदित्य पांचोली आदीं उपस्थित होते. नांदेड विमानतळावर या सर्व प्रवाश्यांचे तसेच सिनेकलाकारांचे गुरुद्वारा बोर्डाच्या वतीने स्वागत करण्यात आले. त्यानंतर सिनेअभिनेते जितेंद्र,राकेश रोशन,आदित्य पांचोली आदींनी प्रसिद्ध अशा सचखंड हुजूर साहिब गुरुद्वारा येथे जाऊन दर्शन घेतले. यावेळी त्यांचा गुरुद्वाऱ्याच्या वतीने शिरोपाव देऊन सत्कार करण्यात आला.
     यापूर्वी 2008 साली किंगफिशर कंपनीने विमानसेवा सुरू केली होती.त्यांनतर गो-एअर,स्पाइस जेट या कंपन्यांनी सेवा सुरू केली होती. आता ट्रूजेट कंपनीने आजपासून सेवा सुरू केली आहे. त्यामुळे कमी दरात विमान प्रवास करन्याचे सर्वसामान्यांचे स्वप्न आता या विमानसेवेमुळे पूर्ण होणार आहे.

Sharing is caring!

You may also like

Read More

post-image
आघाडीच्या बातम्या देश

#MeToo यशराज फिल्म्सच्या उपाध्यक्षकाची पदावरून हकालपट्टी

मुंबई – #MeToo मोहिमेंतर्गत यशराज फिल्म्सचे उपाध्यक्ष आशिष पाटील यांना पदावरून काढण्यात आले आहे. एका महिलेने आशिष पाटीलवर लैंगिक शोषणाचा आरोप केला आहे. पाटील...
Read More
post-image
आघाडीच्या बातम्या मनोरंजन

ठग्स ऑफ हिंदुस्तानचे ‘वाश्मल्ले’ गाणे पाहिले का?

मुंबई – बिग बी अमिताभ बच्चन आणि मिस्टर परफेक्शनिस्ट आमीर खान’ हे दोघे पहिल्यांदाच ‘ठग्स ऑफ हिंदुस्तान’ या चित्रपटाच्या माध्यमातून सोबत काम करत आहेत....
Read More
post-image
आघाडीच्या बातम्या महाराष्ट्र

दिवाळीत साखर स्वस्त होणार

मुंबई – दिवाळीच्या मुहूर्तावर दिवाळ निघत अशी आरडाओरड करणाऱ्या रेशनकार्ड धारकांना सरकारने मोठा दिलासा दिला आहे. साखर आणि डाळीच्या दरात घट करण्यात आली असून...
Read More
post-image
आघाडीच्या बातम्या देश

भविष्य निर्वाह निधी व अन्य योजनांवरील व्याजदरात वाढ

दिल्ली – केंद्र सरकारने ऑक्टोबर ते डिसेंबर दरम्यान सर्वसाधारण भविष्य निर्वाह निधी व अन्य योजनांवरील व्याजदरात ०.४ टक्के इतकी वाढ केली आहे. यामुळे व्याजदर...
Read More